Тәрбие жоспары 6 сыныпқа арналған

Тақырып бойынша 31 материал табылды

Тәрбие жоспары 6 сыныпқа арналған

Материал туралы қысқаша түсінік

Материалдың қысқаша нұсқасы

Мемлекет Басшысы Қасым-Жомарт Тоқаев Ұлттық құрылтайдың «Әділетті Қазақстан – Адал азамат» атты екінші отырысындағы тапсырмасына сәйкес 2023 жылы «Біртұтас тәрбие» бағдарламасы әзірленіп, барлық білім беру ұйымдарына енгізілді.

Қазақстан Республикасының Президенті Қ.Тоқаев 2024 жылы Ұлттық құрылтайдың «Адал адам – Адал еңбек – Адал табыс» атты үшінші отырысындағы тапсырмасына сәйкес Біртұтас тәрбие бағдарламасының мазмұны жаңартылды.

Еліміздің болашақтағы негізгі сұлбасын «Әділетті Қазақстан – Адал азамат – Озық ойлы ұлт» деген үштаған ұғым арқылы сипаттады. Үштаған – бір-бірінен бастау алатын және өзара тығыз байланысты ұғымдар, ел ішінде заң мен тәртіпті қатаң сақтауды қамтамасыз етуді саясатымыздың тұғырлы қағидатына айналдыратын мықты демократиялық институттары мен дамыған құқықтық жүйесі бар әділетті мемлекетті құрудың шарты және еліміздің жаңғыруы мен әрі қарай дамуының стратегиялық бағдарын айқындайды. Бұл «Біртұтас тәрбие» бағдарламасының басты идеясына айналды.

2025–2026 оқу жылынан бастап бұл бағдарлама «Адал азамат» біртұтас тәрбие бағдарламасы (ҚР Оқу-ағарту министрі бұйрығы 26.05.2025ж. №123) (бұдан әрі – Бағдарлама) деп аталатын болады. Бағдарлама бұған дейін іске асырылған бастаманың толыққанды жалғасы болып табылады.

Бағдарлама мақсаты – «Адал азамат» тұжырымдамасының идеалдарына сай, патриоттық рухта тәрбиеленген, білімді әрі жасампаз ұрпақты қалыптастыру. Жаңа оқу жылында негізгі 6 құндылық бойынша тәрбие бағытындағы жұмыстар өз жалғасын табады: тәуелсіздік және отаншылдық; бірлік және ынтымақ; әділдік және жауапкершілік; заң және тәртіп; еңбекқорлық және кәсіби біліктілік; жасампаздық және жаңашылдық. Бағдарлама мазмұнына сәйкес ай сайын өткізілетін тұрақты іс-шаралар білім алушылардың біртұтас тұлғасын қалыптастыруға бағытталуы тиіс.

Бағдарламаның міндеттері:

Рухани-адамгершілік қасиеттерді тәрбиелеу:

отанға, өз халқына, оның тарихы мен мәдениетіне деген сүйіспеншілікті қалыптастыру;

Қазақстан Республикасының Мемлекеттік рәміздерін құрметтеуге тәрбиелеу;

адалдық, әділдік, мейірімділік, ар-ұят пен қамқорлық, қайырымдылық және басқа да адамдық қасиеттерді дамыту;

табиғатқа және қоршаған ортаға ұқыптылықпен қарауға тәрбиелеу.

Азаматтық жауапкершілік пен патриотизмді дамыту:

елінің жетістіктері үшін мақтаныш сезімін ұялату;

отбасы, қоғам және мемлекет алдындағы өз міндеттеріне саналы көзқарас қалыптастыру;

өз құқығы мен бостандығы, сондай-ақ басқа адамдардың құқықтары мен бостандықтарын қорғауға дайын

болуға баулу;

әлеуметтік маңызы бар қызметке белсенді қатысуға тәрбиелеу.

Парасаттылық пен адалдықты қалыптастыру:

басқалармен қарым-қатынаста адал әрі әділ болуға және әдептілік нормаларын ұстануға тәрбиелеу;

өз іс-әрекеттері мен сөздері үшін жауапкершілікті түсінуге тәрбиелеу;

еңбексүйгіштік пен өзін-өзі жетілдіруге деген ұмтылысын қалыптастыру;

біреудің еңбегі мен мүлкін құрметтеуге тәрбиелеу.

