Сынып сағаты

№ 11

Сынып жетекші:

Күні:

17.11.2025

Сынып: 7

Қатысқаны: Қатыспағаны:

Сабақтың тақырыбы:

«Буллингтен қорған!» /ДосболLIKE

Қауіпсіздік сабағы (10 минут)

№ 11-САБАҚ

Жедел жәрдем нөмірлері және сенім телефондары

Сынып сағатының мақсаты:

• Оқушыларға буллингтің не екенін түсіндіру

• Буллингтің түрлері мен оның әсерлерін талқылау

• Буллингтен қорғану жолдарын үйрету

Қауіпсіздік сабағының мақсаты:

•Оқушыларға жедел жәрдем қызметі мен сенім телефондарының маңызын түсіндіру.

•Төтенше жағдайда жедел жәрдем шақыру ережелерін үйрету.

•Оқушыларға психологиялық және әлеуметтік көмек көрсететін сенім телефондары туралы ақпарат беру.

Қауіпсіздік сабағының міндеті:

Оқушыларға жедел жәрдем қызметі мен сенім телефондарының маңызын түсіндіріп және төтенше жағдайда жедел жәрдем шақыру ережелерін үйрету.

Құндылықтарды дарыту:

Әділдік пен жауапкершілік: қоғамға қызмет ету,шындықты айту,достыққа адал болу,жақсылық пен жамандықты, әділдік және әділетсіздікті ажырата білу,өз міндеттеріне жауапкершілікпен қарау,заттар мен мүлікті ұқыпты ұстау.

Апта дәйексөзі:

«Жауапкершілікті сезіну -үлкен азаматтық қасиет»

Сабақтың кезеңі/ уақыт

Педагогтың әрекеті

Оқушының әрекеті

Ресурстар

Сынып сағатының басы:

10 мин

ҚР Мемлекеттік Әнұраны орындалады

Армысыздар, қымбатты оқушылар! Сіздерді көргеніме қуаныштымын!

Барлықтарыңыздың жүздеріңізден күлімсіреу көрініп тұр! Керемет!

Оқушылар әнұран орындайды.

Жұдырық түйістіру арқылы бір-біріне еңбек туралы жақсы тілек айтады.

Көңілді әуен

Сынып сағатының ортасы

15

Қызығушылықты ояту

«Буллинг» сөзімен таныстыру (бейнеролик немесе мысалдар арқылы)

Оқушыларға «Буллинг дегеніміз не?» деген сұрақ қою

Негізгі бөлім

1. Буллинг түрлері:

Физикалық (ұрту, итеру, заттарды бүлдіру)

Вербалды (қорлау, келемеждеу, жаман сөз айту)

Кибербуллинг (әлеуметтік желідегі қорқыту, мазақтау)

2. Буллингтің әсері:

Психологиялық (үрей, сенімсіздік, жалғыздық)

Академиялық (оқу үлгерімінің төмендеуі)

Әлеуметтік (достардан алыстау)

3. Буллингтен қорғану жолдары:

Өзіңді сенімді ұстау

Көмек сұрау (ата-ана, мұғалім, достар)

Агрессиясыз жауап беру

Достық атмосфераны қалыптастыру

Топтық жұмыс

1-топ: Жағдайды талдау

Тапсырма:

— Буллингтің (қорлау, мазақ ету, дөрекілік) қандай түрлері барын анықтаңыз.

— Оқушы қандай белгілер арқылы буллингке ұшырағанын түсінуге болады?

— 2–3 қысқа өмірлік жағдай мысалын құрастырыңыз.

2-топ: Буллингке тап болғанда не істеу керек?

Тапсырма:

Төмендегі сұрақтарға жауап беріп, нақты қадамдар жоспарын жасау:

1. Қорлаушыдан алыстау немесе жағдайдан шығудың қандай жолдары бар?

2. Қорықпай айту – кімге айту керек?

ата-аналар

мұғалім, куратор

мектеп психологы

сенім телефондары

3. Өзін қалай қорғау керек (агрессиясыз, қауіпсіз тәсілдер)?

4. Қай кезде ересектерге міндетті түрде айту керек?

3-топ: Куәгерлер не істеуі керек?

