«Тапқыр, достар» интеллектуалды ойыны

Мақсаты:
- Жан - жақты ақпараттануға, алған білімдерін өмірде қолдана білу шеберліктерін арттыруға үйрету;
- Оқушыларды ұйымшылдыққа достыққа, өзін - өзі тануға, айналасындағы ортамен қарым - қатынас жасауға, адамгершілікке, ана тілін сүйіп, қастерлеуге тәрбиелеу;
- Тапқырлық, шапшаңдық, дарындылық, зейінділік, есте сақтау қабілеттерін шыңдау, сөздік қорын молайту.
Сабақтың түрі: топтық ойын.

Көрнекілігі: даналық сөздер, интерактивтік тақта, слайдта көрсетілген сұрақтар

Сайыс барысы:

I.Ұйымдастыру.

Мұғалім:

-Армысыздар, ұлағатты ұстаздар!

Бармысыздар, жадыраған жас достар, сайысқа қатысушы үміткерлер!

Бүгінгі «Тапқыр достар» атты 7-сыныптар арасында өтетін танымдық сайысқа «Қош келдіңіздер!» демекпіз.

Мұғалім: – Сайысымызды бастамас бұрын бүгінгі бәйгеге қазылық ететін әділқазы мүшелерімен таныс болайық.(Әділқазылар алқасының мүшелері сайланады)

-Енді ойынымыздың шарттарымен таныстырып өтейін.Сайысымыз V бөлімнен тұрады.

I.Таныстыру.Әр топ өздерін таныстырады.

II.Сөз тапқанға қолқа жоқ.Таңдап алынған әріптер арқылы сұраққа дұрыс жауап беру.

III. Ойлан да, тап. Сурет беріледі,сол суреттке байланысты мақал –мәтел айту.

ІV.Сен білесің бе? Сұраққа ұтымды, дәлелді жауап беру.

V. Түсін мені. Қима қағаздарда жасырылған сөздерді көрермендерге түсіндіру. Берілген сөздерді айтпай, басқа сөздер арқылы түсіндіреді. Іс-қимылмен де көрсетуге болады.

Мұғалім:

-Жарыстың тәртібі, барысымен таныс болдық, ендеше, ойынымызды бастайық. Жеребе алып қай топ ойынды бірінші болып бастайтынын анықтау.
I.Таныстыру .Топтардың өздерін таныстыру сәті.

Мұғалім :

-Енді ойынымыздың II кезеңі «Сөз тапқанға қолқа жоқ» деп аталады. Әріптер арқылы сұрақтарға бір минут ішінде қысқа да, нұсқа, дұрыс жауап күтеміз.

ІІ. «Сөз тапқанға қолқа жоқ».
(Екі топқа 10 - 10 сұрақтан қойылады. Екі топ әріптерді алады Қойылған сұрақтарға қолына түскен әріптен басталатын сөзбен жауап береді)
1 - топқа (ЖҚС)

1. Зат есімді атаңыз?
2. Ақын немесе жазушыны атаңыз?
3. Жазғы демалыста қайда қыдырасыз?

4. Қай спорт түрін ұнатасыз?
5. Қай пәнді ұнатасыз?
6.Қазақ тілі сабағы қалай өтеді?

7. Нағыз оқушының белгісі не?

8.Бір шығарманың атын ата?

9. Адамның ең жаман қасиеті не деп ойлайсыз?

10. Қазақтың ұлттық тағамын ата

2 - топқа (АТБ)
1. Қазақ тілін қаншалықты білесің?

2. Көзді жұмып не көруге болады?

3. Қазақтың қандай ақын, жазушыларының өлеңін оқығанды ұнатасың?

4. Адамның ең жақсы қасиеті не деп ойлайсың?

5. Зат есімді ата?

6.Берілген әріптен басталатын мақал-мәтел айт

7. Досыңның аты кім?

8. Ақын немесе жазушыны атаңыз?

9.Бір шығарманың атын ата?

10. Нағыз оқушының белгісі не?

III. Ойлан да, тап. Сурет беріледі,сол суреттке байланысты мақал –мәтел айту.(презентация)

1. Ұяда не көрсе, ұшқанда соны іледі.