Білім алушының жеке басының үйлесімді дамуы үшін жағдай жасау:

әрбір білім алушыны тәрбиелеу мен оқытуда даралау мен саралау тәсілдемелерін қамтамасыз ету;

білім беру ортасында жағымды психологиялық-педагогикалық ахуал қалыптастыру.

Бағдарлама мазмұны:

Білім алушылардың бойында құндылықтарды дамыту білім беру ұйымдарының оқу-тәрбие процесі

жағдайында жүйелі ұйымдастырылады. Бұл міндетті іске асыру білім беру мазмұны, сынып сағаттары

мен сыныптан тыс іс-шаралары арқылы жүзеге асырылады.

Ай сайын өткізілетін тұрақты іс-шаралар білім алушылардың біртұтас тұлғасын қалыптастыруға бағытталуы тиіс:

Қыркүйек – еңбекқорлық және кәсіби біліктілік айы;

Қазан айы – тәуелсіздік және отаншылдық айы;

Қараша айы – әділдік және жауапкершілік айы;

Желтоқсан – бірлік және ынтымақ айы;

Қаңтар – заң және тәртіп айы;

Ақпан – жасампаздық және жаңашылдық айы;

Наурыз – тәуелсіздік және отаншылдық айы;

Сәуір – еңбекқорлық және кәсіби біліктілік айы;

Мамыр – бірлік және ынтымақ айы.

Жүзеге асырылуға ұсынылған жобалар:

• «Қамқор» – әлеуметтік жобаларды жүзеге асыру арқылы құндылықтарды дәріптеу.

• «Еңбегі адал – жас өрен» – білім алушылардың әртүрлі мамандыққа деген қызығушылығын арттыру және еңбекқорлық идеясы арқылы құндылықтарды дәріптеу.

• «Шабыт» – білім алушылардың шығармашылық әлеуетін ашу арқылы құндылықтарды дәріптеу.

• «Ұшқыр ой алаңы» – тілдік дағдыларды дамыту және тақырыптық талқылау арқылы құндылықтарды дәріптеу.

• «Smart bala» – инновациялық жобалар конкурсы арқылы құндылықтарды дәріптеу.

• «Балалар кітапханасы» – кітап оқуға және білім алуға қызығушылықты қалыптастыру.

Бағдарламаның күтілетін нәтижелері:

Бағдарламаны дәйекті және кешенді іске асыру нәтижесінде білім берудің барлық деңгейіндегі ұйым

түлектерінің бойында құндылықтар мен негізгі құзыреттері қалыптастыру және дамыту күтіледі:

Құндылық: тәуелсіздік және отаншылдық

Құзыреттілік: ұлттық мүддені дамыту

Негізгі орта мектеп түлегі:

Қазақстанның тарихын, мәдениеті мен дәстүрлерін, оның тәуелсіздігін және оны сақтаудың маңыздылығын түсіну;

Қазақстанның тарихы мен мәдениетіне құрмет көрсету;

Қазақстанның мемлекеттік рәміздеріне, ұлттық мерекелерге құрмет көрсету;

азаматтық және ұлттық бірегейлікті түсіну;

мемлекеттік тілді меңгеру;

Қазақстанның мәдени мұрасын сақтау және оны әрі қарай дәріптеу бойынша волонтерлік қызмет пен

жобаларға қатысу;

әр түрлі ұлт өкілдерімен сыйластық қарым-қатынас;

Қазақстан азаматының міндеттерін орындауға, өз елінің мүдделері мен құндылықтарын қорғауға дайын болу.

Құндылық: бірлік және ынтымақ

Құзыреттілік: тиімді коммуникация

Негізгі орта мектеп түлегі:

қоғамдағы әлеуметтік нормаларды, ережелерді білу және түсіну;

сенімді қарым-қатынас орнату және сыныпта жағымды ахуалды сақтай білу;

тек өзі үшін ғана емес, жалпы ұжым үшін де жауапты болуға дайын болу;

бірлескен іс-әрекет пен өзара іс-әрекет кезінде басқалардың пікірлері мен сезімдерін құрметтей білу;

басқалармен жағымды қарым-қатынас орната білу және қоғамдық өмірге үлес қосу.

