Талантты ұстазға – дарынды оқушы

Талантты ұстазға – дарынды оқушы

«Еліміздің болашағы – бүгінгі жас ұрпақтың қолында,

Жас ұрпақтың болашағы – бүгінгі ұстаздың қолында»

Н.Ә.Назарбаев

Желтоқсан айы Нұр – Сұлтан қаласында «Білім өркениеті» ұлттық инновациялық ғылыми – зерттеу орталығы Қазақтың тұнғыш педагогы, қазақ даласында алғаш мектеп ашып, қазақ жастарының білімге деген құштарлығын оятқан ағартушы Ыбырай атамыздың шығармашылығын кеңінен таныту мақсатында «Ы.Алтынсарин атындағы І республиалық олимпиадасы» атты конкурстың студенттер мен оқушылар арасында өтетіні жарияланды. Олимпиада ІІ кезеңнен тұрды. І кезең сырттай өтті. Онда оқушылар жазған эссе, өлең, ғылыми жобаларын «Білім өркениеті» ұлттық инновациялық ғылыми – зерттеу орталығына жолдаған. Осы конкурсқа біздің мектептің 11 сынып оқушысы Тыныштық Береке қазақ тілі және әдебиет пәнінің мұғалімі Досмаганбетова Айнагуль Тулегеновнаның жетекшілігімен қатысты. Оқушы эссе жазып, жұмысы жинақ кітабына қабылданды. Сүрінбей өткен талантты оқушылар ІІ кезеңге елордамыз Нұр – Сұлтан қаласына шақырылған болатын. Еліміздің барлық облыстарынан келген оқушылар мен студенттер өз білімдерін сынады. Осы оқушылар қатарында біздің Раздольный орта мектебінің оқушысы Тыныштық Береке және жетекшісі Досмаганбетова Айнагуль Тулегеновнада болды. Әр қатысушыға Ыбырай атамыз жайлы сұрақ қойылды. Береке өз жұмысын қорғап, ІІ жүлделі орынды иеленіп, еліміздің белгілі тұлғаларынан «Ы.Алтынсарин атындағы І республикалық олимпиадасы» атты төсбелгі, жұмысы енген түрлі – түсті жинақ кітабы және дипломмен марапатталды. Осы олимпиадаға дайындаған жетекшісі де «Ы.Алтынсарин атындағы І республикалық олимпиадасы» атты төсбелгі, түрлі – түсті жинақ кітабы, куәлік және алғыс хатпен марапатталды. Бұл біздің мектебіміздің жетістігі және мақтанышы. Алдағы уақытта оқушымыз Тыныштық Береке біраз белестерді бағындырып, биіктен көрініп егеменді еліміздің елеулі азаматы боларына сенімдіміз.

Науырзым ауданы Раздольный орта мектебі

Директордың оқу ісі жөніндегі орынбасары

Жакибаева Кулпаш Айтбаевна

Нұр-сұлтан қаласында марапаттау рәсімі

Мектеп қабырғасында ұстаздармен бірге