Тәрбие сағаты, «Ана тілім – асыл қазынам!»

1-оқушы:

Ең бірінші бақытым – Халқым менің,                                                                       Соған берем ойымның алтын кенін Ол бар болса, мен бармын, қор болмаймын, Қымбатырақ алтыннан нарқым менің.                                                                             

Ал екінші бақытым – Тілім менің,              Тас жүректі тіліммен тілімдедім.                    Кей – кейде дүниеден түңілсем де,            Қасиетті тілімнен түңілмедім.                                                                     

Бақытым бар үшінші – Отан деген,              Құдай деген кім десе, Отан дер ем!      Оты сөнген жалғанда жан барсың ба?         Ойланбай – ақ кел дағы от ал менен.                                                                                        

Үш бірдей бақытым бар алақанда,           Мені мұндай бақытты жаратар ма?!       Үш күн нұрын төгеді аспанымнан,   Атырау, Алтай, Арқа, Алатауға!!!

2-оқушы:

Туған тілім – бабам тілі – өз тілім!
Туған тілім - анам тілім - өз тілім!
Туған тілім - далам тілі – өз тілім!
Туған тілім - далам тілі – өз тілім

3 - оқушы.
Туған тілде сыры терең жаным бар,
Туған тілде әнім менен сәнім бар.
Туған тілім тіл болудан қалса егер,
Жүрегімді суырып - ақ алыңдар.

4- оқушы
Ана тілі – бала шағым, өркенім.
Ана тілім - болашағым, ертеңім,
Ана тілім - сайын далам, жер көгім,
Ана тілім - арман атым, өрнегім.

5 - оқушы
Ана тілді білмесем,
Шат - шадыман күлмес ем.
Жер бетінде сайраңдап,
Қазақ болып жүрмес ем!

6- оқушы

Сүйемін туған тілім – анам тілін,Бесікте жатқанымда – ақ берген білім.Шыр етіп жерге түскен минутымнанҚұлағыма сіңірген таныс үнің.

7 - оқушы:

Ана тілі, дана тілі, бақ тілім,
Сенсің менің қасіретті шаттығым.
Сенсің менің тазалықты пәктігім,
Сенсіз бақыт дүние тапты кім?

8 - оқушы: Ана тілің арын бұл
Ұятың боп тұр бетте
Өзге тілдің бәрін біл
Өз тіліңді құрметте.

9 - оқушы:

Қазақ тілім өз тілім, ана тілім
Абай, Мұхтар сөйлеген дана тілім
Қастерлейді ұл - қызың мәңгі сені
Болашағым, бақытым дара тілім.

10 - оқушы:

Сенің әрбір тынысыңмен тілдесем,
Сен арқылы тіршілікпен тілдесем.
Ел бетіне қалай түзу қараймын
Ана тілім егер сені білмесем

11-оқушы
Алаңдатты тіл тағдыры бүгінде.
Сен болмасаң болар ертең күнім не?
Қазақ тілін сүйемін мен жаныммен.
Қазақ болып қалу үшін түбінде.

12-оқушы

Туған тілім – тірлігімнің айғағы,

Тілім барда айтылар сөз ойдағы.

Өссе тілім мен де бірге өсемін,

Өшсе тілім, мен де бірге өшемін

Милана

Ана тілім, дана тілім, бақ тілім,
Сенсіз бақыт дүниеден тапты кім?
Сенсің менің қуанышым, шаттығым,
Сенсің менің тазалығым, пәктігім.

Адият

Ана тілім,
Алтын ұям, құндағым,
Ақ бесікте әлдиіңді тыңдадым.
Сенің жырың, сенің әнің айтарым,
Санам сөніп, байланғанша тіл-жағым!

Тәнірберген

Қуатым – ана тілім
Қазағым, қайда жүрсең біл тіліңді,
Айтады ана тілсіз кім түбіңді?
Қайсыбір қандастарым шүлдірлесе,
Жүрегім біз сұққандай мың тілінді.

Ақерке

Қалса егер, жалғыз сәтке қалғып тілім,
Дей бергін ауа жетпей, қарлықты үнім.
Сен барда терезем тең, еңсем биік,
Қасында тұрсам-дағы қай мықтының!

Ардағым, ана тілім - жан мерейім,
Жүзіңнен әрқашан да таң көрейін.
Сен болсаң, көш бастаушым келешекке,
Соңыңнан көзім жазбай, мәңгі ерейін.

Даниял

Ана  тілі – біздің туған  анамыз,

Анамыздай  сыйлап,  бағып  қағамыз.

Ана  тілін  бағаласақ  қалай  біз,

Өзіміздің  сондай  болмақ  бағамыз.

Ана  тілін  кім  аялай  білмесе, 

Анасынан  безінген  ұл  деп  қараңыз.

Қажымұқан

Ана тілі  бар  білімнің  қайнары,

Аталардың  өсиеті  пайдалы.

Алақаны  мейірімді  ананың,

Ұстазыңның  жаққын  жүзі – жайдары.

Назерке

Қымбат  маған  анан  тілім,  бал  тілім, 

Қымбат  маған  дана  тілім,  ар  тілім.

Ақ  сүтімен  бірге  сіңген  бойыма,

Ана  тілі – ардақ  тұтар  алтыным.

Темірлан

Ана  тілін – жырлап  өткен  талайлар,

Жырлап  өткен Ыбырай  мен  Абайлар.

Қасиетті  менің   ана  тілімде,

Өшпес  мәңгі  алаулаған  арай  бар.

Адия

Тілім менің-қуатым,күнім менің,
Күнім кетсе не болар ісім менің?!
«Тілсіз өмір бар» десе түсінбедім,
Тілімменен тірлікті мүсіндедім.