Тапсырма:

— Егер сен буллингті көрсең, көмек көрсетудің қандай тәсілдері бар?

— «Куәгер» және «көмектесуші куәгер» рөлін салыстыру.

— Қауіпсіз араласу жолдарын ұсыныңыз

4-топ: Эмоциялық қолдау

Тапсырма:

— Буллингтен зардап шеккен оқушыға моральдық, психологиялық қолдаудың қандай түрлерін ұсынуға болады?

— «Қандай сөздер айтуға болады, қандайларын айтуға болмайды?» тізімін жасаңыз.

— Стресті азайтатын 3 әдісті ұсыныңыз (демалу жаттығулары, жақынмен сөйлесу, хобби т.б.).

5-топ: Шешім ұсыну және алдын алу

Тапсырма:

— Мектепте/топта буллингтің алдын алатын орта қалыптастыру үшін не істеуге болады?

— Ережелер тізімін құрыңыз: “Қауіпсіз сынып/топ кодексі”.

— 1 шағын постер немесе ұран ойлап табыңыз.

Бейнеролик көреді.

Оқушылардың пікірлерін тыңдау

Оқушылар тапсырмаларды орындайды

Әр топ өз жұмыстарын қорғайды.

Слайд, плакаттар, маркер, стикер, интерактивті тақта.

Тақырыптық слайдтар мен суреттер.

Презентация немесе бейнеролик

Қауіпсіздік сабағы

10 мин

Сабақтың тақырыбы мен мақсатын таныстыру

I. Кіріспе бөлім

"Жедел жәрдем қызметі дегеніміз не?"

"Сенім телефоны не үшін қажет?"

2. Миға шабуыл:

"Өзің немесе жақының сырқаттанып қалса, не істер едің?"

"Қандай жағдайда сенім телефонына хабарласуға болады?"

Негізгі бөлім

1. Теориялық бөлім :

Жедел жәрдем нөмірлері:

103 – Жедел жәрдем

112– Бірыңғай төтенше жағдайлар қызметі

Жедел жәрдем шақыру ережелері:

1. Өзіңді таныстыру.

2. Ауру немесе жарақат алған адамның жағдайын сипаттау.

3. Орналасқан жеріңді нақты айту.

4. Диспетчердің сұрақтарына нақты жауап беру.

Сенім телефондары:

150 – Балалар мен жасөспірімдерге арналған сенім телефоны

111 – Ұлттық сенім телефоны (қорғау және көмек көрсету қызметі)

1406 – Психологиялық көмек көрсету орталығы

Сенім телефонына хабарласу себептері (қиын жағдайлар, психологиялық қысым, отбасылық мәселелер және т.б.).

Барлық қоңыраулар құпия сақталатынын және тегін екенін түсіндіру.

2. Практикалық бөлім :

"Қайда хабарласу керек?" ойыны:

Мұғалім түрлі төтенше жағдайларды сипаттайды, оқушылар дұрыс қызметті анықтайды.

Рөлдік ойын:

Бір оқушы диспетчер, екіншісі көмек сұраушы болып, телефон арқылы дұрыс хабарласу жаттығуын жасайды.

Топтық жұмыс:

Әр топқа әртүрлі жағдай беріледі, олар мәселені қалай шешу керектігін талқылайды.

Қорытынды бөлім

Сабақтың негізгі ойларын қорытындылау.

"Есте сақта!" – жедел жәрдем және сенім телефондарының нөмірлерін қайталау.

Оқушылардың тыңдау.

Сұрақтарға жауап береді

Оқушылар олардың мағынасын анықтап, не үшін қажет екенін түсіндіреді.

Әр оқушы шешімдерін қорғап, түсіндіреді.

Оқушылар сұрақтарға жауап береді

Презентация

Тақырыптық слайдтар.

Тақырыптық бейнероликтер.

Сабақтың соңы

Оқушылар біз бүгін сіздермен қоғамдасғы өте өзекті екі тақырыппен таныстық, ой бөлісіп, пікір алмастық. Бүгінгі сынып сағатынан алған білімдеріңіз өмірлік азық болады деп тілеймін

Рефлексия:

«Бүгін не үйрендім?»

«Қай ой мені толғандырды?»

Барлығы бүгінгі сабақта алған әсерлерімен бөліседі.