Тәрбие сағат "Жүректен маржан іздеген" Шерхан оқуы

Тақырыбы: «Жүректен маржан іздеген»

Мақсаты: «Жүректен маржан іздеген » атты мәнерлеп оқу сайысы арқылы Қоғам қайраткері, Халық жазушысы Шерхан Мұртазаның мол мұрасын  насихаттау. Оқушының бойына ақыл мен парасатты, сөз құдіреті мен көркем сөздің мәйегін сіңіру. Қанымызда бар шешен де тауып шебер сөйлеу мәдениетін ұрпақ бойынан көру. Ұлыларымызды құрметтеу, сол арқылы оқушы бойына мақтаныш сезімін тудыру, даналардың даралығын бағалау, қастерлей білуге баулу.

Сайыстың барысы:

Қазақ биі

(фанфар,жәй музыка,жүргізушілер шығады)
1­жүргізуші:

Қабырғасын қайыстырып ұлтымның

Сансыз жүрек алмағандай бір тыным.

Шынымен-ақ озғаны ма өмірден,

Қара нары қаламгері жұртымның

2­жүргізуші:

Шыңға біткен шынар едің Шераға,

Тарихымды түгендедің ер-аға

Билік пенен бұқараны бағалап,

Бола білдің басылымға төраға.

1­жүргізуші:

...Қайран Шераға!Әй,дүние-ай!Бар қазақтың ар-намысы болып жаратылған ұлы адам дүниеден өтті.Ұлылардың көші кетіп барады.Шерағаң қандай екенін,оның бағасын туған халқы беріп қойған.Халқына адал қызмет етудің ұлы үлгісін көрсеткен Шерағаң бәрімізге де қымбат адам.

2­жүргізуші:

Құрметті ұстаздар, қонақтар және Шерағаның өлеңін жан­тәнімен, ыстық 
жүректерімен сүйетін сайысқа қатысушылар! Бүгін ерекше күн. Себебі, қазақ әдебиетінде аса көрнекті жазушы,публицист ,қалың қазақ жұртының арқа сүйер ардагері,атпал азамат,қайсар тұлға Шерхан Мұртазаның жырлары оқылады. Олай болса, мектепішілік Шерхан мұртазаның «Жүректен маржан іздеген »
оқуларына қош келдіңіздер!
1­жүргізуші:

Ақиқатты қадап айттың жасқанбай,

Қызыл отты табаныңмен басқанбай.

Шындық үшін шырылдадың мінберден,

Жүре білдің мансабыңмен мастанбай.

2­жүргізуші:

Ия, халқына ерекше әділдігімен,айрықша ұстамдылығымен,білгірлігімен Шераға,қандай қызметте болсын,талапшылдығымен,озық ойлы іскерлігімен ұжымын алға сүйреген қайсар азамат.Жазушы журналист ретінде ғана емес,қоғам қайраткері ретінде де еліміздің дамуына зор үлес қосты.

Ендеше Шерхан Мұртазаның қайталанбас ерліктері жайлы баяндаманы Алпысбай Жанеркенің орындауында қабыл алыңыздар.

(баяндама оқылады)

1­жүргізуші:

Мінез кетті,

Мінез кетіп мін қалды,

Айтылмаған ақиқат пен сын қалды.

Күңіреніп күрең күзгі күн қалды,

Жұлдыз сөніп,ай тұтылған күн қалды.

2­жүргізуші:

Бүгінгі күн,

"Қызыл жебе" сынған күн,

Өкініштің көз жасына тұнған күн.

"Ай мен Айша" басу айтып Қазаққа,

Шерхан ағам екінші рет -туған күн!

1­жүргізуші:

"Ана тіліміздің мәртебесін көтеру-басқа тілдердің жолын кесіп,бағын байлау емес. "Өзің өлме-өзгені де өлтірме" деген сөз.Зорлықпен тұншықтырылған қазақ тілін тірілту әрекеті.Осы да ұлтшылдық па?Жоқ, әлде әлдекімдердің көңіліне қарап өле беру керек пе?" делінген Шерағаның нақыл сөздерінің бірінде.

2­жүргізуші:

Ия, бойымызға ақыл мен парасатты, сөз құдіреті мен көркем сөздің мәйегін сіңіре білу, Қанымызда бар шешен де шебер сөйлеу мәдениетін бойымыздан көру, Ұлыларымызды құрметтеу, сол арқылы бойымызда  мақтаныш сезімін тудыру, даналардың даралығын бағалау, қастерлей білу, өлеңді жан­тәнімен, ыстық 
жүректерімен сүйетін сіздер мен біздердің міндетіміз

1­жүргізуші:

Олай болса,сайысқа төрелік ететін әділқазылар алқасымен таныс болыңыздар.

