ТАНЫМАЛ ТҰЛҒАМЕН КӘСІБИ БАҒДАР БОЙЫНША КЕЗДЕСУ

ТАНЫМАЛ ТҰЛҒАМЕН КӘСІБИ БАҒДАР БОЙЫНША

КЕЗДЕСУ ӨТТІ

«Күй өнерін дәріптеген Бөрі Иса»

Жетісай ауданының білім бөліміне қарасты "№25 жалпы білім беретін мектеп" коммуналдық мемлекеттік мекесінің мәжіліс залында 10- сынып білім алушыларымен «Танымал тұлғалармен кездесу» "Біртұтас" тәрбие бағдарламасы аясында мамандық таңдау маңызы жөнінде «Күй өнерін дәріптеген Бөрі Иса» атты кездесу болып өтті. ҚР Мәдениет қайраткері , Өнертану ғылымдарының доценті ұлағатты ұстаз, дирижер, күйші-орындаушы сазгер, “ профессор, Мақтарал ауданының құрметті азаматы–Бөрі Исамен жылы жүздесу болды.

Дала болмысын, досқа адал, дұшпанға қатал қазақ жанын домбырадай түсіндіре алатын аспап екенін айтты . Домбыра іштегі шерді емдейді. Езілген еңсені тіктейді. Ұйыған қанды ысытады. Бойға ғаламат қуат дарытады. Жасық болмауға, жайнап, жадырап жүруге баулиды. .

Бөрі Иса – он саусағынан халқымыздың күй өнері төгілген дәулескер күйші, дүлдүл тарланы. Домбырадан ағытылған күй тыңдарманды иландырады, Көңілді толқытады . Сол себепті тыңдарман қауым, өнерсүйер елі Бөрі Исаны “Жетісайдың Нұрғисасы”, деп атап кеткен.

Кездесу барысында Бөрі Иса ағамыз Төлеген Момбековтың «Салтанат» күйі мен Нұрғиса Тілендиевтің «Аққу » күйін орындап берді,және өзінің өмір жолын ,өнерге қалай келгендігі жайлы сыр шертті.Білім алушылар кездесуде алған әсерлерімен бөлісті.

Осы кездесуге мектеп директоры Г. Утелбаева ұйытқы болды. Кәсіби бағдар педагогы Ақерке Мықтыбекова және ҚББП –ы ,музыка пәні мұгалімі Назира Умбетова, мектептің тәрбие орынбасарлары Ж.Джахаева мен Р. Ағманова ұйымдастырды.