Тәрбие сағаты "Ақылына көркі сай"

Мақсаты:

Тәрбиелік: Оқушылардың  рухани адамгершілік, тұлғалық қабілеттерін дамыту.

Дамытушылық: Бойжеткен қыздардың мәдени – бос уақытын тиімді

пайдалануға белсендіру.

Білімділік: Оқушыларды дүниедегі жақсылық атауларының бәрі күннің

нұрынан, ананың мейірімінен таралатынын ұғындыру.

Бағдарлама түрі: Сайыс

Тәрбие сағатының өтілу жолы:

Жүргізуші:

Әкелетін отабасына береке ең,

Әз аналар арамызда көп екен.

Жыл құсындай көктем сайын оралар,

Құтты болсын нұрға толы мерекең!

Наурыз мейрам, жүректерге нұр сепкен,

Маңдайымнан сүйіп жатыр гүл көктем.

Жарығыңмен шуағыңмен күн – Ана,

Алып келдің жер бетіне гүл көктем.

Бүгін осы залда біз көктемнің ерекше мейрамы қыздар мен аналар мейрамын атап өтуге жиналып отырмыз. Ендеше, халықаралық әйелдер күні 8 наурыз мейрамымен құттықтаймыз!

Құрметті ұстаздар, қыз-қызғалдақтар. Қар астынан қылтиып бәйшешек бой көтергенде көктемнің алғашқы хабаршысындай болып Аналар мерекесі келеді.

Ұстаздар және арулар! Көктемгі күйден жарқырап, гүлдей құлпырған мерекелеріңіз құтты болсын!

Бәйшешек соншалықты нәзіктігіне қарамастан қардың астынан бүршік жарады. Біздің ару қыздарымыз да соншалықты нәзіктілігіне қарамастан барлық қиындық атаулыға төзімді.

Демек, бүгінгі сайысқа қатысқалы отырған қыздарда сайыстың шартын білместен қатысқалы тұр. Яғни бүл сайыстағы келетін ситуациялық жағдайлардан мүдірмей өткен қызымыз сайыстың жеңімпазы болып табылады.

Ендеше ортаға бүгінгі сайысымызға қатысатын қыздарымызды шақырамыз.

Бүгінгі сайысымызды әділ бағалайтын әділқазылармен таныс болайық.

- Директордың ТІЖО Аманова Лиза Молдабекқызы

- Мектеп тәлімгері Хабиболлина Айнамкөз Есімқызы

- Музыка пәні мұғалімі Тулегенова Салтанат Сейтжановна

Олай болса сайысымызды бастайық.

Қыздар өздерін таныстырып, жылы лебіздік құттықтау сөздерін жеткізуі тиіс.

Бірінші сіздерге сұрақ қойылады

Бірінші сайысымыз «Кім тапқыр». 

1.      Золушка Ханзаданың кешінде нені жоғалтты? (хрустальді туфли)

2.      Әлемдегі ең аяулы, ең сұлу, ең мейірімді жандар деп кімді атаймыз? (ана).

3.      Өнімі жердің астында өсетін көкеністерді атаңдар. (картоп, сәбіз, қызылша, сарымсақ, пияз).

4.      Қызыл Телпекті бәрінен көп кім жақсы көрді? (апасы)

5.      Қасиетті тағам. (нан)

6.      Ең киелі құс. (аққу)

7 . Қабат қабат қаптама, ақылың болса аттама. (кітап)

8.      Ананың көңілі балада, ... жалғастыр (баланың көңілі далада).

9.   Анашым шалқып күлсең, алдымда ұзақ жүрсең.

Жүрегім жыр толғайды, Көңілім ортаймайды.

Анасы бар адамдар ешқашан қартаймайды. Әннің авторы кім? (Нұрлан Өнербаев)

10.  Қыздар атаулары кездесетін ертегілерді атаңыз. (Золушка, Түйме қыз, Мақта қыз бен мысық және т.б.).

Екінші сайыс:  "Ерекше әуен".

Жақсы ән айтуды бәрі біледі. Бірақ кей кездері әуенді бір сарыңмен айту тыңдаушы қауымды жалықтырып жібереді.

Сіздерге тапсырма: өздерің білетін ана туралы әннің біреуін мұрынымызды қыса шырқауымыз  қажет. 

Үшінші сайыс: "Сезімтал жүректі жандар"

Адамдар өте сезімтал жандар. Негізінде біздің сезімдеріміз «бет әлпетімізде» жазулы тұрады. Бірақ сезімді тек қана бетті қимылдата отырып ғана емес, қолмен де көрсетуге болады. 

Сіздерге тапсырма ашуды, куанышты, қорқуды, жабырқауды, ашығуды дене қимылымен көрсетуге тырысыңыздар.

Төртінші  сайыс:  "Золушка биі".

2-ші жүргізуші. Золушка әрдайым билегенді ұнатқан. Бірақ оның билеуге бос уақыты болмағандықтан жұмыс істеп жүрген кезінде би билеп үйренген.  

Золушканың киім үтіктеп, гүл суғарып, ыдыс- аяқ жуғанда, шаң сүрткен кезде билеп жүргенін көрсетіңіздер. 
Бесінші сайыс: «Бұрымды қыз» қыздар көрермен қыздар арасынан 1 қыз алып шығып шаш үлгісін жасайды.
Алтыншы сайыс: "Құттықтау".

Бұл сайыстың мәні  дайындықсыз залдағы барлық нәзік жандарды мейрамдарын өлең жолдарымен немесе ән айту арқылы  және т.б. өнерлерімен көрсету арқылы құттықтау қажет. 

Сайысты қорытындылау.