Құндылық: әділдік және жауапкершілік

Құзыреттілік: қоғамға қызмет

Негізгі орта мектеп түлегі:

өз әрекетін жоспарлау және ұйымдастыру;

әдеп нормасына сәйкес өзінің және басқалардың іс әрекеттерін талдау;

оқу тапсырмасын орындауда табандылық таныту;

берілген ортақ іс үшін ұжым алдындағы жауапкершілікті түсіну;

басқаға көмектесуге, мейірімділік танытуға дайын болу;

Құндылық: заң және тәртіп

Құзыреттілік: азаматтық борыш және парасаттылық

Негізгі орта мектеп түлегі:

құқықтық жүйе мен адам құқығы негіздерін білу;

тәртіп пен әділдік, нормалар мен ережелерді сақтау қажеттілігін түсіну;

қоғамды қорғау мен қауіпсіздікті қамтамасыз етудегі заң мен тәртіптің маңыздылығын білу.

Құндылық: еңбекқорлық және кәсіби біліктілік

Құзыреттілік: инновациялық ойлау

Негізгі орта мектеп түлегі:

өзінің және басқалардың еңбегінің нәтижелерін бағалау;

түрлі мамандықтар мен олардың қызмет ерекшеліктерін зерттеуге қызығушылық таныту;

өз уақытын тиімді жоспарлай білу және кез келген қызметтің нәтижелеріне қол жеткізу үшін күш салу;

еңбек қоғамдық және табысты болудың негізі екенін түсіну;

жеке мүдделерді, қажеттіліктерді ескере отырып, білім мен өмірлік жоспарлардың жеке траекториясын

саналы түрде таңдауға және құруға дайын болу.

Құндылық: жасампаздық және жаңашылдық

Құзыреттілік: шығармашылық

Негізгі орта мектеп түлегі:

тапсырмаларға шығармашылықпен қарай білу, өз шешімдері мен идеяларын ұсына білу;

өз бетінше әрекет ету және жобаларды іске асыру;

бақылау, өлшеу, эксперименттер мен тәжірибелер жүргізу;

модельдеу, таным объектілерінің құрылымын анықтау, бір бүтіннің әртүрлі бөліктері арасындағы

қатынастарды іздеу және бөлу, процестерді кезеңдерге бөлу, себеп-салдарлық байланыстарды анықтай алу;

оқу есептерін шешудің оңтайлы тәсілдерін таба білу, ол үшін жаңаларын қолдану және бұрыннан

таныс алгоритмдерді біріктіру, оларды стандартты емес есептерді шешуге қолдана алу;

әр түрлі таным құралдарын қолдану дағдылары, әлем туралы білім жинақтау (тілдік, оқырмандық

мәдениет, ақпараттық, цифрлық ортадағы қызмет).

Әр айдың іс-шаралары :

күнделікті

• «Менің Қазақстаным» – оқу аптасының басында бірінші сабақта білім алушылар Қазақстан Республикасының Әнұранын орындайды.

• «Апта дәйексөздері» – бүкіл білім беру ұйымның оқу және оқудан тыс іс-әрекетінің лейтмотиві ретінде қызмет ететін мақал-мәтелдер, халық даналығы, көрнекті тұлғалардың ұлағатты сөздері. Аптаның дәйексөздері ақпараттық стендтерде, Led-экрандарда, сынып тақталарында және т.б. орналастырылады.

• «Қауіпсіздік сабағы» – жол қозғалысы ережелерін, өмір қауіпсіздігі негіздерін зерделеу, білім алушылардың жеке қауіпсіздігін, қауіпсіз мінез-құлқын және т.б. сақтауы туралы сынып сағаты шеңберінде 10 минут ақпарат беру немесе әңгіме өткізу.

