Табиғат – тіршіліктің тірегі

Табиғат – тіршіліктің тірегі

Бүгінгі таңда адамзатты елеңдетіп отырған мәселелердің бірі – қоршаған орта, табиғаттың бүгінгі жай – күйі. Табиғат – тіршілік атаулының анасы, адамның өмір сүруіне жағдай туғызатын тіршілік көзі десе де болады.

Табиғатты қорғау, байлығын ұқыпты пайдаланып, оны сүю, баптау, адамдардың өз қолында.

Қазіргі таңда табиғатта тепе – теңдік бұзылып, жануарлар мен өсімдіктердің көптеген түрлері жойылып бара жатқаны мәлім. Осы орайда табиғатқа аялы алақан қажет.

Адам табиғи қорларды, құрылыс материалдарын шаруашылықты игеру мақсатында пайдаланады. Мұның бәрі табиғаттың даму ырғағын өзгертпей қоймайды. Бүгінгі таңда өндірістің қарыштап дамуы табиғи қорлардың азаюына ғана емес, сонымен бірге қоршаған ортаның шектен тыс ластануы сияқты жаңа мәселе тұғызып отыр. Өндірістен шығатын керексіз заттармен ең алдымен ауа, су қоймалары, топырақ ластанады. Сондықтан табиғат – анаға перзенттік сүйіспеншілік пен мейірім, қамқорлық көрсету адамның парызындай.

Шығыстың бір мақалында: «Адамға абырой әлып беретін үш іс бар – құмда қазылған құдық, өзеңге салынған көпір, жол жағасына отырғызылған саялы ағаш». Сондықтан , балаларды еңбексүйгіштікке, табиғатты аялау, қорғау, көркейтуге тәрбиелеу, адамның жалпы табиғи ортаның біртұтастығын түсіне білуі негізгі мақсаттардың бірі. Ал табиғи орта – тіршіліктің қайнар көзі. Бізде табиғатты көркейтуге, көгалдандыру жұмыстарына белсенділіп танытып, өз үлесімізді қосайық.

Біріккен Ұлттар Ұйымы қабылдаған «Табиғатты қорғаудың» Дүниежүзілік Стратегиясында былай делінген «Біз жерді әкелерімізден мұраға алғанымыз жоқ. Біз оны өз балаларымыздан қарызға алдық». Ендеше , жеріміздің табиғатына ерекше көңіл бөлейік.

Талдықорған индустриялық колледжінінің биология пәнінің оқытушысы Ш.Турлыбекова