Сыныптан тыс іс-шара "Мұқағали" 5 сынып

Тақырыбы: «Есіңе мені алғайсың»


Өткізген: Е.Ардабай



2017- 2018 оқу жылы

Сыныптан тыс іс-шараның тақырыбы: «Есіңе мені алғайсың»

Мақсаты: Ақын поэзиясын терең ұғынуға, мәнерлеп оқуға, әндерін нақышына келтіре орындауға, ақын поэзиясын сүйіп оқуға баулу.

Ақынның поэзия өнеріндегі биіктігін, асқақтығын оқушы көңіліне сіңіре отырып, адалдыққа, пәктікке, адамгершілікке тәрбиелеу.

Мұғалім: Артында санаулы ғұмырында жанының шырылына айналған поэзиясы қалды, жыл құсындай сағына күтетін қарлығаш қанат өлеңі қалды. Міне бүгін сіздерге ақиық ақын, қазақтың маңдайына біткен асыл перзенті Мұқағали Мақатаевтың туған күніне арнап, «Есіңе мені алғайсың» атты поэзия кешін ұсынғалы отырмыз.

М.Мақатаевтың өмір жолы айтылады.

Көрермендерге Мұқағали ақынның өз дауысын интерактивті тақта арқылы тыңдатамыз.

Өзі өлсе де, мәңгі өлмес екінші өмірі басталды. Өз сезіміне өзі өртенген Мұқағали жыры бүгінгі күні шартарапқа жыр шуағы болып тарап, төгіліп тұр.

Қазір Ақынның өлеңдерін жатқа оқып беруге шәкірттер келіп отыр.

«Арыз жазып келейін», «Автограф», «Шеше, сен бақыттысың», «Елім барда», «Отан», «Поэзия, сен менімен егіз бе едің?» т.б. өлеңдері жатқа оқылды.

«Есіңе мені алғайсың», «Сарыжайлау», «Сәби болғым келмейді», «Сенің көзің» әндері орындалды.

«Аққулар ұйықтағанда» поэмасынан көрініс қойылды.

Шарасында шаттықтың мұңы басым, 

Нұр-сәуле боп жүректе жыры қалсын

Мұқағали мұзарттың мұз балағы,

Шаншып өткен әлемге шұғыласын.

Ағамызға арналған өлеңдерің бар ма?

Айдана:

Енді ақынның естеліктеріне сөз берсек 

Мен өлеңді ойдан құрастырып жазбаймын. Әлдекім құлағыма сыбырлағандай болады соны көшіремін. Сенесіз бе?

Ей, қалам ұстаған бауырлар, қарындастар! Халықты ұмытпаңдар, халықсыз күндерің қараң. Оны сүйемін деп байбалам салмаңдар. Оған ғашық бола біліңдер!

Өзімнің қандай адам екенімді білмеймін. Көңілшек екенмін рас. Алайда жаным менің тым мейірбан жүрегім менің өте жұмсақ.