Бекітемін __________

«Тілашар»  мерекесі

Мақсаты:

1. Алғаш мектеп табалдырығын аттаған оқушыларды білім алуға, оқуға шақыру. Оқушылардың ой-өрісін кеңейту, тілдерін дамыту.

Ұлттық дәстүр «Тілашар» тойы арқылы оқуға ынтасын арттыру, мектепке деген

сүйіспеншілігін ояту. Қоршаған дүниені танып білуге жетелеу.

Сахна мәдениетіне  тәрбиелеу.

2.Оқуға, білімге деген қызығушылықтарын арттыру.

3.Ұйымшылдыққа, достыққа тәрбиелеу.

Көрнекіліктер: шарлар, гүлдер, нақыл сөздер, плакаттар, презентация.

1.Ұйымдастыру кезеңі.

-Қымбатты балалар, қадірлі ұстаздар, ата-аналар! Міне, бүгін сіздер кеше ғана білім баспалдағына алғаш рет қадам басқан, бүгінгі 1-сынып оқушыларының мерекесіне жиналып, «Тілашар» мерекесінің куәгері болып отырсыздар! Қош келдіңіздер!

Мектеп есігін алғаш ашқан шәкірттер, қадамдарың сәтті болсын! Тілашар тойы құтты болсын! Мерекемізді бастауға рұқсат етіңіздер!

Айналайын, балғындар,

Алға бағыт алдыңдар.

Ертең өсіп толыңдар

Ел мақтаны болыңдар!

Орындалсын ойларың,

Құтты болсын тойларың-дей келе 1 «А» класс оқушыларын ортаға шақырайық.

Қарсы алыңыздар:

Музыка әуені

1. Дарынды дарабоз -Ақжол

2. Белсенді ақ ниетті-Бекзат

3. Ұшқыр ойлы-Аман

4. Білімге құштар-Диас

5. Ұтқыр да тапқыр-Қолғнат

6. Жаны жомарт-Айқын

7. Жаны жайсаң, нәзік жанды-Дильназ

8. Қайсар жанды-Нұрәдір

9. Байсалды, талабы таудай-Жантас

10. Ынталы, ақ көңіл-Әбдібай

11. Мейрімді, сымбатты-Давид

12. Асыл да, ақылды-Азиз

13. Алғыр, зерек-Бағылан.

Оқушылар:

Қуаныш бүгін мереке,

Шуағын шашып тұр әлем,

Тілашарға келген қуанып,

Бәрі бірге: Қонақтарға мың сәлем!

Диас:

Әнұраным – жан ұраным,

Айтар әнім, сөйлер сөзім.

Туған жерім – сағынарым,

Жүрсем егер дүние кезіп.

Бақыт, бірлік – күн талабы,

Тоқтамайды дабыр әні.

Мәңгі бақи шырқалады

Қазақстан әнұраны!

  Қазақстан Республикасының «Әнұраны» айтылады.

Әр оқушы өлеңін оқып, әріптерін ашып отырады.

Ақжол

Жетіге толдым биыл мен

Оқушы болып киінем

Арқама сөмке асына

Мектепке барам асыға! (Т әріпін көтереді)

Аман

Мәпелеп үйде ата-анамыз

Мектепте ұстаз, мұғалім

Келешек өмір гүліміз

Білгіңіз келсе дұрыстап (І әріпін көтереді)

Қолғанат

Ұстатпа мені басқаға

Есейдім, жеті жастамын

Қош айтым қуыршаққа

Мектепке жолды бастадым (Л әріпін көтереді)

4-оқушы: Дильназ

Бой алдырар селтеңге

Мен емеспін еркең де

Оқушы болам зейінді

Өнерге, іске биімді (А әріпін көтереді)

5-оқушы: Жантас

Ойыншық қалды жайына

Әліппе болды көңілде.

Көңілім жоқ ойынға

Сезінем үлкен өзімді (Ш әріпін көтереді)

6-оқушы: Давид

Тану үшін бабаңды

Тану үшін анаңды

Тану үшін ғаламды

Мектеп керек адамға (А әріпін көтереді)

7-оқушы: Азиз

Оқушыңын мойнына

Ақ жағасы жарасар

Кел, келіңіз тойымызға

Тойымның аты – Тілашар (Р әріпін көтереді)

«Тілашар» мерекесін ашу, құттықтау сөз мектеп директоры: Биртаева Саулеш Бақытжанқызына беріледі.