1. Мектеп-гимназиямыздың директоры Естаева Азиза Тоқсабайқызы

2. Қазақ тілі пәнінің мұғалімі Устаева Роза Усеновна

3. Мектеп-гимназияның оқу-әдістемелік жөніндегі директордың орынбасары Қосахова Роза Қапалбековна

2­жүргізуші:

Жүректен өлең төгіп, қосқан жырға,
Тұлпардай топтан озған, жүйрік тұлға.
Қошеметтеп, көрермен, қол соғыңдар
Сайысқа қатысушы тұлғаларға,
Енді бүгінгі мектепішілік Шерхан оқуларына сайысқа түскелі келген оқушыларымызды, сөз шеберлерін қошеметпен таныстырып алайық

1. Дауан Ақерке 5 "А" сынып оқушысы

2. Серікқызы Таңшолпан 6 сынып оқушысы

3. Абдижалил Арайлым 6 сынып оқушысы

4. Оразалы Аружан 9 "Ә" сынып оқушысы

5. Абайқызы Ұлжанат 9 "А" сынып оқушысы

6. Мұхамедалиева Наргиза 9 "Б" сынып оқушысы

7. Жумагулова Аяулым 10 сынып оқушысы

8. Смағұл Меруерт 6 сынып оқушысы (арнау)

9. Жамбыбай Шұғыла 6 сынып оқушысы (арнау)

10. Қосахов Ескендір 6 сынып оқушысы (арнау)

11. Советхан Айдос 9 "Ә" сынып оқушысы (арнау)

1жүргізуші: 
Енді сайыс шарттарымен таныс болыңыздар. Сайыс 2 номинация бойынша өтіледі. 
1.«Жүйріктен жүйрік озар жарысқанда» номинациясы ,яғни жас ақындардың Шерхан шығармаларын мәнерлеп оқу байқауы

2. «Жүректен маржан іздеген » номинациясы бойынша, жас ақындардың Шерағаға арналған арнау өлеңдер байқауы

2­жүргізуші: Сайысымызды бастамас бұрын құттықтау сөзін мектебіміздің директоры 
Естаева Азиза Тоқсабайқызына береміз. 
1­жүргізуші: Сонымен сайысымызды бастаймыз. 
2­жүргізуші: Сайыскерлерге сәттілік тілейміз.
1­жүргізуші:

Мен жазбаймын өлеңді ермек үшін,
Жоқ­барды, ертегіні термек үшін.
Көкірегі сезімді, тілі орамды
Жаздым үлгі жастарға бермек үшін,­дей келе, «Жүйріктен жүйрік озар жарысқанда» 
номинациясы бойынша 1-ші сайыскерімізді ортаға шақырамыз.
(сайыскерлерді біртіндеп шақыру)

__________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

1­жүргізуші: Жарайсыңдар,жүйріктің жүйріктері,ендеще келесі номинацияны бастамас бұрын сіздердің құрметтеріңізге арналған ән­шашуды қабыл 
алыңыздар. 

Ән: ______________________________

2жүргізуші:

... Бөріден--
Бөрілінің байрағынан,
Ата жау сескенетін айбарынан!
Жасынның Оты лаулап тұрушы еді,--
Шағылған Күнге Алтын Айдарынан...

1­жүргізуші:

Заманы Арыстардың алыстады,
Жағымыз, қол да тұр ма қарысқалы?
Қараорман қалды бізде күңіреніп,
Қайтейін, жоқ қой, бірақ, Арыстаны?!.-деп,Серік Ақсұңқарұлы Шерағаға арнау айтқан болатын. Ендеше «Жүректен маржан іздеген » деп аталатын, арнау өлеңдер байқауына қатысатын 1-ші сайыскерімізді ортаға шақырамыз.

(сайыскерлерді біртіндеп шақыру)

_______________________________________________________________________________________________________________________________________________________________________________________________________________________________________________________________________________________________________________________________________________________________________________________

2­жүргізуші: Осымен Мектепішілік Шерхан оқулары өз мәресіне де келіп жетті. Сайыс 
жеңімпаздарын әділқазы алқалары анықтап алғанша ______________________________________ орындауындағы керемет әнді қабыл алыңыздар

2жүргізуші: Сөз кезегі әділқазы алқаларында

1­жүргізуші:

Ауыр қайғы қақ жарғандай аспанды,

Жанарлардан ыстық мөлдір жас тамды.

Қарапайым жан едің ғой қашанда,

Көрсетпедің кеуде керіп асқанды.
2­жүргізуші:

Жазылса да естелікпен әніміз,

Бола қоймас бұрынғыдай сәніміз.

Кұндер өтер,айлар өтер, жыл өтер,

Сағынамыз, Шерағаны әлі біз!

Осымен сайысымыз өз мәресіне жетті.Жеңімпаз оқушыларды құттықтай келе,Ш.Мұртазаның жүріп өткен өнегелі өмір жолы жас ұрпаққа үлкен үлгі,дара жол болып қала берсін демекпіз.

1­жүргізуші:

Еліне адал еңбек етіп,ұлтының қам-қарекетін ойлап өмірден өткен Шерағаның ғибратты ғұмырын біздер әрқашан құрмет тұтамыз.

Қош-сау болыңыздар!