№ 29 орта мектебі

08.09.18

Денсаулық күні тақырыбы: «Шынықсаң - шымыр боласың!» спорттық сайыс

Жауапты: Ожан Аманкелді

Өтетін орны: спортзал

Тақырыбы: «Шынықсаң- шымыр боласың!» спорттық сайыс (2-6 сыныптар)

Мақсаты: Өсіп келе жатқан жас ұрпақтың денсаулығын сақтау және нығайту, дене жаттығуларын жасауға қызығушылықтарын арттыру, қимылдық іскерлігін жақсартуға тырысу, оларды дұрыс және нақты орындай білуге үйрету. Балаларды спорттық ойындармен, жаттығулармен таныстыру арқылы ойын техникасын меңгерту. Салауатты өмір сүруге баулу.

Қажетті құралдары: Үлкен, кіші доптар, кедергілер, иықағаштар, шарлар,шығыршықтар,балық, қармақ,арқан, қап.

Өтілу барысы:

1. Ұйымдастыру бөлімі: Шынықсаң - шымыр боласың, Сауығып айдай толасың. Спортты серік ете біл, Жақсы азамат боласың. Жеңімпаз болу оңай ма, Арман болған талайға Болмасаң да ұқсап бақ, Жарысқа түсіп қалайда. Әуенмен

Бағалаушы әділ-қазыларды таныстыру:

Спортшыларымызды қарсы алу.

Кіріспе бөлім: Балаларды ортаға шақыру. 2 топқа бөлу.

1 – топ «Жұлдыз» Жұлдыз – топтан қалмай жарыс, Ура!

2 – топ «Қыран» Қыран құстай самғаймыз, Топтардан біз қалмаймыз.

Негізгі бөлім: Дене қыздыру жаттығулары «Қара жорға» биімен жасалады.

1) Допты кедергілер арқылы алып жүру

Балалар допты жерге қаға отырып белгіні айналып келіп келесі ойыншыға береді, ойын ары қарай жалғасады. Қай топ бірінші береді, сол жеңімпаз атанады.

2) «Тізбек»

Әр команда тізбектеліп ұзын қатар құрады. Бастаушы шарды келесісіне беріп шелекке салдады.

3) «Иықағаш»

Иықағашпен суға барып, секіргішпен секіріп қайтады. Келесі қатысушы секіргішпен секіріп барып, иықағашты иығына салып қайтады.

4) «Балы аулау»

Шығырықпен жүгіріп барып, жолдағы көлден қармақпен балық аулайды да белгіден айналып жүгіріп келеді. Келесі қатысушы жалғастырады.

5) «Пингвиндер»

Допты екі аяғының арасына қыстырып, арада кедергі болып тұрған фишкаларға тимей жүгіріп өту.

6) «Ғажайып дорба» топбасшылар сайысы

Қапты киіп көзін байлап, маңайындағы шарларды жинап қаптың ішіне салады. Қай команда көп шар жинағаны жеңімпаз

7)Ұлттық ойын «Арқан тартыс» арқанның екі жағынан екі топтан бөлініп тартысады.

Қорытынды: Жеңімпаз қатысушыларды марапаттау. Барлық қатысушыларға алғыс айту.