-Балалар Біздің  Қазақстан  Республикасының  президенті  кім ?

 

-Нұрсұлтан  Назарбаев

 

-Балалар  1  желтоқсан  күні  қандай   мереке ?

 

-Президент  күні .

 

 Нұрсұлтан  Назарбаевтың  тұңғыш президент күні   құтты  болсын !

Бүгінгі Тілашар мерекесімен тұспа-тұс келеген президент күнімен құттықтаймын. Егеменді ел болып, Тәуелсіздіктің көк байрағын көтерген сәті – Қазақстанның әр азаматы үшін қуаныш.Осының бәрі еліміздің тұңғыш Президенті Нұрсұлтан Әбішұлы Назарбаевтің арқасында! Елбасымыз аман. Еліміз тыныш, аспанымыз ашық, көк туымыз желбіреп бейбітшілік болсын!

Балалар! Біз  енді келген  қонақтарға өзіміздің биыл  қайда келгенімізді, нені  үйренетімізді , не білетінімізді айтайық .

-Біз  биыл қайда  келдік ?

-Біз   мектепке  келдік .

-Мектепке  не  үшін  келдік ?

-Оқуға

-Мектебіміз  қалай аталады ?

-Талдысай орта мектебі

-Мектеп   туралы қандай  өлең  білесіңдер ?

Ән «Мектебім».

 

-Мектепте  сендерді  кім  дейді ?

-Оқушы

 

Әбдібай:

 Сәлем саған мектебім,
Сәлем білім ордасы.

Жасыл бақты көктемім,
Жастық шақтың жолдасы.

Аман: 

Мектеп - білім ордасы,
Мектеп - қамқор анашым.
Оқып білім аламын,
Өнерпаз болып өсетін
Мен оқушы боламын

Қолғанат:

Қолға кітап аламын,
Маржан сүзіп табамын.
Жарқыратып кеудеме,
Жұлдыз етіп тағамын.
Мен мектепке барамын.

Айқын:

Алты жасқа жеткенім,
Еркеліктен кеткенім,
Кітабымды қолтықтап,
Мектебіме беттедім.

Дильназ:

Мектеп – қамқор анамыз,
Оқып, білім аламыз.
Өнерпаз боп өсетін,
Біз – оқушы боламыз!

Әбдібай:

 Біз бақытты баламыз
Қағаз, қалам аламыз.
Ұстазымыз үйреткен,
Әріптерді саламыз.

Бекзат: 

Кешегі сәби балаңыз,
Жарады міне қараңыз.
Ғылым, білім жолына,

Енді қайық саламыз

Диас:

Мен оқушы баламын –

Оқып, білім аламын.

Мектеп-ұям, өзіңе Арналады бал әнім.

Мұғалім: Елбасымыз 2007 жылғы халыққа Жолдауында «Тілдердің үштұғырлығы» атты мәдени жобасын ұсынды. Бұл «мемлекеттік тіл - қазақ тілін дамытамыз, ұлтаралық қарым - қатынас тілі – орыс тілін қолдаймыз, жаһандық тіл - ағылшын тілін үйренеміз» идеясына негізделген. «Үш тұғырлы тіл» саясаты – елдігіміз бен бірлігіміздің тірегі. Осы идея аясында жаңартылған білім мазмұны негізінде 1-сынып оқушылары үш тілде қатар оқытылуда. Қане, осы тілдерді оқушыларымыздың қалай меңгергенін көрейік.

Азиз:

Мы дружные все

Носим гордо букву «А»

В доме солнечном живем

Его школою зовем!

Fli, little bird, fli!

Fli into the blue sky!

One, two, three,

You are free!

Аман: Поступил я осенью

В школу в 1-А.

Я считаюсь школьником

С первого числа.

My cat is fat,

My cat is blak.

My cat likes rats,

Thin and fat.

Давид: Пусть зовут нас семилетки,

Пусть не ставят нам отметки,

Не ведём мы дневники,

Всё же мы ученики!

Нұрәділ:

Мы учили букву А,

Мы учили букву У

Малыши кричат: УА!

А в лесу кричат: АУ!

Жантас:

В праздник солнечный, веселый

Сердце радостно стучит.

«Ученик начальной школы»-

Это здорово звучит!

