Тақырыбы: "Ойнайық та, ойлайық!"

Тобы: Ересек топ

Білім беру саласы: Таным

Бөлімі: Математика негіздері

Тақырыбы:

"Ойнайық та, ойлайық!"

Оқу мақсаты:

Балалардың тура, кері санау, сандық таңба, геометриялық пішіндер, уақытты, кеңістікті бағдарлау және түстер бойынша ұғымдар білу.

Күтілетін нәтиже:

Балалардың тура, кері санау, сандық таңба, геометриялық пішіндер, уақытты, кеңістікті бағдарлау және түстер бойынша ұғымдарды біледі

Қолданылатын әдіс-тәсілдер:

Жұмбақтар, сұрақ-жауап, 4 К моделі, креативтілік,сыни ойлау, бала үні,шығармашылық,құрылымдалған, тәрбиеші жетекшісімен ойындар, командамен жұмыс,Орф әдістемесі

Жоспар

ҰОҚ кезеңдері

Педагог әрекеті

Балалардың әрекеті

ҰОҚ басы

Шаттық шеңбері: «Білімкидс» бағдарламасы дайындаған «Көңіл күй!» атты бейнероликпен орындалады.

Жұмбақ. Күндіз сөнген шырағы,

Түнде көрер қырағы.

Тікірейіп айдары,

Егін жауын қырады.

Балалар: - Үкі. -Өте дұрыс. Үкінің дауысы шығып, топқа Ақылды үкі келеді. (аудио дауыспен)

-Сәлеметсіңдерме, балалар! Мен ақылды үкімін. Бүгін сендердің білімдеріңді көруге келдім. Сендерді ақылды, білімді бүлдіршіндер деп естідім, рас па? Ендеше, сендер командаға бөлініп білімдеріңді көрсетсеңдер, мен өте қуанышты боламын.Командаға менің мына әкелген сиқырлы жұмыртқаларды ашып, соның ішіндегі бойынша бөлінесіңдер және математикалық ойындар дайындап әкелдім. Ал бәріңе Сәттілік!

(балалар жұмыртқаны (киндр) ашып оның ішіндегі сары, жасыл түсті пішіндер бойынша екі командаға бөлінеді) «Сары» және «Жасыл» командалары.

ҰОҚ негізгі кезеңі

-тәрбиеші жетекшілігімен ойын: «Ойлан тап!»

Шарты: Тәрбиеші уақытты бағдарлауға байланысты жұмбақтар жасырады, балалар жауабын және қандай түстермен белгілеуге болатынын табады. Әр бала жеке суретті үлестірмелі карточкалармен уақытты ретімен орналастырады.

Ұйқымыздан тұрамыз,

Беті, қолды жуамыз.

Анамызға ереміз,

Бақшамызға келеміз. (Таңертең)

Сабақ оқып, ойын ойнап,

Серуендеп қайтамыз.тамақты ішіп,

түсте ұйқыға жатамыз. (Түс)

Күн батады қызарып,

Анамызды күтеміз.

Таза ауаны жұтып,

Кешкісін үйге қайтамыз. (Кеш)

Үйге келіп теледидар көріп,

Ойыншықтарды жинап.

Тісімізді тазартып,

Ұйықтауға жатамыз. (Түн)

ІІ – құрылымдалған ойын: «Сиқырлы пішіндер»

Шарты: Екі командаға екі тапсырма, біріншісі – дәптермен жұмыстанып, геометриялық пішіндерге ұқсас затты тауып сызықпен қосады. Екінші команда – таяқша, санағыштармен пішіндерді құрастырады.

ІІІ – педагог жетекшілігімен ойын: «Санауды білесің бе?»

Шарты: Балаларға «Білімкидс» бағдарламасы дайындаған «Бес балапан» бейнеролигі көрсетіліп,сол бойынша балалар командамен санның таңбасын тауып, тура, кері үштілде санайды.

ІV – еркін ойын: «Мен қандай түспін?»

Шарты: Құрғақ құмның ішінде жасырылған асық пен жеміс дәнін тауып, түске байланысты ыдыс пен дөңгелек кілемшеге орналастырады, «Сары» командасы – асықты, «Жасыл» командасы – жеміс дәнін. Түстердің атауларын үштілде айтады.

Сергіту сәті: «Асық ойнап ләй, ләй» әнімен орындалады. Балалар жерге жеке көрпешелерге отырып, әр бала алдына асықтың түсу түрлері бейнеленген тақтайша мен екеуден асық беріледі. Әуенмен қосылып, асықтың түсу түрлерін тақтайшада, қолдарымен көрсетеді.  

V – құрылымдалған ойын: «Кеңістікті бағдарлай біл!»

Шарты: Барлық балаларға кеңістікті бағдарлауға суретті перфкарта беріледі. Тәрбиеші сұрағын мұқият тыңдай отырып, жауап береді. Мысалы: ортасында не бейнеленген? Оң жақ төменде?т.с.с.

ҰОҚ қорытынды

кезеңі

Тәрбиеші: -Ақылды үкінің барлық ойындарын өте жақсы орындадық деп сенемін. Енді Ақылды үкіні тыңдайық. (аудио дауыспен)

-Мен өте ризамын сендерге, балалар. Ойын-тапсырмаларымды жоғары деңгейде орындадыңдар. Білімдерің жақсы, бәрін білетіндеріңге сенімдімін. Алғыс білдіремін. Менің сендерге өзімнің суретім бейнеленген медальді ескерткішке ұсынамын. Енді мен орманға қайтамын, көріскенше сау болыңдар!

-Қонаққа қандай құс келді?

-Қандай ойын-тапсырмалар орындадық?

-Қандай ойын ерекше ұнады?

-Сергіту сәтін немен орындадық?

-Ол қандай малдың сүйегі?

Рефлексия: Балалар көңіл күйлер бейнеленген гүл шоқтары арқылы оқу қызметін бағалайды.