Сызбаға өлшемдер түсіру

Сызу 9-сынып күні : 20.09.2018ж.

Сабақтың тақырыбы: « Сызбаға өлшемдерді түсіру»

Мақсаты: Оқушы сызба орындау барысында өлшемдерді түсіру туралы білім беру, шығармашылық қабілеттерін дамыту, тазалыққа, ұқыптылыққа тәрбиелеу.

Күтілетін нәтиже: Өлшемдерді түсіру туралы білім алады, оқушының нәрсе өлшемін түсіру арқылы ойлау қабілеті дамиды және өлшем түсіріп үйренеді.

Сабақтың түрі: жаңа сабақты меңгерту

Әдістері: эвристикалық іздену, СТО бағдарламасының ой қозғау, стратегиясы, деңгейлік тапсырмалар

Құрал-жабдықтар: сызу аспаптары, жұмыс дәптері

Сабақ барысы

І Қызығушылықты ояту

Ой қозғау стратегиясы. Сұрақ: сызықтардың түрлерін атаңыз

Жауабы: тұтас негізгі жуан, үзілме, тұтас жіңішке, үзілмелі нүктелі.

ІІ Мағынаны тану

Кіріспе сөз. Бұйымның немесе оның бөліктерінің шамасын білу үшін өлшем түсіреміз. Өлшемдер сызықтық және бұрыштық болады.

Сызықтық: ұзындығы, ені, биіктігі, жуандығы, диаметр немесе радиус.

Бұрыштық. өлшем бұрыштың шамасын сипаттайды. Өлшем сандар мм өлшенеді.

Ережелер:

1. Өлшем сандармен және сызықтармен көрсетіледі;

2. Тұтас жіңішке сызықпен сызылады;

3. Шығарма сызық өлшем сызыққа перпендикуляр орналасады. Өлшем сызық нұсқамамен шектеледі. Өлшем саны сызықтың ортасына жазылады.

4. Егер бір-біріне бірнеше параллель сызық болса, онда кіші өлшем контурға жақын болады, ара қашықтары 10 мм.

5. ø – диаметр 6. R – радиус 7. - квадрат 8. Өлшем сандарды оңнан солға қарай оқиды.

9. Егер бірдей элементтер бірнеше болса, сызбада біреуі түсіріледі, бірақ саны көрсетіледі. Мысалы, «3 тес.Ø10», диаметрі 10 мм. 10. l – ұзындығы, s- жуандығы

ІІІ Жаңа білімді бекіту

Жаңа сабақты бекіту мақсатында 1.33-суретті сызып алып, өлшемдерді түсіру.

ІҮ Өзіндік жұмыс

Деңгейлері төмен оқушыларға:

Ұзындықтары 30 мм вертикаль, горизонталь және 45 ˚ бұрышпен көлбейтін үш кесінді салып, олардың өлшемдерін түсір (М1:1)

ІІ Деңгейлері орташа оқушыларға:

1.34- суреттегі конустылықсызбаны орындау

ІІІ Деңгейлері жоғары оқушыларға:

Қалыңдығы 4 мм шаршы тәрізді пластинканың центрінде диаметрі 16 мм цилиндр тәрізді тесігі бар. Шаршының бір қабырғасының ұзындығы 30 мм. Пластинканың сызбасын екі рет (нақты шамасында және М2:1 масштабында) салып, оның өлшемдерін түсір.

Ү Бағалау. Сызбаларын тексеріп бағалау

ҮІ Үй жұмысы. суреттегі тетікбөлшектің берілген өлшемі бойынша сызу.