Акжол:

Мы рано просыпаемся

Опаздывать нельзя

Нас в школе дожидаются

Хорошие друзья.

My rabbit hops,

My hourse clops,

My mouse creeps,

My puppy leaps.

Балалар  сендерге  қонаққа  ағылшын  тілі пәнінің мұғалімі келіпті ,өзімен  бірге  сендерге  сұрақтар  ала  келіпті.

-1 – ден  бастап  10 – ға  дейін  ағылшынша санап беріңдерші.

Жарайсыңдар балалар!

Өзін – өзі тану  пәнінің ұстазы да келіпті, Гүлфат апайларыңда  сұрағын дайындап келіпті.

Отбасында кімдер тұрады –деген сұраққа жауап беріңдерші?

- Әке , ана , әже , ата , іні, қарындас , сіңілі .

Жарайсыңдар балалар!

Балалар  сендерге  қонаққа  дене шынықтыру пәнінің ұстазы Шерхан ағай да келіпті, өзімен  бірге  сендерге  жаттығулар    ала  келіпті .

Жүгіреміз, ойнаймыз

Секіреміз, талмаймыз.

Денемізді шынықтырып,

Шымыр бала боламыз.

Хор: «Әліппе»

Мұғалім: «Сауат ашу» сенің алғашқы оқу кітабың,білімнің ғажайып әлеміне 
жетелейтін ақылшы кітабың. Әріптерді қалай үйренгендеріңді тексерейік.

А дегенім – ауа, Аман
Ата менен ана.
Ә дегенім – әріп,
Б дегенім – бала.

В дегенім – ванна, Бекзат
Суы шипа жанға.
Г дегенім – газет,
Күнде оқу қажет.

Ғ дегенім – ғарыш, Қолғанат
Д дегенім – дауыс.
Е дегенім – егіс,
Ж дегенім – жеміс.

З дегенім –зауыт, Нұрәділ
И дегенім – иіс.
Қысқа Й ол – йогурт,
К дегенім – күріш.

Қ дегенім – құлақ, Айқын
Л дегенім – лақ.
М дегенім – мақта,
Н дегенім – ноқта.

Е дегенім – еңбек, Дильназ
Еңбек бәрін жеңбек.
О дегенім – ойын,
Ө дегенім – өрнек.

П дегенім – парыз, Диас
Р дегенім – рәміз.
С дегенім – сауыт,
Т дегенім – тауық.

У дегенім – уыс, Азиз
Ұ дегенім – ұлыс.
Ү дегенім – үйім,
Ф дегенім – фильм.

Х дегенім – халық, Жантас
Қ – қаһарман әріп.
Ц дегенім – цифр,
Цифрда бар сиқыр.

Ч – чемпион аға, Ақжол
Ш дегенім – шана.
Щ – щеткаға келді,
Ъ – бұл жуандық белгі..

Ы дегенім –ыдыс, Әбдібай
І дегенім – ірі іс.
Ь – жіңішкелік белгі,
Э электр жарық берді.

Ю дегенім – ою, Давид
Дию менен аю.
Я дегенім – янтарь,
Көркі көзді тартар!

Бұл тілашар – тақпағым, Айқын
Санамда мен сақтадым.
Әліппені оқимын,
Әріптерді жаттадым.

Енді балалар, сіздердің есеп шығару қабілеттеріңді тексеріп көрейін.

Математикалық есептер

Аулада бес үйрек,

Қорада үш үйрек.

Бір үйрек тығылды,

Бір үйрек жығылды.

Қалғаны неше үйрек? (6)

Бес алманың үшеуін,

Досың сұрап алады.

Айтшы сонда нешеуі

Өз қолында қалады? (2)

Бір қоянның екі құлағы бар,

Екі қоянның неше құлағы бар? (4)

Айдын шалқар көл болды

Аққу, қазы мол болды

Дауыл,тұрды жел болды

Бәрі ұшты не болды? (0)

Он  асықтың  үшеуін

Досың  сұрап алады.

Айтшы  сонда  нешеуі

Өз  қолыңда  қалады. (7)

Көлден  ұшты  жеті  қаз,

Қайтып  қонды екі қаз.

