Тәрбие сағаты

Сынып сағаты

Тақырыбы: «Оян ар мен адалдық»

Сынып сағатының тақырыбы: «Оян ар мен адалдық»

Сыныпсағатының мақсаты: оқушыларға адалдық пен әділдік туралы түсінік беру; олардың құндылық ретіндегі мәнін ұғындыру.

Шаттық шеңбері

 Қ.Нақысбековтың  өлеңін мәнерлеп оқу.

Білім мен өнерді сүй, сусуында,                                                           

 Деп айтсын ел: Осындай ер тусында!»

Арың-адал, әділ болсаң әрқашан                                                

Дүниенің бар бақыты уысыңда...                                                                       

Түспегені абзал ғой арға дақтың,                                 

Күйін кешпе түнде ұшар жарғанаттың.                                      

Адал адам әрқашан-еңсесі тік,

Әділдікті ту еткін, қолғанатым.

 АДАЛДЫҚ - адам бойындағы таза ниет, бағалы қасиет, адамның сана-сезімі мен ар-ұжданына қайшы келмейтін әрекеттер.               

“Алдау қоспай, адал еңбегін сатқан, қолы өнерлі -қазақтың әулиесі сол”. 

 Абай. 

Әділдік-шыншылдық;турашылдық, адалдық, дұрыстық.                    

Әділдік — ізгіліктің ірге тасы.

“Кімде-кімнің әділдігі жоқ болса, оның ұяты да жоқ”.              

 Абай.          

                                                  Әңгімелесу

“Ойланайық,пікірлесейік”атты айдарынан берілгенсұрақтарға әңгіме жүргізу.   

1.Адал дос дегенді қалай түсінесіңдер?      

2.Адал болу кез келген адамның қолынан келе ме?Неліктен?               

3.Әділ болу оңай ма?

                                            Жағдаятты талдау

Ажар мен Алмагүл сабақтан келе жатыр еді. Ажар жарнамадан жаңа фильмнің басталғанын көріп:    

-Менің қалтамда апам “самса алып жерсің” деп берген ақша бар. Кеттік, кино көрейік,-деді.     

 Алмагүл:Үйден сұранып шыққан жоқпыз.Іздеп қалады ғой,- деп іркіліп қалды.   

-Ештеңе етпес, “мектепте болдық” деп айта саламыз....    

Ажардың ұсынысына сендер қалай жауап берер едіңдер?

Жүректен жүрекке

    Оқушылар шеңберге тұрып, бір-біріне жүрекжарды тілектерін айтады.

  Оқушыларға “Уақыт“ тренингін интерактивті тақтадан көрсету.

Сыпайы болу үшін біреудің жымиуын күтпеңіз...  

Жақсы көру үшін, біреудің жақсы көргенін күтпеңіз..

Досыңыздың қадірін түсіну үшін, жалғыз қалуды күтпеңіз...

Жұмыс істеуді бастау үшін ең жақсы жұмысты күтпеңіз...

Кішкене бөлісу үшін көп болғанын күтпей-ақ бөлісіңіз...

Ақыл-кеңесті еске түсіру үшін қателесуді күтпеңіз...

Дұға ету үшін қайғы қатерге түсуді  күтпеңіз ...

Көмектесу  үшін реті келуін күтпеңіз...

Кешірім сұрау үшін біреудің жылауын күтпеңіз...

немесе  татуласу үшін керекті жағдайды күтпеңіз…

Күтпеңіз... Өйткені қанша уақыт қалғанын білмейсіз.

