Тақырыбы: "Ғарышқа саяхат"

«Ғарышқа саяхат»

Мақсаты: Қазақстанның мемлекеттік рәміздері еліміз, жеріміз , тәуелсіздігіміз туралы түсінік беру.Елін, жерін сүюге, тілін құрметтеуге тәрбиелеу.Патриотық сезімдерін қалыптастыру.Космосқа саяхат кезінде өзін –өзі ҚР азаматы ретінде сезіну. Елдің өмірімен ортақтасу сезіміне тәрбиелеу.

Керекті құралдар мен персонаждар: Робот, бала /Абылай/ аю, қасқыр,түлкі, марғау мен күшік.

/Залға балалар музыкамен кіреді/

Сабақ барысы: Амандасу

Шаттық шеңбері: /жарты шеңберге тұру/

Армысың мейірімді жеріміз!

Армысың, шұғылалы күніміз!

Армысың табиғат анамыз

Әдеппен бас иер баламыз!

Қайырлы таң, қайырлы күн баршаға

Қош келдіңіз «Жұлдыз бөбек жайымызға »!

Сәлематсыздарма !

/Балалар орнына жайғасады/

Тәрбиеші: –Біз аспаны ашық , сәулелі , кең байтақ тәуелсіз елде тұрамыз. Ол ел-Қазақстан. Бұл біздің Отанымыз, туған жеріміз. 16 желтоқсанда Қазақстан халқы тәуелсіздік күнін тойлайды. Аспан түстес көгілдір туымыз, ән ұранымыз, елтаңбамыз бар. Біздер оны әрқашанда мақтан тұтамыз

-ҚР өзінің тәуелсіздік алғанына міне бүгінде 25 жыл болды.Еліміз өркендеп жайнай түсуде.

Қане, Отанымыз туралы қандай тақпақтар білеміз?

/Балалар жауабы/

1бала - Қазақстан туған өлкем

Жер көп пе сендей көркем

Көрсін деп күллі әлемге

Көк туымды желбіретем

2 бала - Отан деген ата мекен

Отан деген- туған жер

Отан –ана, Отан үлкен

Қазақстан-туған ел

3 бала Бақытты боп жүргенім

Сенің арқаң ұлы Отан

Елім менің терегім

Құшағыңда гүл Отан

Тәрбиеші : Жарайсыңдар балалар.

Аспаны ашық , елі тыныш Тәуелсіз Қазақстан жасай берсін!

Ақ шашты аналар, әзиз әкелер аман болсын!

Әрқашан сәбилердің шат күлкісі үзілмесін!

«Ғарыш» әуені естіледі

/Сырттан естіледі/ Тыныш менің Отаным

Ырыс менің Отаным

Ардақтайтын Отанды

Мен Отаншыл баламын.

Желкілдеген бала Абылай

Армандады ол былай!

Абылай: Космосқа ұшсам мен

Әйнегінен зымыранның

Әлем шарлап көремін

Болды осылай шештім мен

Космосқа бірге ұшатын

Достарымды табамын!

Абылай жол бойымен келе жатып, алдынан аю шығады.

Аю: Сәлем бала Абылай!

Абылай : Сәлем аю, менімен Марсқа ұшасың ба?

Аю: - Ол жақта менің сүйікті балым бар ма?

Абылай : - Ол жақта жоооқ

Аю: Онда мен балсыз өмір сүре алмаймын

/Аю қол бұлғап кете береді, Абылай ары қарай жүре береді/

Алдынан қасқыр шығады.

Қасқыр: - Сәлем, Абылай!

Абылай: - Сәлем қасқыр, менімен Марсқа ұшасың ба?

Қасқыр: - ол жаққа немен ұшамыз?

Абылай: - Космос зымыранымен ұшамыз

Қасқыр: - Ал Марста қозылар тұра ма?

Абылай: - Жоқ тұрмайды

Қасқыр : - Ол жақте мен нені жеймін?, жоқ бармаймын

/қасқырда қол бұлғап кетіп қалады. Абылай ары қарай жүре береді алдынан түлкі шығады/

Түлкі : - Сәлем Абылай!

Абылай: - Сәлем Түлкі, менімен Марсқа ұшасың ба?

Түлкі: - Ал ол жақта тауықтар бар ма?

Абылай: - Жоқ, ол жақта тауықтар болмайды

Түлкі: - Тауықтар болмаса мен олжақта не істеймін жоқ, жоқ деп кетіп қалады.

Абылай келе жатып күшік пен марғауды кездестіреді.