• «Ұлттық ойын – ұлт қазынасы» – үзіліс кезінде білім алушылардың бос уақытын ойын түрінде ұйымдастыру – асық, тоғызқұмалақ, бес тас және т.б.

• «Өнегелі 15 минут» – ата-аналардың баласымен мінезқұлық және адамгершілік туралы күнделікті 15 минут жеке әңгімелесуі.

• «Үнемді тұтыну» – суды, тамақты, энергияны тұтыну бойынша күнделікті табиғи ресурстарға ұқыпты қарауды қалыптастыру: жадынамалар, нұсқаулықтар мен парақшалар әзірлеу.

• «Күй күмбірі» – қоңыраудың орнына күйді пайдалану, сондай-ақ үлкен үзіліс кезінде күй тыңдау апта сайын.

Сынып сағаттарының мазмұнына келесі алдын алу шаралары біріктіріледі:

• Цифрлық әлемде қауіпсіз қадам;

• Буллингтен қорған!

• Ойынға салауатты көзқарас;

• Өмірге салауатты қадам;

• Қоғамдық мүлікті қорға!

• Қауіпсіз қоғам.

«ДОСБОЛLIKE» БАҒДАРЛАМАСЫН ЕНДІРУ ТУРАЛЫ

Жобаның мақсаты: Қазақстан Республикасындағы орта білім беру ұйымдарында буллингтің алдын алуға бағытталған кешенді жүйені іске асыру.

Іске асырудың негізгі қадамдары:

1. Ішкі нормативтік құжаттарды бекіту.

2. Мектептік буллингке қарсы команда құру.

3. Қақтығыс болуы мүмкін аймақтарды бейнебақылау жүйелерімен жабдықтау

(мүмкін болған жағдайда).

4. Педагогикалық ұжымға түсіндіру семинарларын өткізу.

5. Іс-шараларды тәрбие жұмысы жоспарына енгізу.

6. Әлеуметтік-психологиялық ахуалды диагностикалау жұмысын жүргізу.

7. Мамандардың біліктілігін арттыру.

8. Қызметкерлерге әрекет ету алгоритмдері жөнінде нұсқаулық беру.

9. Білім алушылардың қауіпсіз мінез-құлық дағдыларын және эмоциялық интеллектін қалыптастыру.

10. ППҚО-да ата-аналарға арналған сабақтар өткізу.

11. Әлеуметтік ахуалға тұрақты мониторинг жүргізу.

