Тақырыбы: "Кім жылдам?"
Сайыстың мақсаты:Оқушыларды бір ортақ мақсатқа жұмыла білуге, ұжымшылдыққа баулып, қимыл - әрекетке жаттықтыру.

Дамытушылық: Балаларға денсаулықтың қадірін, бағалы байлық екенін түсіндіру арқылы ой-өрістерін дамыту.

Тәрбиелілік: Ойын кезінде әділдікке, жолдастық сезімге, ойынды жетілдіруге тәрбиелеу.
Сабақтың көрнекілігі: суреттер, арқан, доп

Пәнаралық байланысы: әдебиет, бейнелеу, өзін-өзі тану,математика

Сабақтың түрі: сыныптан тыс сайыс сабақ
Сабақтың барысы:

1. Кедергіден өту

2. Қапшықпен секіру

3. Кім ұқыпты, кім тапқыр?

4. Арқан тартыс

5. Марапаттау

Құрметті ұстаздар, оқушылар, бүгінгі өтетін «Кім жылдам?» спорттық жарысымызға қош келдіңіздер!
Ендігі кезекте бұл сайыстың бағдарламасымен таныс болыңыздар!

1. Кедергіден өту

2. Қапшықпен секіру

3. Кім ұқыпты, кім тапқыр?

4. Арқан тартыс

Жарысымызға 1 «Ә» сыныбының оқушылары, «Денсаулық» және «Шымыр» атты екі топ қатысады.

Ал енді келесі кезекте қазылар алқасымен таныс болайық.
1. Директордың ғылыми әдістемелік ісі жөніндегі орынбасары – Қ.Ж.Сапаева
2. Дене шынықтыру пәні мұғалімі – А.Халықтаев
3. Дене шынықтыру пәні мұғалімі – Д.Қожабергенов

І. Негізгі бөлім.

Ал енді жарысымызды бастайық, әр топ өздерінің топтарының аты мен ұранын таныстырады.

1 топ: «Денсаулық» тобы

Ұраны: «Денсаулық – зор байлық»

2 топ: «Шымыр» тобы

Ұраны: «Шынықсаң – шымыр боларсың»

1 кезең «Кедергіден өту» (5 ұпай)

Жарысымыздың алғашқы кезеңі бойынша кедергілерден жүгіріп өту керек.

Әділ-қазылар алқалары ұпай сандарын қояды.

2 кезең «Қапшықпен секіру». (5 ұпай)

Келесі кезең бойынша белгіленген жерге дейін қапшықпен секіріп барып, қайтарда жүгіріп келеді, келесі оқушы тура солай қапшықпен секіріп барып, қайта орындарына келулері керек, ең бірінші болып келген топ жеңімпаз болып табылады.

Әділ-қазылар алқалары ұпай сандарын қояды.

3 кезең «Кім ұқыпты, кім тапқыр». (5 ұпай)

3 кезең бойынша оқушылар допты жерге ұру арқылы белгіленген межеге дейін барып, сол жерде ілулі тұрған математикалық есептерді шығарып, қайта орнына жүгіріп келеді. Ең бірінші келген топ жеңімпаз атанады.

Әділ-қазылар алқалары ұпай сандарын қояды.

4 кезең «Арқан тартыс». (5 ұпай)

Соңғы кезең бойынша 2 топ арқан тартысады.

Ал, енді осы 4 кезең бойынша 2 топтың жалпы ұпай сандарын анықтайық, сөз кезегі әділ-қазылар алқаларында.

Мұғалім:

-Жарайсыңдар балалар. Бүгінгі сендердің ептіліктеріңе, шапшаңдықтарыңа, жүйріктіктеріңе көз жеткіздік. Бүгінгі іс-шарада топ болып, ақылдаса отырып жұмыс жасадыңдар, тура осылай болашақта да достықтарың үзілмесін.

Келесі сөз кезегін ДҒӘІЖО Сапаева Қалампыр Жолдасбекқызына берейік. Қай топтың жеңгенін бәріміз білейік.

Сау болыңдар, келесі сабақта көріскенше!