Сыныптан тыс жұмыс Спорттық сайыс – Достық оты! 2 сынып

Сайыстың тақырыбы: Спорттық сайыс – Достық оты!

Сайыстың мақсаты: Салауатты өмір салтын қалыптастыру, оқушылардың денсаулығын нығайту, спортқа деген қызығушылығын арттыру, топтық сайысқа, жылдамдыққа, икемділікке, күштілікке, төзімділікке баулу.

Керекті спорттық құрал - жабдықтар: доп, секіргіш, тығыз доп, барьер, шеңбер, арқан, қап т. б.

Сайыстың салтанатты түрде ашылуы.

Ән ұранның орындалуы.

Сайыс түрін хабарлау: 9 кезеңнен тұрады

Қазылар орнықтырар әділдікті,

Кімдердің таныстыруы кәміл шықты.

Спорт пен жылдамдықтың сайысында,

Жеңіске жетер дейміз нағыз мықты.

(Әділ қазылар алқасымен таныстыру

І - кезең. Құрамалардың таныстыруы.

Қайталама жүгіріс (жүкпен). Бұйрық бойынша жүкпен жүгіріп отырып белгіленген жерге жетіп қайтып отыру.

ІІ - кезең. Допты алып жүгіру.

Әрбір құрама топтары бойынша допты еденге соғып, алып жүреді, белгіленген жерге жетіп, қайта допты алып келіп келесі топ мүшесіне береді.

ІІІ - кезең. Секіртпемен жүгіру.

Белгіленген жерден айналып, секіріп келіп екінші топ мүшесіне береді. Осылайша бәрі секіріп болғанша жалғастырады.

Алғашқы 3 сайыс қорытындысы, әділ - қазылар алқасында; хабарлау.

Шағын би (2 сынып).

IV - кезең. Кенгуру.

Допты аяқтың қылтасына қысып алып, екі аяқпен алдыға секіріп, белгіленген жерді айнала, қайтарда допты қолға ұстап жүгіру.

V - кезең. Кедергілерден өтіп жүгіру.

Кедергіден жүгіріп өтіп, алға қарай сатыда домалап тұрып, жердегі шеңберді үстіден кигізіп жерге қою, қайтарда тура жүгіріп бару.

VI - кезең. Жұптасып шеңбермен жүгіру.

Әрбір топ мүшелері екіден (жұптасып) шеңбер ішінде адымдап жанымен жүгіреді келесі жұпқа шеңберді береді, олар ары қарай осылайша жүгіреді.

Сөз әділқазылар арқасында.

Құрамалардың ұпай сандарын 6 кезең бойынша айтып өту.

VII - кезең. «Такси ойыны» сайыс
Ойынның шарты: Құрсау мәреде тұрады, топ басшысы кедергілер арасымен жүгіріп құрсауды алып, қайта жүгіріп келіп, топ мүшелерін бір – бірлеп мәреге жинайды. Мәреден қайтып, кедергілер арасымен топ мүшелерін орнына жинайды. Кім бірінші сап түзесе, сол жеңіске жетеді.
Жүргізуші: «Денең икемді болса, келбетің сүйкімді болады»- деп енді сендердің икемділіктеріңді көрейік

VIII - кезең. Қаппен секіру.

Екі аяққа қапты киіп алып алға секіру.

IX - кезең. Арқан тартыс.

Екі құрама шығып ортадан арқан тартысады. Сайыс аяқталып ұпай сандары есептеледі.

Марапаттау рәсімі.

«Мортық орта мектебі» КММ

«Достық оты»

(2сынып)

Өткізген:Шәріп Ф.И.

2018 оқу жылы