Сынып сағаты “Вейп - денсаулыққа қауіпті”

Сынып сағаты сценарийі

Тәрбие бағыты: Дене тәрбиесі

Тақырыбы: Вейп – Денсаулыққа қауіпті

Мақсаты: Оқушыларға вейптің денсаулыққа зиян екенің жеткізу, түсіндіру

Міндеттері: Электрондық темекінің ағзаға тигізетін кері әсерін және одан туындайтын ауру түрлерін айта отырып, зиянды әсерін ашу. Шылым шегудің зиянды жақтарын аша отырып, одан жиіркенуге, темекі - у екенін айтып, топ болып жұмыс істеуге тәрбиелеу. Салауатты өмір салтын қалыптастыру, жат қылықтан аулақ болуға тәрбиелеу.

Көрнекіліктер: Интерактивті тақта, видео-ролик.

Сабақ барысы:

1. Ұйымдастыру бөлімі

«Ұрпақ саулығы – ұлт саулығы» дейміз. Алайда жылдар жылжыған сайын жас ұрпақтың денсаулығына жауығатын қатерлі заттардың қатары көбейіп барады. Абыройдан айыратын алкоголь мен естен тандыратын есірткіден арыла алмай жүргенде ұрпақ санасын улайтын тағы бір тұйыққа тап болдық. Мерейімізді өсіре ме деп жүрген мектеп оқушыларының ендігі ермегі – электронды шылым.

2. Негізгі бөлім

«Вейп - денсаулық үшін өте қауіпті!» апталығы аясында «Ж.Қизатов атындағы жоғары ауыл шаруашылығы колледжінде сынып сағаттарын өткізілді. Іс-шараның мақсаты - салауатты өмір салтын насихаттау, білім алушылардың жеке қасиеттерін үйлесімді дамыту. Өсіп келе жатқан жастар арасында никотинге қарсы тақырып өзекті, өйткені дәл осы ерте жаста темекі шегудің басты себебі болып табылатын құрдастардың әсерінің рөлі артады. Білім алушыларға темекі шегудің зияны, сондай-ақ созылмалы емделмейтін аурулардың даму қаупі факторы ретінде кальян, вейптің зияны туралы айтылды. Сынып сағаттарын өткізу барысында кең ауқымды мәселелер қарастырылды, өз денсаулығына қатысты жауапкершілікті қалыптастыру тәсілдері қозғалды, мінез-құлық дағдыларын дамыту талқыланды.

«Кодекстің 110-бабында 248-тар­мақ бар. Онда «Темекі бұйымдары – шегу, сору, шайнау, иіскеу немесе тұтынудың өзге де тәсілдері үшін, оның ішінде темекіні қыздыруға арналған жүйенің немесе кез келген өзге де аспаптың көмегімен пай­да­ланатындай етіп дайындалған шикі­зат ретінде темекі жапырағынан және (немесе) темекі өсімдігінің бас­­қа да бөліктерінен толық немесе ішінара жасалған өнімдер», деп ай­қын жазылған.

«Балалар вейп сатылатын дүкен­дер­ге келіп, шылымның бұл түрін, оның сұйықтығын емін-еркін сатып алып жатыр. Оны түрлі пабликтерден көріп жүрміз. Вейпті әдетте «флешка», «фломастер» деп атап жатады. Оның негізгі құрамы – пропиленгли­коль. Бұл заттың құрамында никотин бар. Тиісінше, мұны біз темекі өні­мі деп ашық айта аламыз. Бүгінде осы өнімнің отаны саналатын Сан-Фран­циско округінің өзі (АҚШ) мұн­дай сұйық­тықтардан бас тартып отыр. Кері­сінше, қазақстандық жасөс­пі­рім­дер­дің, әсіресе мектеп оқушы­лары­ның арасында бұл өнім кең тарап ба­рады. Оларды вейптің түрлі хошиіс­тен­діргіштері, шайырдың, маракуйя, ман­го сынды жемістердің дәмі қы­зық­ты­рады. Бір сөзбен айтқанда, вейп шегу сәнге айналды», дейді қоғам бел­сендісі, кәсіпкер Қайрат Құдайберген.

Оқушылар назарымызды видео-роликке аударамыз: Вейп денсаулыққа қауіпті.

Оқушылар осы видео-роликтен не түсіндіндер?

3. Қорытынды бөлім

Оқушылар вейп адам денсаулығына зияны көп. Денсаулық адамға берілген байлық. Біз осы байлықты аялауымыз керек. Сол себепті денсаулығымызды қорғайық.