12. https://orken-instituty.kz/ru/dashboard/main цифрлық ресурстарды пайдалану

6- сыныптардың сынып сағаттарының жұмыс жоспары
Қыркүйек – еңбекқорлық және кәсіби біліктілік айы 1 қыркүйек – «Білім күні» 5 қыркүйек – Қазақстан халқы тілдері күні Қыркүйектің екінші жексенбісі – Отбасы күні Қыркүйектің үшінші жексенбісі – Аналар күні Қыркүйектің соңғы жексенбісі – Еңбек күні
І тоқсан 1-апта дәйексөзі: «Жанұям – қорғаным, ата-анам – тірегім!»
№	Тәрбие құндылықтары бойынша іс-шара тақырыптары	Аяқтау нысаны	Жауаптылар	Орындау мерзімі
1	«Отбасындағы сыйластық» Қауіпсіздік сабағы (10 минут) «Қазақстандағы сенім телефондарымен жедел қызметтердің номерлері» / «Жол қозғалысы ережелері (қайталау). ЖЖЕ №1	Сынып сағаты	Сынып жетекшісі	04.09.2025ж.
2	«Буллингтен қорған!» Қауіпсіздік сабағы (10 минут) «Көшедегі қауіпті нысандардан қалай аулақ болуға болады?» (Фонтан)	Сынып сағаты видеоролик	Сынып жетекшісі	11.09.2025ж.
3	«Еңбегі адал жас өрен» жобасы «Еңбек түбі - береке» Қауіпсіздік сабағы (10 минут) «Интернетте жеке деректеріңізді қалай қорғануға болады?»	Сынып сағаты	Сынып жетекшісі	18.09.2025ж.
4	1 қазан – Халықаралық қарттар күні «Қарияларға құрмет — ұрпақ парызы» Қауіпсіздік сабағы (10 минут) «Кибербуллинг: нені білу маңызды және одан қалай қорғануға болады?	Сынып сағаты	Сынып жетекшісі	25.09.2025ж.
Қазан айы – тәуелсіздік және отаншылдық 1 қазан – Халықаралық қарттар күні 5 қазан – Мұғалімдер күні 24 қазан – Кітапханашылар күні 25 қазан – Республика күні
5	«Ұстазға құрмет – ұрпаққа өнеге» Қауіпсіздік сабағы (10 минут) «Менің компьютерімде вирус бар. Не істеу керек?»	Сынып сағаты	Сынып жетекшісі	2.10.2025ж.
6	Қазақтың ұлы ақыны, ағартушы, саяси қайраткер Абай (Ибраһим) Құнанбаевтың туғанына 180 жыл Қауіпсіздік сабағы (10 минут) «Неліктен ата- анаңмен өз тәжірибеңмен бөлісу маңызды?» / «Көлік құралдарының қозғалысы. ЖЖЕ №2	Челлендж	Сынып жетекшісі	9.10.2025ж.
7	«Цифрлық әлемде қауіпсіз қадам» Қауіпсіздік сабағы (10 минут) № 7-САБАҚ 6 – сыныптар: «Бассейндегі немесе судағы жарақаттар мен кездейсоқ оқиғаларды қалай болдырмауға болады?»	Сынып сағаты	Сынып жетекшісі	16.10.2025ж.
8	«Еңбегі адал жас өрен» жобасы «Ұлттық мереке 25 қазан – «Республика күні» «Қазақстан – ортақ үйіміз» Қауіпсіздік сабағы (10 минут) «Бассейндегі немесе судағы жарақаттар мен кездейсоқ оқиғаларды қалай болдырмауға болады?»	Сынып сағаты	Сынып жетекшісі	24.10.2025ж.
КҮЗГІ ДЕМАЛЫС 27.10-31.10.25ж.
ІІ тоқсан Қараша – әділдік және жауапкершілік айы 15 қараша – «Ұлттық валюта» теңге күні 16 қараша – Халықаралық толеранттылық күні
9	«Еңбегі адал жас өрен» жобасы «Адал азамат – Адал еңбек – Адал табыс» Қауіпсіздік сабағы (10 минут) «Мұз үстіндегі қауіптер»	Сынып сағаты	Сынып жетекшісі	06.11.2025ж.
10	15 қараша – Ұлттық валюта – теңге күні «Ұлттық валюта-теңге» Қауіпсіздік сабағы (10 минут) «Көмекке шақырудың халықаралық белгілері»	Сынып сағаты	Сынып жетекшісі	13.11.2025ж.
11	«Сенімділік-сәттіліктің кепілі» (Буллингтен қорған!) Қауіпсіздік сабағы (10 минут) «Жасанды интеллект: зияны мен пайдасы» / «Көлік құралдарының аялдау жолы» ЖЖЕ№3	Сынып сағаты	Сынып жетекшісі	20.11.2025ж.
12	«Суды, тамақты, энергияны үнемді тұтыну» Қауіпсіздік сабағы (10 минут) «Қазақстандағы сенім телефондарымен жедел қызметтердің номерлері»	Сынып сағаты	Сынып жетекшісі	27.11.2025ж.
Желтоқсан – Бірлік және ынтымақ айы 5 желтоқсан – Дүниежүзілік Еріктілер күні 16 желтоқсан – Қазақстан Республикасының Тәуелсіздік күні
13	«Қамқор» жобасы «Табиғатқа қамқорлық жасаймыз!» акциясы Қауіпсіздік сабағы (10 минут) «Көшедегі қауіпті нысандардан қалай аулақ болуға болады?» (Фонтан)	Сынып сағаты Мектептегі/сыныптағы тазалықты қолдау акциясы	Сынып жетекшісі	04.12.2025ж.