2. Айдағаның бес ешкі ысқырығың жер жарар.

3. Ит жоқта шошқа үреді

4. Құтты қонақ келсе, қой егіз табады.

5. Асық ойнаған - азар,

Доп ойнаған - тозар,

Бәрінен де қой бағып,

Білім алған озар.

6. Қарға қарғаның көзін шұқымайды.

7. Ақсақ қой түстен кейін маңырайды.

8. Қыздың жолы жіңішке.

9. Семіздікті қой ғана көтереді.

10. Жеті рет өлшеп, бір рет кес.

11. Оқу инемен құдық қазғандай.

ІV.Сен білесің бе? Сұраққа ұтымды, дәлелді жауап беру.(презентация)

1. Жапонияның астанасы? (Токио)

2. Бірінші дүниежүзілік соғыс қай жылы басталды? (1914 ж)

3. Қай жануар Австралияның символы болып табылады? (Кенгуру)

4. Күн жүйесіндегі ең үлкен планета? (Юпитер)

5. Өзіміз күнде көретін электр шамды кім ойлап тапты? (Томас Эдисон)

6. Жер атмосферасындағы ең көп таралған газ? (Азот)

7. Қайсы химиялық элемент “Fe” деп белгіленеді? (Темір)

8. Жылдың қай айында күндер аз? (Ақпан)

9. Адам ағзасының қай мүшесі қанды сүзуге және зәр шығаруға жауап береді? (Бүйрек)

10. Қай жануар АҚШ-тың символы болып табылады? (Бүркіт)

11. Ең жеңіл химиялық элемент? (Сутегі)

12. Айдың күнді толығымен жауып тұру процесі қалай аталады? (Күннің тұтылуы)

13. Қай қала ғашықтар қаласы деп саналады? (Париж)

14. Аталған елдердің қайсысы ең үлкен аумаққа ие? (Канада)

15. Ең терең мұхит (Тынық)

16. АҚШ-тың ең бірінші президенті (Джордж Вашингтон)

17. Қайсы жануарда ең үлкен ми? (Піл)

18. Балдың жарамдылық мерзімін білесің бе? (Шексіз)

19. Ересек адамда қанша тіс бар? (32)

20. Ең бірінші айға ұшқан ел (Америка)

21. Кола ең алғаш не болғанын білесің бе? (Сироп)

22. Әлемдегі ең көп ұрланатын өнім (Сыр - ірімшік)

23. Панда қай елдің символына жатады? (Қытай)

24. Анемия ненің кемуінен пайда болады? (Гемоглабин)

25. Биік мұнара қай жерде орналасқан? (Дубай)

26. Олимпиада туында қанша сақина бар? (5)

27. Шәйді ең көп өндіретін ел? (Қытай)

28. Әлемдегі ең көп тараған көзді білесің бе? (қоңыр)

29. Сейсмология ғылымы нені зерттейді? (Жер сілкінісін)

30. Қай құстың көзі миынан үлкен? (Түйеқұс)

V. Түсін мені. Қима қағаздарда жасырылған сөздерді көрермендерге түсіндіру. Берілген сөздерді айтпай,басқа сөздер арқылы түсіндіреді. Іс-қимылмен де көрсетуге болады.

Қорытынды әділ қазылар

Мұғалім: Әрбір тілде сөйле әлемді таң қылып,

Ана тілін білмеу қандай заңдылық?

Өсер болсаң байтақ далаң тұрғанда,

Қазақ тілі жасау керек мәңгілік!

- Құрметті қонақтар, оқушылар, осымен біздің «Тапқыр достар» атты топтық ойынымыз өз мәресіне жетті.Осы сайыста сендер өздеріңнің білімдеріңді, тапқырлықтарыңды көрсете білдіңдер. Ойынның тартысты өтуіне атсалысқандарыңызға алғыс айтамыз.

Келешекте білімдеріңді одан әрі шыңдап, биіктерден көрінетіндеріңе тілектеспін! Келесі кездескенше, аман – сау болыңыздар!