Тәрбие сағаты Ал, қане қыздар 4 сынып

Тақырыбы: « Ал, қане қыздар »

Мақсаты: Қыз баланы адамгершілікке, жан- жақтылыққа тәрбиелеу,

эстетикалық сұлулыққа бағыттай отырып, ой- өрістерін дамыту,

шығармашылыққа баулу.

Көрнекілігі: Үлестірме материалдар, сахна безендіру, көрнекі қажетті

құралдар.

Барысы:

1. жүргізуші: Қайырлы күн құрметті ұстаз- тәрбиешілер, көрермен

қауым! Барша аруларымыз бен аналарымызды бүгінгі

көктемнің алғашқы гүліндей келген 8- наурыз халықаралық

аналар мен арулар мерекесімен шын жүректен

құттықтаймыз.

2-жүргізуші: Сіздерге бүгінгі айтылу күнге орай ұйымдастырылып

отырған қыздар арасындағы «Ал, қане қыздар» сайысын

тамашалауға қош келдіңіздер!

1. жүргізуші: Олай болса,

Уа халайық, халайық

Мұнда назар салайық.

Ана жолын жалғамақ

Ер ұрпағын қолдамақ

Ел намысын қорғамақ

Арулар шықсын ортаға.- деп кішкентай аруларымызды шақырайық.

Аруларымыз топпен төмендегідей бөлімдерде сынға түседі.

1. Таныстыру

2. Өнерлі өрге жүзер (өз өнерлерін көрсету)

3.Кім тез, кім тапқыр (сұрақ,ойын сайысы)

4. Шаш- адам көркі (шаш үлгісі)

2-жүргізуші:Енді, топпен сынға түсіп,өздерінің тапқырлықтарымен, өнерлерін көрсететін қыздарымызға төрелік ететін әділ қазылармен танысайық.

Көркемөнер- жас бөбек

Апалар ізін басады

Өнерлерін әнменен

Шашу қып бүгін шашады- дей келе, алдарыңызда кішкентай арулар ән шырқап, сайыс шымылдығын ашады.

1-жүргізуші: Арулар келіп жетті танысуға

Бойындағы дарындарын дамытуға

Қыз Жібек пен Әлиядай,

Мәншүк пен Розадай

Болып өссін, арулар- ай- дегендей 1-бөлімге кезек берейік.

(Әр топ өздерін таныстырады)

Әділ қазылар алқасынан таныстыру бағасын сұраймыз.

2-жүргізуші: Құлпырған қандай –жас ару

Қайсысы әнші, кім биші

Талабына қарайық

Шаттана қол соғайық –деп 2-ші бөлім «Өнер сайысына» әр топ аруларының өнерлерін тамашалайық.

Әділ қазылар алқасынан 2-ші бөлім өнер сайысының бағасын сұраймыз.

1- жүргізуші: Ал, келіңдер, келіңдер!

Бір-біріне еріңдер.

Білімдеріңді тексеріп,

Әр жылдам жүріңдер-деп аруларымызды қызықты ойын мен сұрақтарға жауап беруге 3-ші бөлімге шақырамыз.

Әділ қазылар алқасынан 3-ші бөлім «Кім тез, кім тапқыр» сайысының бағасын сұраймыз.

2. жүргізуші: Ару қыздың бұрымы

Сән мен көркі ажары

Сәндей білсе, бұрымын

Ол да оның ғажабы-деп әр топ өздерінің шаш үлгісін көрсетуге 4-ші бөлімге ортаға шақырамыз.

1. жүргізуші: Аруларымыз, тамаша шаш үлгісін жасап болды, енді үлгілерін таныстырсын.

Әділ қазылар алқасынан 4-ші бөлім «Шаш- адам көркі» сайысының бағасын сұраймыз.

Қорытынды баға дайын болғанша тамаша ән шашуын тамашалайық. 
Ән: « Анашым »

2-жүргізуші: Сіздер аруларымыздың сайыстағы бар өнерлерің, тапқырлықтарын тамашаладыңдар.Ендігі сөз кезегі әділқазы алқасында

(Әділқазы алқасы ортаға шығып өз пікірлерін білдіріп, аруларға жинаған ұпайларына сай атақтары мен мақтау қағаздарын береді.) 

1- жүргізуші: Бойларында от бар екен байқадық

Жүректерде шоқ бар екен байқадық

Әрқашанда осы шоқты өшірмей

Жалындатып, шарықтаңдар мазданып- деп бүгінгі кешімізді аяқтаймыз. Назарларыңызға рахмет!

« Ал, қане қыздар » атты мерекелік сайыстан көрініс

«ЖББ Т. Жароков атындағы мектебі» КММ-нің жанындағы интернат

«Ал, қане қыздар»

Өткізген:Махлиева А.Н.