14	«Халық қаһарманы, жазушы Бауыржан Момышұлының туғанына 115 жыл Қауіпсіздік сабағы (10 минут) «Интернетте жеке деректеріңізді қалай қорғауға болады?»	Сынып сағаты	Сынып жетекшісі	11.12.2025ж.
15	«Тәуелсіздік – теңдесі жоқ байлығым» Қауіпсіздік сабағы (10 минут) «Кибербуллинг: нені білу маңызды және одан қалай қорғануға болады?» / «Оқушылардың жол-көлік оқиғағасы кезінде өзін-өздері ұстаулары» ЖЖЕ №4	Сынып сағаты	Сынып жетекшісі	18.12.2025ж.
16	«Жаңа жылдық тарту» Қауіпсіздік сабағы (10 минут) «Менің компьютерімде вирус бар. Не істеу керек?»	Сынып сағаты	Сынып жетекшісі	25.12.2025ж.
ҚЫСҚЫ ДЕМАЛЫС 29.12-7.01.2026
ІІІ тоқсан Қаңтар – заң және тәртіп айы 1 қаңтар – Жаңа жыл
17	«Біз – сыбайлас жемқорлыққа қарсымыз!» Қауіпсіздік сабағы (10 минут) «Неліктен ата-анаңмен өзіңді мазалаған ойлармен бөлісу маңызды?»	Сынып сағаты (адалдық сағаты)	Сынып жетекшісі	8.01.2026ж.
18	«Қорқыныш сезімі- дос па әлде жау ма?»(Буллингтен қорған!) Қауіпсіздік сабағы (10 минут) «Бассейндегі немесе судағы жарақаттар мен кездейсоқ оқиғаларды қалай болдырмауға болады?»	Сынып сағаты	Сынып жетекшісі	15.01.2026ж.
19	«Өз құқығыңды білесің бе?» Қауіпсіздік сабағы (10 минут) «Мұз үстіндегі қауіптер» / «Әртүрлі жарақат алғанда алғашқы медициналық көмек көрсету» ЖЖЕ №5	Сынып сағаты	Сынып жетекшісі	22.01.2026ж.
Ақпан – жасампаздық және жаңашылдық 14 ақпан – Халықаралық кітап сыйлау күні Ақпанның бірінші сейсенбісі – Дүниежүзілік қауіпсіз интернет күні
20	«Smart bala» жобасы «4 ақпан - Дүниежүзілік қауіпсіз интернет күні» «Цифрлық әлемде қауіпсіз қадам» Қауіпсіздік сабағы (10 минут) «Көмекке шақырудың халықаралық белгілері»	Сынып сағаты	Сынып жетекшісі	29.01.2026ж.
21	«Қазақ поэзиясының алыбы, ақын, ұлы жыршы Жамбыл Жабаевтың туғанына 180 жыл Қауіпсіздік сабағы (10 минут) «Жасанды интеллект: зияны мен пайдасы»	Сынып сағаты	Сынып жетекшісі	05.02.2026ж.
22	«Лудомания» Қауіпсіздік сабағы (10 минут) «Қазақстандағы сенім телефондарымен жедел қызметтердің номерлері» / «Жарақаттанғанда, жаралап алғанда және жазатайым жағдайларда көрсетілетін алғашқы медициналық көмек. Зардап шегіп, ес-түссіз жатқандарға алғашқы медициналық көмек көрсетудің ерекшеліктері» ЖЖЕ №6	Сынып сағаты	Сынып жетекшісі	12.02.2026ж.
23	«Мектеп мүлкіне жанашырлық – мәдениеттіліктің белгісі» (оқушының мектептегі міндеті мен құқықтары) Қауіпсіздік сабағы (10 минут) «Көшедегі қауіпті нысандардан қалай аулақ болуға болады?» (Фонтан)	Сынып сағаты	Сынып жетекшісі	19.02.2026ж.
Наурыз – тәуелсіздік және отаншылдық айы 1 наурыз – Алғыс айту күні 8 наурыз – Халықаралық әйелдер күні 21, 22, 23 наурыз – Наурыз мерекесі 30 наурыз – Дүниежүзілік Жер күні
24	«Алғыс – ізгі ниет» Қауіпсіздік сабағы (10 минут)«Интернетте жеке деректеріңізді қалай қорғауға болады?/ Ата-аналарды педагогикалық қолдау орталығы. «Ананың аялы алақаны» челленджі Қауіпсіздік сабағы (10 минут) «Кибербуллинг: нені білу маңызды және одан қалай қорғануға болады?»	Сынып сағаты челлендж	Сынып жетекшісі	26.02.2026ж.
25	«Балалар кітапханасы» жобасы «Кітап -сарқылмас бұлақ» Қауіпсіздік сабағы (10 минут) «Неліктен ата-анаңмен өзіңді мазалаған ойлармен бөлісу маңызды?»			5.03.26ж.
26	«Наурыз – жыл басы» Қауіпсіздік сабағы (10 минут) «Менің компьютерімде вирус бар. Не істеу керек?» / «Жол қозғалысының қауіпсіздігі» ЖЖЕ№7	Сынып сағаты	Сынып жетекшісі	12.03.2026ж.
КӨКТЕМГІ ДЕМАЛЫС 19-29.03.25ж.
IV тоқсан Сәуір – еңбекқорлық және кәсіби біліктілік айы 2 сәуір – Халықаралық балалар кітабы күні 7 сәуір – Дүниежүзілік денсаулық күні 12 сәуір – Ғылым күні 15 сәуір – Халықаралық мәдениет күні 18 сәуір – Халықаралық ескерткіштер мен тарихи орындарды қорғау күні 23 сәуір – Ұлттық кітап күні