№1 Есік

Егер сіз бірінші есікті қаққан болсаңыз, сіз табиғатыңыздан өте шыдамды адамсыз. Өзгелердің жағдайын өте жақсы түсінесіз. Және жаныңызға жақын адамдардың басына түскен қиындық сізді бей-жай қалдырмайды. Сіз де бос уақыт деген болмайды. Бола қалған күннің өзінде де сізден көмек сұрап келген адамның шаруасын шешуге бос уақытыңыздың барлығын арнайсыз. Айналаңызда болып жатқан оқиғалардың ешбірі сіздің қатысуыңызсыз өтпейды. Бір сөзбен айтқанда сіз өзіңіз үшін емес, өзгелер үшін жаратылған жансыз. Сіздің жүрегіңіз нәзік, болмысыңыз ерек. Мінезіңіз ашық, жарқын көңіліңізбен адамдарды тез баурап алатын күшке иесіз. Бәлкім, бір сәтке болса да өзіңізге көңіл бөлерсіз? Сізге айтар кеңесіміз, бір күніңізді өзіңізге арнаңыз. Саяхаттаңыз, тынығыңыз, кітап оқыңыз, жақсы фильм көріңіз.

№2 Есік

Екінші есікті ашқан болсаңыз, сіз қарапайым адам емессіз. Бойыңызда шығармашылық дарын бар. Айналадағы болып жақтан оқиғалардың барлығы сізді бей-жай қалдырмайды. Тіпті болмашы өзгерістің өзі сізге ерекше шабыт сыйлайды. Сіздің ерекше дарыныңыз бен көп қырлы қабілетіңізге өзгелер қызғанышпен қарайды. Тіпті олардың қатарында достарыңыз да бар. Сәнді киінесіз, соңғы сән үлгісіндегі киімдерді үйлестіре білесіз. Шығармашылықтан бөлек әртістік қабілетіңіз болғандықтан, айналадағы адамдарға ерекше әсер қалдырасыз. Сізді оңай ұмыта салу қиын. Егер қазіргі мамандығыңыз театр, кино, шығармашылық саласына қатысты болмаса, ойланып көрерсіз. Өйткені ерекше дарынды тұншықтыруға болмайды.

№3 Есік

Үшінші есікті ұйымдастырушылық қабілеті басым адам ашады. Сіздің ішкі түйсігіңіз жақсы дамыған. Соның арқасында өмірлік жолыңызды жаңылмай тауып келесіз. Есепке және құнды қағаздармен жұмыс істеуге ширақсыз. Ауқымды жобаларды аяғына дейін жеткізіп, жеңісті қанжығаңызға оңай байлауға бейімсіз. Алдыңызда отырған адамның ойын тез оқып қоясыз. Сол себепті сізді алдап, тақырға отырғызу өте қиын. Өзгелерге не керек екенін жақсы білесіз. Мақсатыңыз айқын. Тіпті сәтсіздіктердің өзін, еңсеңізді тік ұстаған күйі жеңіл қабылдайсыз. Достарыңыздың өзі сәтсіздікке ұшыраса сіздің қолдауыңызға зәру. Өйткені сіз әрдайым «Достым, еңсеңді түсірме! Қиындықтың барлығын бірге еңсереміз» деп шабыттандырасыз. Сізге кеңесіміз, осы қалпыңыздан танбаңыз.

№4 Есік

Төртінші есіктің иесі өте құпия адам. Өзіңіз жайлы өзгелердің сөз тасығанын аса ұнатпайсыз. Сіз ағыспен жүруге көнбейсіз. Өмірде өз жолыңызды нақты айқындаған болсаңыз, ағысқа қарсы жүзуге де дайынсыз. Айналаңызға сыни көзқараспен қарайсыз. Сіздің дамуыңыз бен жетістікке жетуіңізге кедергі болатын адамдармен бірден қоштасасыз. Тіпті достарыңыздың өзі сіздің іріктеуіңіз бен сыныңыздан өткен. Өйткені сіз мотивация сыйлайтын адамдармен жолдас болғанды ұнатасыз. Ішкі сырыңызды көп аша бермейсіз. Алайда бойыңыздағы ең жақсы қасиеттердің бірі жаныңыздағы адамдардың қателікке ұрынарын алдын ала сезіп отыратындығыңызда. Және қателік жасауларына жол бермейсіз. Олар сіздің ескертпеңізді ескергілері келмегенмен, сіздің ешқашан қателеспейтініңізді біледі. Сол себепті сізді тыңдауға мәжбүр. Өйткені сіз турасын айтатын, бірбеткей адамсыз. Ал, тура биде туған жоқ.