тәрбие жоспары

«Ғ.Мүсірепов атындағы орта мектебі» КММ

Бекітемін: Келісемін:

Мектеп директоры: Тәрбие ісінің орынбасары:

Мухатова Г.А Мукатова А.А

Тәрбие

жоспары

Сыныбы: 8 «А»

Сынып жетекшісі: Советханқызы Меруерт

2017-2018 оқу жылы

Бірінші бағыт: Қазақстандық патриотиизм және азаматтық тәрбие, құқықтық тәрбие.

Мақсаты: Жаңа демократиялық қоғамда өмір сүруге қабілетті азаматты жіне патриотты; тұлғаның саяси, құқықтық және сыбайлас жемқорлыққа қарсы мәдениетін; балалар мен жастардың құқықтық санасын, оларда балалар мен жастар ортасындағы қатыгездік пен зорлық-зомбылыққа қарсы тұру даярлығын қалыптастыру.

Нәтижесінде: оқушылардың өз Отанына, туған жеріне деген сүйіспеншілігі оянады.

Екінші бағыт: Рухани адамгершілік тәрбие.

Мақсаты: Тұлғаның қазақстандық қоғам өмірінің жалпы адамзаттық құндылықтары, нормалары және дәстүрлерімен келісілген рухани-адамгершілік және эстетикалық ұстанымдарын, моральдық қасиеттерін және көзқарастарын қалыптастыру.

Нәтижесінде: оқушылар адамгершілік, рухани тазалықтарын сақтауға, әдісте сабырлы болуға үйренеді.

Үшінші бағыт: Ұлттық тәрбие.

Мақсаты: Тұлғаны ұлттық және жалпы адамзаттық құндылықтарға, ана тілі мен мемлекеттік тілді, қазақ халқының Қазақстан Республикасындағы этностар мен этникалық топтардың мәдениетін құрметтеуге бағдарлау.

Нәтижесінде: еліне, ұлтына, тіліне деген тұлғаның мәдениеттік көзқарасы қалыптасады.

Төртінші бағыт: Отбасы тәрбиесі.

Мақсаты: Ата-аналарды оқыту, бала тәрбиесінде олардың психологиялық-педагогикалық құзыреттіліктерін және жауапкершіліктерін арттыру.

Нәтижесінде: жанұядағы ата-ана мен бала арасындағы қарым-қатынас нығая түседі.

Бесінші бағыт: Еңбек, экономикалық және экологиялық тәрбие.

Мақсаты: Тұлғаның өзін кәсіби анықтауына саналы қарым-қатынасын қалыптастыру.

Нәтижесінде: белгілі бір еңбекте, іс-әрекет саласына енуге ұмтылысы қалыптасады.

Алтыншы бағыт: Зияткерлік тәрбие, ақпараттық мәдениет тәрбиесі.

Мақсаты: Әрбір тұлғаның зияткерлік мүмкіндігін, көшбасшылық қасиеттерін және дарындылығын, сондай – ақ ақпараттық мәдениетін дамытуды қамтамасыз ететін уәждемелік кеңістік қалыптастыру.

Нәтижесінде: танымдық белсенділіктері артады, білім алуға деген ынта мен ықыластары дамиды, ой-өрісін кеңейтеді, ақыл-ой қабілеті мен білімге құмарлығы артады.

Жетінші бағыт: Көп мәдениетті және эстетикалық тәрбие.

Мақсаты: тұлғаның жалпы мәдени мінез-құлық дағдыларын қалыптастыру, тұлғаның өнердегі және болмыстағы эстетикалық нысандарды қабылдау, меңгеру және бағалау әзірлігін дамыту, білім беру ұйымдарында көпмәдениетті орта құру.

Нәтижесінде: оқушы бойында танымы кеңейіп, рухани құндылықтары әсемдік арқылы, көркем мәдениет арқылы қалыптасады.

Сегізінші бағыт: Дене тәрбиесі, салауатты өмір салты.

Мақсаты: салауатты өмір салты, дене дамуы және психологиялық денсаулық сақтау дағдыларын, денсаулыққа зиян келтіретін факторларды анықтау біліктілігін қалыптастыру үшін кеңістік орнату.

Нәтижесінде: оқушылар адам денсаулығының қымбаттылығын түсінеді, денсаулық сақтаудың өмірдік дағдысы мен жауапкершілік тәртібіне дағдыланады.