Тәрбие сағаты "Әлемді тербеткен ана" 3 сынып

Тәрбие сағатының тақырыбы: «Әлемді тербеткен ана»

Мақсаты:Оқушылардың адамгершілік құндылықтарын арттырып, анаға саналы түрде құрмет пен махаббат сезімін калыптастырып, балалардың танымдық және шығармашылық қабілеттерін дамыту.

Көрнекілік:Даналық сөздер жазылған плакаттар,аналарымен бірге түскен отбасылық суреттер. «Әлемді тербеткен ана» презентация.

Ақ шашты ана:

«Жастығым-балам» дейді.

Ақылды бала:

«Ай-күнім-анам» дейді.

Мұғалімнің сөзі:-

Ана... Әрбір адам осы керемет күміспен қапталып,алтынмен апталған Ана деген сөзді естіген сәтте-ақ жүрегі дір етеді.Сен осы дүниеге шыр етіп келген сәтте анаң «Бауыр етім балам»,-деп ақ сүтін беріп, аялап, «Менің балам керемет»-деп мақтан тұтады.Ана әрбір адамның жарық дүниедегі ең жақыны, жанашыры,қадірлісі,қамқоршысы.Баласы үшін жанын да аямайтын ардақтың да- абзал ана!

Ана- жүрек, сол жүректе құдірет те,

Ана- тірек, сол тіректі құрметте!

Ана- шыңың, ардақ тұтар биікте,

Ана- күнің, сәуле шашар жүректе- деген өлең жолдары барлық аналарға арналады.Олай болса бүгінгі «Әлемді тербеткен ана»- атты ертеңгілігімізді сіздерге арнаймыз.

Кәлима

Анаға арнап ақ тілектер айтар күн,

Әкеге арнап марапатты бастар күн.

Бүгінгі күн мәңгі есте сақтар күн,

Бүгінгі күн есінде мәңгі жастардың.

Хормен барлығы:

Жанымызды жайнатқан

Сіздерсіз ғой аналар

Зор денсулық, мол бақыт

Тілейміз біз балалар!

Ізгілік  Бізді сүйетұғын, күйетұғын, әрқашан қамымызды ойлап жүретұғын абзал жанды адам, бұл – ана.Алдыңа қойған мақсатыңа жетуің үшін ана жанын қиюға да дайын.Ана баласының үлгілі азамат боп өсуі үшін бар күшін салып, тер төгеді.Ананың махаббатына, құдіретіне тамсанған талай ақын әнін арнап, жырын жазып, талай жазушы қалам тербеген. Олай болса балалардың тақпақтарын тыңдайық.

Нұртілеу

Құтты болсын аналардың мейрамы!

Жарқыраңдар, жаз күніндей жайдары!

Мерекесі бұл көктемнің алғашқы,

Бақыт берсін әр көктемнің айлары!

Ақбота

Дүниенің ең қымбаты ана екен,
Ананың ең тәттісі бала екен.
Түн ұйқысын төрт бөліп әлдилеген,
Ананың орны бөлек дара екен
Балаға ана еңбегі парыз деймін,

Айбота

Ана дейміз бәріміз де аңқылдап,

Ана дейді жас сәби де жарқылдап

Ана деген бәйтерегі өмірдің

Ана деген – алтын қазық, алтын бақ

Ана деген – асыл жандар бұлақтай

О адамдар қадірлей біл ананы

Жат қылыққа ақыл – ойды тонатпай

Нұрлай

Ана өмірдің қуанышы, тірегі

Бала оның жұбанышы, жүрегі

Ана алдында ел жауы да бас иген

Олар дәйім тыныштықты тіледі.

Мұғалім: Кез келген адамның әдептілігі мен сұлулығы, ең алдымен балаға ақ сүтін беріп,әлпештеп өсірген ана жүрегінің жылуынан басталады. Бала бойындағы ең жақсы қасиеттер балаға алдымен анадан тарайды.Ананың нәзік үні,жұмсақ,аялы алақаны бала өмірін шаттыққа бөлейді.Сондықтан да анасын жақсы көрмейтін бала жоқ шығар.

«Әлемді тербеткен ана» презентация.

Хормен:

Гүлдей болсын өміріңіз,

Нұрға толсын көңіліңіз.

Биік боп жұлдызыңыз

Көктемдей құлпырыңыз.

Бақыт қонсын басыңызға

Қолдап жүрсін Тәңіріңіз!

Енді балалар өздерінің қолдарынан дайындаған аналарына деген сыйлықтарын тапсырады.