Би: «Қамажай»

КВН:

1. Қазақ тілі диктант

2. Екі баланың әңгімесі

3. Робот

4. Сұлу қыз

5. Қонақта болған оқиға

6. Әдебиет сабағы

7. Мистер пропер

4-бөлім. «Мақал - сөздің мәйегі» бөлімі, мақал - мәтелдердің жалғасын табу

1.Шебердің қолы ортақ.........(Шешеннің сөзі ортақ).
2. Тіл тас жарады,.......( Тас жармаса бас жарады).
3. Бас кеспек болса да,...........( тіл кеспек жоқ).
4. Таяқ еттен өтеді, ............(сөз сүйектен өтеді).
5. Білікті бірді жығады, .............(білімді мыңды жығады).
6. Тіл қадірін білмеген - .........(жетесіз).
7. Ана тілін білмейтін адам............... (Надан)
8. Бал тамған тілден........... ( у да тамады)
9. Тіл - ақылдың........... (өлшемі)
10. Ақынның тілі қылыштан өткір........... (қылдан нәзік)
11. Ана тілім -........... (дана тілім)
12. Ат жүйрігі айырады,
13. Тіл жүйрігі........... (қайырады)
14. Піл көтермегенді,... (тіл көтереді).15. Тілмен байланған... ( тіспен шешілмес).16. Ана сүті бой өсіреді, (ана тілі ой өсіреді).
17. Жақсы сөз... (жарым ырыс)
18. Тіл - адам ойының... (айнасы)
19. Тіл қылыштан... (өткір)
20. Ойнап сөйлесең де... (ойлап сөйле)
21. Айтылған сөз,... (атылған оқпен тең)
22. Көп сөз - күміс, аз сөз -... (алтын)23. Жақсы байқап сөйлер... (жаман шайқап сөйлер)
24. Көре - көре көсем боларсың... (сөйлей - сөйлей шешен боларсың)

Ән: «Қазақ тілі» ( Бақдәулет)

5-бөлім. «Көрініс» бөлімі, берілген көріністерді рөлге бөліп қою.

Көрініс 1-топ:«Қазақ тілінің шығу тарихы» видеороллик

Көрініс2-топ: «Ең қымбат қазына»
Қатысушылар: қария, баласы, дана қарт.
Автор:Ертеде бір тілге жүйрік шешен қария көз жұмарында ұлына:
Қария: «Балам, әкем кедей болды деп қамықпа. Менің саған тастаған көп қазынам бар, соны тауып алып қадіріне жет».

Автор:Бала кейіннен оны әрі іздейді, бері іздейді, таба алмайды. Арып - ашып жүріп, ауылдағы абыз ақсақалдарға мұңын шағыпты.

Баласы:«Балам, әкем кедей болды деп қамықпа. Менің саған тастаған көп қазынам бар, соны тауып алып қадіріне жет»деді. Бұл не дегені?

Автор:Әлгі дана қарт тыңдап болып:
Дана қарт:«Әке баласына өтірік айтпас болар, ақтық демінде ақиқатын айтқан екен. Әкең өте шешен адам еді, жарықтық. Оның саған қалдырған мол мұрасы - қасиетті тіл. Бәріміз сөздің дәмін келтіріп, қалай сөйлеуді сенің әкеңнен үйренген едік. Дүниеде тілден қымбат, мәңгілік мұра болмақ - па, сірә!»

Автор:деп аталы сөздің жұмбағын шешіп беріпті.
Баласы:Сендер осы тіл ең қымбат қазына деген сөзбен келісесіңдер ме, мүмкін біздің одан да қымбат қазынамыз бар шығар?
Дана қарт:Жоқ, мен олай ойламаймын. Дүниедегі ең қымбат қазына, әрине тіл. Тіл - ең алдымен қатынас құралы. Егер тіл болмаса, сен маған осы сұрақты қоя алар ма едің, ал мен саған өз ойымды айта алар ма едім?
Баласы:Оныңыз өте дұрыс. Шынында да тіл қатынас құралы болумен қатар ойдың да көрінісі. «Тілі байдың – ойы бай» деп текке айтылмаса керек.

Қорытынды.

Айбат:

– Тіл байлығымыз, тарихымыз, мәдениетіміз, әдебиетіміз.
– Тіл біздің ұлттық намысымыз, арымыз, барымыз. Тіл мерейі - ел мерейі.
– Ана тіліміздің мерейі үстем болсын!

Балым: «Тіл  дегеніміз – қай  халықтың  болмасын  кешегі,  бүгінгі   ғана  емес,  ертеңгі  де  тағдыры». Елбасы айтқандай, «Қазақстанның болашағы-қазақ тілінде» екенін ұмытпайық.

Хор: «Жаса, жаса қазақ тілім!»

Балым: Бүгінгі тәрбие сағатымыздың соңын ақын Мұзафар Әлімбаевтың жыр жолдарымен аяқтаймын
Тілің-халқың,халқың-тілің,қос егіз!
Екеуінің саясында өсеміз,
Халық пен тіл-жасай берер қос емен,
Саясында көгереді көсегең.
Сіз бен біз де бұ дүниеден көшеміз.
Жасай бермек,жасайды сол қос – егіз!

Шамсия: Осымен біздің «Ана тілім – асыл қазынам!» атты ашық тәрбие сағатымыз аяқталды. Келесі кездескенше!

Балым:Топтарымызды бағалау үшін директордың оқу-ісі жөніндегі орынбасары: Раушан Мұратхановна ханымға сөз кезегін береміз.