Сюжетті – рөльдік ойын «Дүкен»

Сюжетті – рөльдік ойын «Дүкен»

Дайындаған: 2 «А» тобының тәрбиешісі

Карибаева Б.Т.

Мақсаты: Балаларды сатып алған затының атын, түсін айтуға үйрету. Бірге ойнау дағдыларын қалыптастыру, еңбекке, сыпайылыққа баулу.

Көрнекіліктер: Сатушы, ойыншықтар, суреттер.

Амандасу: Сәлем саған көк аспан,

Сәлем саған алтын күн.

Сәлем саған, сәлем маған.

Тәрбиеші: Бүгін бізге қонаққа Айгерім деген қыз келді.

Айгерім: Сәлеметсіңдер ме, балалар! Мен добымды іздеп жүрмін. Сендер оны көрген жоқсыңдар ма?

Балалар: Жоқ, көрген жоқпыз.

Тәрбиеші: Сен реңжіме, саған басқа доп керек. Балалар айтыңдаршы допты қайдан алуға болады?

Балалар: Дүкеннен.

Тәрбиеші: Дұрыс, допты біз дүкеннен сатып аламыз. Ал қай дүкеннен?

Балалар: Ойыншық дүкенінен.

(Балалардың назарын суреттерге аударады)

Тәрбиеші: Мына суретте не көріп тұрмыз?

Балалар: Дүкен.

Тәрбиеші: Қандай дүкен, мұнда не сатылады екен?

Балалар: Ойыншықтар.

Тәрбиеші: Ойыншық дүкенінен басқа тағы қандай дүкендер бар (азық-түлік, киімдер дүкені)? Дүкенде заттарды сататын адамды қалай атайды?

Балалар: Сатушы.

Тәрбиеші: Дұрыс, ал біз сатып алушы боламыз. Ендеше, доп сатып алу үшін сендермен «Ойыншық дүкені» ойының ойнаймыз. Айгерім сен бізбен бірге ойнайсың ба? Дүкенге барып өзіне доп сатып аласын.

Айгерім: Иә, барамын.

Тәрбиеші: Олай болса, Адия сен сатушы боласын, ал сендер сатып алушылар боласыңдар. Сендерге қандай ойыншық керек, соны дүкеннен сатып алуға болады.

(Балалар бір-бірлеп сатушыға келеді, амандасып, не сатып алатынын айтып, сатып алады.)

Ойын ойналып болғаннан кейін, балаларды шеңберге тұрғызу.

Рефлексия: Бізге қонаққа бүгін кім келді? Ол не жоғалтып алды? Біз оған қалай көмектестік? Қандай ойын ойнадық? Сендерге ұнады ма?