Қонбады  оның  нешеуі

Кәне  кім  тез  шешеді? (5)

Мұз айдында екі бала

Асыр сап жүр сырғарап

Сырғанамай алты бала

Жағалауда тұр қарап

Енді осы баланың

Санын айтсаң жарадың (8)

Мұғалім:  Жаратылыстану пәнінде химия, физика және биология пәндерінің алғашқы ұғымдары қалыптастырылады. Олай болса, жаратылыстану пәніне қатысты жұмбақтар шешейік.

«Кім тапқыр?»
1. Суда өседі, өседі, Сыртқа шықса өледі. (балық)

2. Қамыс құлақ, тостаған тұяқ,
Мінсең қанат, сүті дәрі Еті тамақ. (жылқы)

3. Гүл ұшып гүлге қонады, Гүл бақшам гүлге толады. (көбелек)

4. Жесең ащы, Көзіңнен шығарар жасты. (пияз)

5. Көк лағым көгенде жатып семірді. (қарбыз)

6. Ұрлап ішіп, Үйде сүтті қоймайды,
Өз құйрығын өзі қуып ойнайды. (мысық)

7. Аласа ғана бойы бар, Айналдырып киген тоны бар. (қой)

8. Аяғы жоқ күледі, Сылқ - сылқ күледі. (су)

9. Қашаудай мықты тұмсығым, Бәсеке тігем, бұл шыным.

Құрт, қоңыз аулап, жарысам, Орман дәрігері боп табылам. (тоқылдақ)

Ата-аналарға тапсырма: керекті сөзді айту.
1.Ата балаға ...кім? (сыншы)

2.Ата – бәйтерек, бала - ...не?(жапырақ)

3.Ата-ананың қадірін ...қай кезде білесің?(балалы болғанда)

4.Ерке баладан қандай бала жаман?(есер)

«Кім тапқыр».ойыны

1Қазақ әліпбиінде қанша әріп бар? (42 әріп бар)
2. А әрпінен басталатын бес ұлдың атын айт
3. Әкеңнің әкесін қалай атайды?
4.. Ешкінің төлі қалай аталады? (Лақ)

5Тудың түсі? (Көгілдір)
6. Қар қай мезгілде түседі? (Қыста)
7. Қазақстан Республикасының президенті? (Н. Назарбаев)
8. Сиырдың төлі? (Бұзау)
9. Қой маңырайды, сиыр. (Мөңірейді)
10. Жемістер қай мезгілде піседі? (Күзде)
11. Қазақстан Республикасының астанасы? (Астана)
12. Екі өркешті жануар? (Түйе)

Мұғалім: Жарайсыңдар, балалар! Біздің мектептің оқушысы болуға лайықты екенсіңдер. Ендеше, мына антты қабылдауларың шарт.

1. Сабақтан қалмауға ант етеміз

2. Тәртіпті бұзбауға ант етеміз

3. Үлкендерді сыйлауға ант етеміз

4. Ұстаздарды тыңдауға ант етеміз

5. Өнерлі болуға ант етеміз

6. Жақсы оқушы болуға ант етеміз

Құттықтау сөзі және 1-класқа қабылдау туралы дипломын табыстау мектеп директорының тәрбие ісінің орынбасары Мұқашева Кенжегүл Серікқали қызына беріледі.

Мұғалім:

Ғылымның сырын ұғына,

Шығамыз білім шыңына.

Ұқыптылық пен зеректік,

Жеткізер сіздердей өренді,

Білімнің нәрлі сырына.

Болдың енді оқушы,

Оқитын әрі жазатын.

Білімге қол созатын.

Құтты болсын, қарағым,

Оқушы деген жаңа атың.

Ән «Әрқашан күн сөнбесін».

Мұғалім:

Мектебің – алтын ұяң жарқыраған,

Ұстазың - бұлақ көзі сарқыраған.

Шыңдалып, шыңға қарай қанат қағып,

Шарықта, жас қыраным, ақ жол саған! – дей отырып, балаларымыз оқушы атына лайықты болып, ата-аналарын, ұстаздарын, сыйлайтын әдепті, алғыр, зерек болар деген сеніммен, Тілашар мерекесін аяқтаймыз. Қош сау болыңыздар!

Қорытынды

1 ^«А» класының

«ТІЛАШАР» мерекесінің

Ашық тәрбие сағатының

жоспары

Класс жетекшісі: Балмаканова З.М

Талдысай орта мектебі

1 ^«А»

класс

Қараша 2017 жыл.