Сыныптан тыс жұмыс: "Озық ойлы - оқушы" 4-сынып

Сыныптан тыс - іс шара: «Ойлы озық - оқушы"
Мақсаты:

1. Білімділік: Сынып оқушыларының пәндер бойынша алған білімдерін саралау, ой - ұшқырлықтарын байқау, жеке жұмыс істей білуге және өз білімдерін көрсетуге үйрету.
2. Дамытушылығы:
Оқушылардың сөздік қорын молайту, дүниетанымдарын кеңейту, тіл байлығын, шығармашылық қиялын, логикалық ойлау қабілеттерін дамыту, өз ойларын еркін жеткізе білуге және шығармашылықпен еңбек ете білуге дағдыландыру.
3. Тәрбиелілігі: Болашаққа өз үлесін қоса білетін, іздемпаз ұрпақ етіп тәрбиелеу.

Жан - жақты білімділікке, тапқырлыққа, жылдамдыққа, ұйымшылдыққа тәрбиелеу.
Сабақтың түрі: білімді бекіту.
Сабақтың типі: сайыс сабақ.
Әдіс - тәсілдері: сұрақ - жауап, жеке жұмыс, ойын сабақ.
Пәнаралық байланыс: әдебиеттік оқу, математика, қазақ тілі, дүниетану, музыка.
Көрнекілігі: АКТ, интерактивті тақта, қима қағаздар, суреттер.
Сабақтың барысы: I. Ұйымдастыру бөлімі.
Оқушылар зейінін сабаққа аудару.

II. Психологиялық дайындық:
Әрбір сабақ - үйрену, ұғу, ұлағат,
Әрбір ісің - тірлік, тірек, адалдық.
Әрбір сөзің - шындық, бірлік, адамдық
Балалар, бүгін біз сіздермен "Ойлы – озық оқушы" атты интеллектуалдық сайыс өткіземіз. Сайыс 4-сынып оқушылары арасында өткелі тұр. Әр сыныптан екі оқушы сайысқа қатысқалы отыр.

ІІІ. Сайыс кезеңдерімен таныстыру:

1. Таныстыру.

2. «Тездет, бірақ қателеспе!» сайысы.

3. «Мерген» ойыны.

4. «Сиқырлы сөздер» сайысы.

5. «Сын сағаты» сайысы.

6. «Сен білесің бе?» сайысы.

7. Қорытынды.

Құрметті ұстаздар, оқушылар! «Ойлы озық – оқушы» сайысына қош келдіңіздер! Бүгінгі сайысқа қатысқалы отырған сайыскерлерімізді қол соғып қарсы алайық. Сайысты әділ бағалайтын әділ – қазы алқасымен таныс болыңыздар. (таныстыру)

Шын жүйрік шабысынан танылады.

Нақты білім, терең ой сыналады.
Баға берер әділ-қазы ортамызда,

Сіздерге құрметпенен қол соғылады.
1 – кезең: Таныстыру.

Сәті келіп қалғандай танысатын, - дегендей сайысымыздың бірінші кезеңі "Таныстыруды бастайық!» (Әр оқушы өзін таныстырады)

2 – кезең: «Тездет, бірақ қателеспе!»

(1 мин ішінде бірнеше сұраққа жауап беру керек. 1 сұрақ – 1 ұпай)

Бір сыныпта оқимыз, бәріміз де,
Достық сөзі әрқашан дәрі бізге.
Жарысуға сендермен келіп тұрмыз,
Мына жұрттың таңырқасын бәрі бізге, - деп екінші кезеңімізді бастаймыз.

3 – кезең:»Мерген» ойыны.

Білген сайын келеді біле бергім,
Біле беру емес пе тілегі елдің.
Бүгін осы сайыста жеңіске жет.
Білімді,әрі білікті жас жеткіншек – деп келесі сайыс кезеңін бастаймыз.

4 – кезең: «Сиқырлы сөздер»

Тауды биік деме сен,
Талаптансаң шығарсың.
Қарсылас мықты деме сен,
Білімді болсаң шығарсың – деп 4 –кезең бойынша сайысымызды бастайық.

3. – кезең: «Сын сағаты.

Жарыс заңы ежелден,
Жеңімпазды анықтау.
Жеңімпаз болу шарты сол,
Еңбектену, жалықпау – деп келесі кезеңге өтейік.

1 – жағдаят:

Тоқылдақ ағашты құрттан қорғайды екен. Ал сен ағашты қалай қорғап жүрсің?

2 – жағдаят:

Сенің көршіңнің бір баласы бар. Өзі өтірікші, көзбе-көз өтірік айта қояды.Саған күнде келіп ойнағысы келеді.Сен өтірік айтқанды жаның сүймейді.Сенің онымен ойнағаның дұрыс па?

3 – жағдаят:

Сенің бір досың бар. Өзі мақтаншақ. Ойнап жүргенде үй-ішін айтып, алған ойын-шықтарын көрсетіп мақтанады. Және өзінен кіші балаларды үнемі ренжітеді.Сен онысын ұнатпайсың. Бірақ ойынды жақсы ойнайды. Сен осы баламен дос боласың ба?

4 – жағдаят:

Сабақта "2" алып қалдың. Оған ұстазың да, анаңда қатты ренжіді, сол ренішті қалай өтер едіңдер?

5 – жағдаят:
Мектепке жаңа доп алып келдің. Ойнап жүріп досың добыңды жарып қойды. Не істейсің? Үйдегілерге не айтасың?
6 – жағдаят:

Құлап жатқан құстың балапанын көрдің. Ұясы бұзылып қалыпты. Қандай амал қолданар едің?

7. – жағдаят:

Айгүлдің ауырып сабаққа келмегеніне бір апта уақыт болып қалды. Оның мектепке

келгеніне ерекше қуанғандардың бірі құрбысы – Айжан. Айгүлді көрген бетте құрбы-сы оның бетінен сүйіп амандасты. Осы амандасу түріне өз көзқарасыңды білдір.

7. – жағдаят:

Үзілісте балалардың барлығы асханаға тұра жүгірді. Ақшасы жоқ Асан ғана

сыныпта қалып қойды. Бірге оқитын Мұрат оған өзіне алған бәліштің жартысын әкеліп берді. Мұраттың іс – әрекетіне баға беріп көр. Өзіңде осындай оқиға ұқсас жағдай болды ма?

6 – кезең: «Сен білесің бе?» ойыны.
Келді кезек жұмбақты да шешуге,
Жауаптарын күштілердің естуге.
Қазақ, орыс, ағылшынды білсеңіз,
Алсаң ұпай шәкірт саған несібе – дегендей келесі кезекке жолдама алайық.

7 – кезең: Қорытынды:

Жарыс заңы ежелден,
Жеңімпазды анықтау.
Жеңімпаз болу шарты сол,
Еңбектену, жалықпау. – деп келесі кезекті қорытындыға берейік.

Қорытынды жасаймыз.
Тауды биік деме сен,
Талаптансаң, шығарсың.
Қарсылас мықты деме сен,
Білімді болсаң, шығарсың – дей отырып, сайысымыздың жеңімпазын анықтау үшін

сөз кезегін әділ – қазылар алқасына береміз.

«Мырзакент» жалпы орта мектебі

мектеп – гимназиясы

коммуналдық мемлекеттік мекемесі

Тақырыбы:

Мұғалім:

Туркменбаева Ж. Т.