27	7 сәуір – Дүниежүзілік денсаулық күні «Өмірге салауатты қадам» Қауіпсіздік сабағы (10 минут) «Бассейндегі немесе судағы жарақаттармен жазатайым оқиғаларды қалай болдырмауға болады? /«Жол қозғалысының қауіпсіздігі» ЖЖЕ №7	Сынып сағаты	Сынып жетекшісі	02.04.2026ж.
28	12 сәуір – Ғарышкерлер күні «Байқоңырдан басталған сапар» Қауіпсіздік сабағы (10 минут) «Мұз үстіндегі қауіптер» / «Қозғалыстың жас инспекторлары – ҚЖИ» ЖЖЕ №8	Сынып сағаты	Сынып жетекшісі	9.04.2026ж.
29	«Бүгінгі еңбек – ертеңгі жетістік» Қауіпсіздік сабағы (10 минут) «Көмекке шақырудың халықаралық белгілері»	Сынып сағаты	Сынып жетекшісі	16.04.2026ж.
30	«Қазақстан – көп ұлтты ел» Қауіпсіздік сабағы (10 минут) «Жасанды интеллект: зияны мен пайдасы»	Сынып сағаты	Сынып жетекшісі	23.04.2026ж.
Мамыр – бірлік және ынтымақ айы 1 мамыр – Қазақстан халықтарының бірлігі күні 7 мамыр – Отан қорғаушылар күні 9 мамыр – Ұлы Отан соғысының Жеңіс күні 15 мамыр – Халықаралық отбасы күні 18 мамыр – Халықаралық мұражайлар күні 31 мамыр – Саяси қуғын-сүргін құрбандарын еске алу күні
31	«7 мамыр – Отан қорғаушылар күні» «Ұранды ердің – ұрпағы қайсар» Қауіпсіздік сабағы (10 минут) «Қазақстандағы сенім телефондарымен жедел қызметтердің номерлері» / «Жол қозғалысына қатысушылардың құқықтары, міндеттері және жауапкершілігі» ЖЖЕ№9	Сынып сағаты	Сынып жетекшісі	30.04.2026ж.
32	«Отбасы – бақыт мекені» Қауіпсіздік сабағы (10 минут) «Көшедегі қауіпті нысандардан қалай аулақ болуға болады?» (Фонтан)	Сынып сағаты	Сынып жетекшісі	7.05.2026ж.
33	«Буллингтен қорған!» Қауіпсіздік сабағы (10 минут) «Интернетте жеке деректеріңізді қалай қорғауға болады?»	Сынып сағаты	Сынып жетекшісі	14.05.2026ж.
34	«Білімім – Отаныма!» Қауіпсіздік сабағы (10 минут) «Кибербуллинг: нені білу маңызды және одан қалай қорғануға болады?» / «Жүргіншілерге арналған жол қозғалысы ережелері. Жол «қақпандары» ЖЖЕ №10	Сынып сағаты	Сынып жетекшісі	21.05.2026ж.

