Сырымды ақтарамын жүрегімнен
Таныстырам тап таза көңіліммен
Мен мұнда келсемдағы кеше ғана
Ерекше орын алды жүрегімнен

9 дың абыройын көтерейін
Жүлденің ең мықтысын әперейін 
Өнерді бойымдағы жасырынған
Мектепке қымсынбастан көрсетейін

Мінезім бөлек менің өзгелерден
Қорқамын артық сөз бен сын пікірден
Қаңбақтай ұшпа мінез болман бірақ
Кім мықты болса сонан қалмай ерген

Жанымның қалауы да өзгешерек
Мен дегенде өмірдің сөзі бөлек
Тарихпен байлап қойғам өмірімді
Қайта-қайта қателік етпеу керек

Фариза апамнан мен үлгі аламын
Талпынып биіктерге жыр жазамын
Жаныма рахат тауып қара өлеңнен
Өмірде емес қиялда жиі ұшамын

Қазақтың қызына тән ибалылық,
арын таза ұстайтын имандылық
Өзгелелерге қол жетпес арман болар
Қанын таза ұстайтын тазалылық!

Жүректі мекен еткен ұяңдылық
Бойынан көрсетпейді артық қылық
Көзін төмен қаратып ұялса егер
Біреулер айтар " осы Жанна қызық"

Білімге талпынамын тоқтамаймын
Жәй ермек қуғандарды жақтамаймын
Оқымысты десе де бәзбіреулер
Кітаппен дос болуды тастамаймын.

Білімді тектен текке жинамаймын
Оқы деп миымды да қинамаймын
Мектепке алып берем алтын белгі
Білім жерге кеткенін қаламаймын!

Осында келгеніме қуанамын
Шабытпен әлі талай жыр жазамын
Танылу үшін емес, өзім үшін
Мен әлі МЫҢ САЙЫСТА топ жарамын!