Күшік мен Марғау : - Сәлем Абылай ! Біз сені сағынып қалдық. Сен қайда жүрсің, неге көңілсізсің?

Абылай: Космосқа ұшсам деп едім

Космосқа ұшсам мен

Әйнегінен зымыранның

Әлем шарын көремін

Болды осылай шештім мен

Жолда көңілді болсын деп

Достарды іздеп келем мен

Күшік пен Марғау: Бірге ұшамыз бәріміз

Қорықпаймыз жолда біз

Көмегімізді аямай

Бір-бірімізді қорғаймыз!!

Абылай : Міне, менің нағыз достарым менің.!

Тәрбиеші: - Абылай бізде сенімен барамыз. БІзді де ала кет Космосқа! Солай емес па балалар

Балалар: -Иә

Тәрбиеші: - Ұшуға дайынбыз ба?

Балалар : - Иә дайынбыз.

Тәрбиеші: - Ендеше скафандрларды киеміз.... Дұрыстап отырамыз, белбеулерімізді тағамыз. Санайды 1,2,3,4,5. Керісінше 5,4,3,2,1. Іске қосыл!!!

/Балалар барлығы бірге ұшады , космос әуені естіледі./

Робот шығады.

Робот: Сәлематсіздер ме балалар. Ғайыптан пайда болғандар!!

Менің атым Робот. Сендер қайдан ұшып келдіңдер?

Тәрбиеші: - Біз балалармен жер планетасынан ұшып келдік.

Робот: - Мен сендердің планеталарың туралы көп естідім. Планетада көп ел бар екенінде білемін. Ал, сендердің еліңіз қалай аталады ?

Балалар: - Қазақстан елі

Робот: - Қазақстан? Қызық ат екен, мен мұндай елді білмеймін

Тәрбиеші: - Ендеше біз саған Қазақстан туралы айтып береміз. Қазақстан тәуелсіз ел. Ұлан байтақ жері бар.

/Балалардан сұрақ-жауап алу/

1 Рәміздерімізді кім атайды? /тақпақ айту/

2Ел ордамыз қай қала ?

3.Елбасымыз кім ?/ қашан сайланды?/

4 Ата заңымыз қашан қабылданды?

5. Төл теңгеміз қай уақытта шықты?

Робот: - Сендер өз елдеріңді қатты жақсы көреді екенсіңдер , көріп тұрмын. Ал Отан деген не ?

Балалар : - Отан дегеніміз-отбасымыз, достарымыз , еліміз, уйіміз.

Тәрбиеші: - Ендеше Робот сен Отан туралы «Жаса Қазақстан» әнін тыңда. /Ән орындалады/

Робот: - Сендер көңілді өмір сүреді екенсіңдер , ал мен ән айта алмаймын.

Тәрбиеші. Біз сені үйретеміз

Робот: - Ха!-ха! –ха! Міне, мағанда кішкене көңілді болған сияқты

Тәрбиеші: - Робот, ал сенің достарың бар ма?

Робот : -Жоқ мен жалғызбын.

Тәрбиеші: - Бір өзіңе көңілсіз шығар, ешкіммен ойнамайсың

Робот: - Ойнауу? Ойнау деген не?

Тәрбиеші: - Олай болса балалар канекей Роботпен ойын ойнайық.

«Аэродромдағы ұшақтар»

Басқа елдерді көрсетейік, қаншама досымыз бар екенін , қандай тату-тәтті тұратынымызды көрсетейік.

Робот: - Менің сендермен дос болуыма бола ма?

Балалар : - Болады.

Тәрбиеші: - Әрине біз қуаныштымыз , ал енді біздің кететін уақытымыз да болды.

Робот: - Сендерге көп-көп рахмет , мен сендерге өзімнің сыйлығымды бергім келіп тұр.

Тәрбиеші: Сау бол Робот , балаларда қоштасады./ұшып кетеді/

Тәрбиеші: - Міне балалар біз Қазақстанға елімізге келдік.

/Жарты шеңберге тұру/

Тәрбиеші: Күннің шыққаны жақсы ма?

Желдің соққаны жақсы ма?

Достармен болған жақсы ма?

Анамызды құшақтаған жақсы ма?

Туған жеріміз жақсы ма?

Қазақстандық болған жақсы ма?

Балалар хормен: - Өркендеп, жасай бер, жайнай бер Қазақстан!!

Тәрбиеші:

Тәуелсіздігіміздің тұғыры мықты болсын!

Аспанымыз ашық , еліміз тыныш болсын. Сау болыңыздар.