Ж.Ағаділов атындағы жалпы бастауыш білім беру мектебі

22 қыркүйек – Қазақстан халқының Тілдер мерекесі.

Тәрбие сағаты: «Өзге тілдің бәрін біл, өз тіліңді құрметте.»

Мұғалім: Мыкраева Арай.

26.09.2018 жыл

Тәрбие сағаты: «Өзге тілдің бәрін біл, өз тіліңді құрметте».

Тәрбие сағатының мақсаты: Оқушылардың ана тіліне деген сүйіспеншілігін арттыру, өз тілдерін құрметтеуге және өзге тілдерді де білуге талпынуға тәрбиелеу;өз ана тілінің қадір – қасиетін, сөз құдіретін түсініп, оның адам өміріндегі маңызын ұғуға үйрету; мақал – мәтелдер арқылы студенттердің тіл көркемдігін, байлығын, дүниетанымын, ой – дамыту.

Көрнекілігі: Нақыл сөздер, керекті дидактикалық материалдар.

Сабақтың түрі: Сайыс сабақ.

Сабақтың барысы: I. Ұ/к.Оқушылар келген қонақтармен амандасады.

Амансыздар ма, ата – аналар!

Амансыңдар ма, оқушылар!

Сәлем көрші, сәлемімді қабыл алшы.

Жабырқамай күлімдеші,

Тамаша күн бүгін деші.

Мұғалімнің кіріспе сөзі: Қайырлы күн, ана тілін ардақ тұтар тіл жанашырлары!

Қазақстан Республикасының «Тілдер күніне» арналған «Өз тіліңді құрметте!» әдеби – сазды мерекелік бағдарламасына қош келдіңіздер! 1989 жылдың 22-қыркүйегінде Қазақ ССР-ында «Тілдер туралы» заң қабылданып, қазақ тілі «Мемлекеттік тіл» мәртебесіне ие болды. 1993 жылдың 28-қаңтар күні Қазақстан Республикасының Конституциясы қабылданды. Онда «Қазақ тілі – Қазақстан Республикасының мемлекеттік тілі» болып бекітілді.

I кезең. «Бәрін білгім келеді».

Сұрақтар:

• «Жусан иісі» әңгімесінің авторы кім? Оның басты кейіпкерін ата. (С.Мұратбеков. Аян) ( 50 ұпай)

• «Қарлығаш әулие» атанған шешен кім? (Төле би) ( 40 ұпай)

• ҚР қай жылы өз Тәуелсіздігін алды? (1991 жылы 16 желтоқсанда) ( 30 Ұпай)

• Дауыссыз дыбыстар нешеге бөлінеді? ( 20 ұпай)

• Кітап сөзінде неше буын бар? ( 10 ұпай)

• Үш биді ата. (5 ұпай)

• «Үш бәйтерек» аталған қайраткерлер кімдер? ( 50 ұпай)

• «Әнұран» авторы кімдер? ( 40 ұпай)

• Үш күйде болатын зат – ол не? ( 30 Ұпай)

• «Әй дейтін әже жоқ, ....» ( 20 ұпай)

• Үшкір заттарды ата (ине, біз, пышақ, қайшы т.б.) ( 10 ұпай)

• Жылқының төлін ата. . (5 ұпай)

II кезең. «Тіл өнер» Өлең шумақтарынан жыр төгейік.

Мағжан: Тілімді арымдай сақтаймын,

Ділімді тексіз боп шашпаймын,

Құқымның пәктігін дәлелдеп,

Ұлтымның бай тілін жаттаймын.

Ана тілім – жүрегісің, анамның,

Жүрек ана, мен өзіңнен таралдым,

Сағат сайын саулығыңды тілеймін,

Сенсіз маған керегі жоқ ғаламның.

Аружан:

Ана тілім – шежірем, өсиетім,

Аз ба, көп пе, білмеймін, қасіретің.

Ата – баба түгілі кейінгілер,

Анасының білмейді қасиетін.

Туған жері – түп қазығы, айбыны,

Туған тілім – сатылмайтын байлығы.

Туған дәстүр салт-санасы тірегі,

Қадамына шуақ шашар үнемі.

Мерей:

Тілім менің – тірегім, дінім менің,

Тілсіз қандай болады күнім менің?

Өз халқыма жетеді өз мәнінде,

Өз тілімде оқылса жырым менің.

Айдос:

Қазақ тілім өз тілім, дана тілім,

Абай, Мұхтар сөйлеген дана тілім,

Қастерлейді ұл қызың мәңгі сені,

Болашағым, бақытым, дара тілім.

Малика:

Сүйемін туған тілді – анам тілін,

Бесікте жатқанымда-ақ берген білім.

Шыр етіп жерге түскен минутымнан,

Құлағыма сіңірген таныс үнін.

Қуандық:

Ана тілің – арың бұл, Ұятың боп тұр бетте,

Өзге тілдің бәрін біл, Өз тіліңді құрметте.

Мұғалім:

Ана тілі бой өсіреді. Адамға ақыл беретін ата – ана, ұстаз, досы екенін ұмытпаңдар. Ата – ана ақылын баласы мен қызына айтады, ұстаз шәкіртіне айтады. Жақсы ақыл адамды тез есейтеді. Адамға ақыл беретін – адал дос. Адал дос - ақылшың, ақылшы дос – жақының. Досы көптің табысы көп, табысы көптің жақыны көп. Достықтың көзі ақылдан басталады.

III кезең. «Тілімізді құрметтейік» Шығарма жазу сайысы.

IV кезең. «Қажетті әріптер» дидактикалық ойыны.

V кезең.. «Аяқталмаған жұмбақтар».

VI кезең. «Кубизм стратегиясы» бойынша оқушылардың тіл байлығына арналған тапсырмалар.

VII кезең. Мәнерлеп оқу сайысы.

VIII кезең. «Шашылған әріптерден сөз құрау».

IX «Ой толғаныс» кезеңі.

X кезең. Қорытынды. «Тілден асқан асқар жоқ, Тілден асқан байлық жоқ, Тілден асқан теңіз жоқ» дей отырып, біз бүгінгі сабағымызды қорытындылаймыз. Қазақ тілі – Қазақстан мәртебесі, мақтанышы. Тіліміз мемлекеттік мәртебеге ие болды. Енді осы ана тіліміздің өрісін кеңейту, қолданыс аясын барынша ұлғайту – біздің міндетіміз.