Мектеп

Күні

Сынып жетекші:

Сынып:

Қатысқандар саны:

Қатыспағандар саны:

Сабақтың тақырыбы:

«Шабыт» жобасы

«Бұлақ көрсең көзін аш»

Қауіпсіздік сабағы (10 минут) № 21-САБАҚ:

«Шұғыл қызмет нөмірлері»

Сабақтың мақсаты:

• Оқушылардың бойындағы жақсы қасиеттерді ашу, олардың өздеріне деген сенімін арттыру.

• Әр баланың ерекшелігін, талантын бағалауға үйрету.

• Балаларды бір-біріне қолдау көрсетуге, көмектесуге ынталандыру.

Қауіпсіздік мақсаты:

• Оқушыларға төтенше жағдайларда шақырылатын қызмет нөмірлерін үйрету және оларды дұрыс қолдануды түсіндіру.

Дәйексөз

ШЫҒАРМАШЫЛ БАЛА – ОЙЛЫ БАЛА

Сабақтың барысы

Сабақтың кезеңі/ уақыт

Мұғалімнің іс-әрекеті

Оқушының әрекеті

Ресурстар

Сабақтың басы

(10 мин)

Сәлемдесу, жылы шырай таныту

Оқушыларды шеңберге тұрғызып, "Мен – жұлдызбын, себебі..." ойынын ойнату

Оқушылар бір-біріне жылы лебіз білдіреді

Мұғалім оқушыларға мотивациялық түсіндірмелер айтады. Мысалы: «Балалар, әрқайсың – бір ерекше жұлдызсыңдар! Әр жұлдыздың өзіндік жарығы, ерекше сәулесі бар. Кейбір жұлдыздар бірден жарқырап көрінсе, кейбірі уақыт өте келе өз нұрын шашады. Бірақ ең маңыздысы – әрбіріңнің ішкі күштерің, армандарың және таланттарың бар. Өмірде әр адам өз жарығын жағады. Кейде сендерге сенім жетіспеуі мүмкін, бірақ сендерді қолдайтын достарың, ата-аналарың, ұстаздарың бар. Бір-бірімізге қолдау көрсетіп, сенім артып, жылы сөз айтсақ, бәріміз бірге жарқыраймыз. Сендер әрқайсың қайталанбас, ерекше тұлғасыңдар! Әрқайсыңның бойыңда бірегей дарын мен мүмкіндіктер бар. Жүректеріңдегі үміт пен сенімді ешқашан жоғалтпаңдар»

Оқушылар мұғалімнің сұрақтарына жауап береді, өз ойларымен бөліседі.

Презентация

Ортасы

(20 мин)

Сұрақтар:

• Жұлдыздар не үшін жарық шашады?

• Адамдар да жұлдыздар сияқты ма?

• Өмірде кімдер сенің жарқырауыңа көмектеседі?

Жаңа тақырыпты меңгеру:

• "Жұлдыз" метафорасын түсіндіру.

• Балалардың жақсы қасиеттерін, таланттарын анықтау (әр балаға бір жұлдыз таратылады, олар өздерінің жақсы қасиеттерін, таланттарын сол жұлдызға жазады).

• Өзгенің жақсы қасиеттерін көре білуге үйрету (балалар бір-бірінің жұлдыздарын оқып, олардың жақсы қасиеттерін айтады).

• Бір-біріне қолдау көрсетудің маңыздылығын түсіндіру (мысалдар келтіру, рөлдік ойындар ойнату).

Балалардың жетістіктері туралы мотивациялық презентация көрсету

• Тақырыпқа байланысты қысқа әңгіме оқу

Топтық жұмыс:

1. «Менің күшті жақтарым» (әр оқушы өз жақсы қасиеттерін жазады)

2. «Жұлдызды дос» (оқушылар бір-бірінің жақсы қасиеттерін айтады)

3. «Жарқырай бер!» шығармашылық тапсырма (постер, сурет салу, шағын эссе)

"Жұлдызымды сыйлаймын" (оқушылар бір-біріне жұлдызшалар таратып, жақсы сөздер айтады)

Оқушылар тыңдайды, сұрақтар мен пікірлер арқылы тақырыпты тереңірек түсінуге тырысады.

Әр пікір тыңдалып, талқыланады.

Топпен жұмыс барысында қауіпсіздік ережелерін талқылап, постер немесе ереже жазады.

Өз жұмыстарын таныстырып, басқа топтардың идеяларын тыңдайды.

Қағаз, қалам, флипчарт

Оқулықтар, кітаптар, мақалалар

Қауіпсіздік сабағы

(10 мин)

Тақтаға әртүрлі жағдайлар бейнеленген суреттер (өрт, жол апаты, аурухана, т.б.) іледі.

"Бұл жағдайларда не істеу керек?" деген сұрақтар қойып, оқушылардың жауаптарын тыңдайды.

"Қалай ойлайсыңдар, көмекті кімдер көрсете алады?" деп бағыттаушы сұрақтар қояды.

• Төтенше қызметтер туралы қысқаша түсінік береді:

  • 101 – Өрт сөндіру қызметі

  • 102 – Полиция қызметі

  • 103 – Жедел жәрдем

  • 104 – Газ қызметі

  • 112 – Бірыңғай төтенше жағдайлар нөмірі

Түсіндіру:

• Әр қызметтің міндетін қарапайым тілмен түсіндіреді.

• Төтенше жағдай кезінде сабырлы болу және дұрыс ақпарат беру қажеттігін айтады.

• Жалған қоңырау шалуға болмайтынын ескертеді.

Сергіту сәті:

"Нөмірді тап!" ойыны: мұғалім белгілі бір жағдайды айтады, оқушылар дұрыс қызмет нөмірін көрсетеді.

Дұрыс жауап берген оқушыларды мадақтайды.

Оқушылар тыңдайды, сұрақтар мен пікірлер арқылы тақырыпты тереңірек түсінуге тырысады.

Презентация

Соңы

(5 мин)

Мұғалім оқушыларға: "Армандарыңа ұмтылыңдар, мақсаттарыңа жетуге талпыныңдар, ешқашан өздеріңді төмен санамаңдар. Бүгінгі сабақтан кейін өздеріңе: «Мен жарқырауға лайықпын! Менің қолымнан келеді!» деп айтуға уәде беріңдер. Естеріңде болсын, сендер – біздің болашағымыз, біздің үмітіміз! Сендердің жетістіктерің – біздің мақтанышымыз! Сендерге сенемін! Әрдайым жарқырай беріңдер!" – деп қорытынды сөзін аяқтайды.

Оқушылар мұғалімнің қорытынды сөзін тыңдайды және оның маңыздылығын түсінеді.

Оқушыларға арналған сұрақтар мен тапсырмалар