Сыныптан тыс іс-шара

№	Тәрбие құндылықтары бойынша іс-шара тақырыптары	Аяқтау нысаны	Жауаптылар	Орындау мерзімі
1	«Көпшіліктің арасында»	ДосболLike	Сынып жетекшісі	1 тоқсан
2	Эрудит	Каникул кезіндегі	Сынып жетекшісі	1 тоқсан
3	«Тиімді қарым-қатынас дағдылары»	ДосболLike	Сынып жетекшісі	2 тоқсан
4	Пайдалы дағдылар	Каникул кезіндегі	Сынып жетекшісі	2 тоқсан
5	«Жасөспірімдер ортасындағы диджитал»	ДосболLike	Сынып жетекшісі	3 тоқсан
6	Киноtime	Каникул кезіндегі	Сынып жетекшісі	3 тоқсан
7	«Позитивті қарым-қатынас күші» ДосболLike	ДосболLike	Сынып жетекшісі	4 тоқсан
8	Көңілді старттар (ұлттық ойындар)	Каникул кезіндегі	Сынып жетекшісі	4 тоқсан

№	Тәрбие құндылықтары бойынша іс-шара тақырыптары	Аяқтау нысаны	Жауаптылар	Орындау мерзімі
1	«Адалдық – асыл қасиет» (тәрбиелік әңгіме, бейнеролик көру, пікірталас)	Сынып тыс іс-шара	Сынып жетекшісі	1 тоқсан
2	«Ар-намыс – адамның айнасы» (пікірталас-сайыс)	Сынып тыс іс-шара	Сынып жетекшісі	1 тоқсан
3	«Адал бол – өмірің шуақты болсын» (тәрбиелік сағат, эссе жазу)	Сынып тыс іс-шара	Сынып жетекшісі	2 тоқсан
4	«Кітаптағы адал кейіпкер»	Сынып тыс іс-шара	Сынып жетекшісі	2 тоқсан
5	«Оқыған озады» (интеллектуалды ойын)	Сынып тыс іс-шара	Сынып жетекшісі	3 тоқсан
6	«Жаңа технология – жаңа мүмкіндіктер»	Сынып тыс іс-шара	Сынып жетекшісі	3 тоқсан
7	«Жер – біздің ортақ үйіміз»	Сынып тыс іс-шара	Сынып жетекшісі	4 тоқсан
8	«Зиянды әдеттерден сақтан!»	Сынып тыс іс-шара	Сынып жетекшісі	4 тоқсан

Жүктеу

Бөлісу

ЖИ арқылы жасау

Файл форматы:

docx

Барлық пәндер Тәрбие сағаты 6 сынып

09.10.2025

Жүктеу

ЖИ арқылы жасау

Жариялаған:

Файзуллина Тараза Қаныбекқызы

Бұл материалды қолданушы жариялаған. Ustaz Tilegi ақпаратты жеткізуші ғана болып табылады. Жарияланған материалдың мазмұны мен авторлық құқық толықтай автордың жауапкершілігінде. Егер материал авторлық құқықты бұзады немесе сайттан алынуы тиіс деп есептесеңіз,
шағым қалдыра аласыз

«7 мамыр – Отан қорғаушылар күні»

«Ұранды ердің – ұрпағы қайсар»

Тәрбие жоспары 6 сыныпқа арналған

Тәрбие жоспары 6 сыныпқа арналған

«7 мамыр – Отан қорғаушылар күні»

«Ұранды ердің – ұрпағы қайсар»

Химия пәні

Тарих пәні

Биология пәні

Ағылшын тілі пәні

География пәні

Информатика пәні

Мектепке дейінгі білім беру

«Қазақ тілі» жəне «Қазақ əдебиеті»

Дене шынықтыру

Білім алушылардың білім сапасын арттыру

Инклюзивті білім беру