Тәрбие сағат "Тәуелсіздік – тірегім"

Тәуелсіздік – тірегім.

Мақсаты: оқушыларды Отан сүйгіштікке, адамгершілікке, еліне, халқына адал қызмет етуге, өз елі мен жерін мақтаныш етуге, елінің рәміздерін қастерлеуге, қадірлеуге, халқының тегін, өткен тарихын білуге тәрбиелеу.

Көрнекілігі: Қазақстан туралы слайдтар.

1 – слайд. Өткен тарихқа шолу. Қазақстан Республикасының картасы.

Әлішер:Қазақ елі аңсаған тәуелсіздігіне 1991 жылдың 16 желтоқсанында қол жеткізді.

Мұғалім: Дұрыс айтасыңдар, тәуелсіздігімізді алғаннан кейін тұңғыш президентіміз Нұрсұлтан Әбішұлы Назарбаев сайланды.

2 – слайд. Президенттің ант беруі.

Назгүл:

Келбетіңнен ізгілік нұр көрінген,

Лебізіңнен ел арманы өрілген.

Сенің арқаң – Қазақстан көркейіп,

Достық әні шарықтайды төрімнен.

3 – слайд. Президенттің туған жері «Үшқоңыр» табиғаты, Ақ Орда көрсетіледі.

«Елім менің» әні орындалады.

Фарида: Тәуелсіздік алғаннан кейін әр мемлекеттің өзіндік ерекше белгілері болады емес пе?

Әлішер:Біздің тәуелсіз еліміз елтаңбасымен еңселі, туымен тұғырлы, әнұранымен айбатты

4 – слайд. Ел рәміздерін, авторларын көрсету.

Дарын:

Әні сөзбен толығып,

Маздар бойда мол үміт.

Намыс, жігер жұптасқан,

Ол – әнұран,

Зор – рух!

Данияр:

Оттай жанып жанарым

Одан қуат аламын

Әнұраны елімнің

Үні, тілі халқымның!

Әділет:

Бейне шулы нұрлы бақ,

Баурар жанды сырлы ырғақ.

Әнұранды мен ылғи

Жүрем іштей ыңылдап.

Фарида:Бегасыл , сен мемлекеттік тудың авторын білесің бе?

Әлішер:Әрине,білемін Шәкен Оңласынұлы Ниязбеков.

Айгерім:

Зеңгір аспан көгілдір,

Алтын күні төрінде.

Тамылжытып төгіп нұр,

Шаттық сыйлар көңілге.

Әділбек:

Көк аспандай көгілдір,

Қазақстан байрағы.

Нұрын күндей төгіп тұр,

Жылдарымыз жайдары.

Сая:

Көк байрақтың бетінде,

Қыран бүркіт қанатты.

Сол қырандай еркіндеп,

Бала өседі талапты.

Мұғалім:

«Таңбасыз ел болмайды,

Найзасыз ер болмайды», - дейді қазақ халқы. Балалар, елтаңбамыздың авторларын білеміз бе?

Фарида:Әрине білеміз.

Әлішер:Шота Аман Уәлиханов.

Нұрқанат:

Алтын қанат көмкерген,

Шаңырақ бар, уық бар.

Әсем бейне сен көрген,

Жай бейне емес, ұғып ал!

Бауыржан:

Сүйсіндірген өзіңді,

Түсіне біл таңбаны.

Аңыздағы ұшқыр, төзімді,

Пырақ – халық арманы.

Қырымбек:

Көгілдір түс аясы –

Бейбіт дала елесі.

Шаңырақ – жұрт панасы,

Уықтар – күн сәулесі.

5 – слайд. Конституция кітабын, «Білім», «Тіл», «Бала құқығы» заңдарын көрсету.

Мұғалім: Қазақстан Республикасының тұңғыш конституциясы 1993 жылы қабылданды. Ал, 1995 жылдың 30 тамызында жаңа конституция қабылданды. Ата заңымыз қайта қаралып, өзгерістер мен толықтырулар енгізілді.

Аружан:

Тәуелсіз, еркін ел бүгін,

Талай жыл күткен теңдігін –

Ата заңым менің!

Санама құйған таң нұрын

Бақытым, бағым, тағдырым –

Ата заңым менің!

Аружан:

Ортақ мекен – жер шары,

Төбемізде бір аспан.

Барлық ұлттың баласы,

Достығымыз жарасқан.

6 – слайд. Төл теңгеміздің шыққанын көрсету.

Мұғалім: Еліміздің құндылықтарының бірі – ұлттық валютамыз – теңге. Ол 1993 жылдың 15 қарашасында бекітілді. 1991 жылы Семей ядролық полигоны жабылды. Қазақстан атом қаруынан бас тартып, басқа елдерге үлгі көрсетті.

7 – слайд. Семей ядролық полигонын көрсету.

8 – слайд. Тәуелсіздік монументін көрсету.

Мұғалім: Балалар, сендер біздің әсем қаламыз Алматының орталық алаңында қандай ескерткіш орнатылғанын білесіңдер ме?

Әлішер: Әрине,білеміз. Ол Тәуелсіздік монументі.

Фарида: Бізге тәуелсіздік сыйлаған, өз өмірін құрбан еткен жастардың құрметіне орнатылған «Тәуелсіздік» ескерткішін барша қазақстандық біледі.

Мұғалім: Тәуелсіздік монументі 1996 жылы желтоқсанда орнатылды.

9 – слайд. Астана қаласы көрсетілді.

Мұғалім: 1998 жылы 6 мамырда Қазақстан астанасы Алатаудан Сарыарқаға қоныс аударып, тоғыз жол торабының тең ортасынан орын алған Астана қаласына ауысты.

Жансая:

Асқақтай бер, Астанам,

Берекеге бастаған.

Болашақтың есігін,

Өз қолыңмен аш маған!

«Астана» әні орындалады.

10 – слайд. Н.Ә.Назарбаевтың стратегия қабылдауы.

Қорыту. (Уықтарды көтереді).

Ботагөз: Туған жерім – түп қазығым айбыным.

Жалғас: Туған тілім – сарқылмайтын байлығым.

Ерқанат: Туған дәстүр, салт- санасы – тірегім,

Қадамыма шуақ шашар үнемі.

Ералы:Ең бірінші бақытым – Халқым менің,

Соған берем ойымның алтын кенін.

Нұрбек: Ал екінші бақытым – Тілім менің

Тас жүректі тіліммен тілімдедім.

Әлішер:

Бақытым бар үшінші – Отан деген,

Кім мықты? – десе біреу,

Отан дер ем!

Фарида: (Шаңырақты көтереді).

Тәуелсіз – Қазақстан,

Шаңырағыңды биік ұстадың.

Көтерді халкың уақыттың қатал қыспағын,

Көшіңді бастап бақытты болашағыңа,

Жасай бер, жаса, Тәуелсіз Қазақстаным!

«Атамекен» әні хормен орындалады.

Қорытынды.