Сайыстың тақырыбы: "Біз өнерлі баламыз"
Мақсаты: Оқушылардың бойына өнерге деген сүйіспеншілікті дарыту, музыкаға деген қызығушылықтарын арттыру, Еліміздің жарқын болашағы мен келешегі үшін оқушылардың дарыны мен қабілетінің артуына жол ашып, білімді де өнерлі ұл - қыздарын тәрбиелеу. Өнерпаздарды жан - жақты зерттеп, әнді көпшілік алдында қысылмай, еркін орындауға бейімдеу, талап пен шеберлігін шыңдау.
Көрнекілігі: Зал ішін мерекеге сай безендіру. Гүлдер, шарлар, музыка техникасы.

Жүру барысы:

1 - жүргізуші:Адина
Армысыздар, құрметті, өнер сүйер қауым.

2-жүргізуші: Арлан

Бармысыздар қадірменді ұстаздар, ардақты ата - аналар, қымбатты достар.

1 - жүргізуші:Адина
Құлпырған еліміздің ұл - қызымыз,
Ертеңгі жарқыраған жұлдызымыз.
"Өнерлі өрге озар", - дейді халқым -
Бұл кеште бар өнерді ұсынамыз.

2-жүргізуші: Арлан
Қазақтың қайтпас қайсар қыранымыз,
Болашаққа жол бастар ұланымыз,
Алдымызда - арман көп, таудай талап,
Өздеріңе арналар жыр – әніміз

Күй: «Келіншек», «Салкүрең» Ансамбль «Балауса»

1-жүргізуші: Адина

Жиналыппыз сәтті күні бәріміз де

Үлкен-кіші, жасымыз, кәріміз де

Төрлетіңдер қадірменді қонақтарым

Гүл-гүл жайнап мына біздің төрімізде. ., дей келе бастауыш сыныптардың «Рухани жаңғыру – білім әлемінде» атты апталығы аясында ұйымдастырылып отырған 2-4 сынып оқушыларының ішіндеі ең талантты,ең дарынды, ең өнерлі оқушыларының өнерлерін тамашалауға қош келдіңіздер!

2- жүргізуші:Арлан

Көп сөйлеп жөн-жобадан аспайық біз

Ән шырқап, би билеуден қашпайық біз

Ал енді сіздер рұқсат етсеңіздер

Кешімізді бастайық біз- дей отырып «Біз өнерлі балалар» атты мерекелік кешімізді бастаймыз!

ӘН: Бақытжан Айша «Ән шашу» 2в сыныбы

1- жүргізуші:Адина

Мерекеміз бүгінгі құтты болсын

Әрқашан мерекелік көңіл болсын

Кеудеміз күмбірлеген жырға толып

Қане, достар қуанышпен орта толсын.

Алдарыңызда «Мереке» әнімен Амангельдина Айсана, Қуатбекова Еркежан 4 в сыныбы

2- жүргізуші: Арлан

Кілемденіп құлпырып,

Жүздерінен нұр тұнып,

Өсе берсін, гүл қыздар

Әнге қостық жыр қылып

Би: «Эспасито» 3 А сыныбы

1- жүргізуші: Мирас

Өнерпаздар жарысып, ән салады

Жиын десе, той десе жан салады

Кешіміздің құрметіне

Әуелеген әсем ән жолданады

Ән: Әділбек Әкежан «Батырлар ұраны» 3 г сыныбы

2- жүргізуші:Айым

Тілім барда мақтанам
Тілім менің аппақ ән
Бірлігімді бүгінгі

Ана тілім сақтаған, - деп жүрген «Сырым бар жүрегімде» атты Республикалық мәнерлеп оқу сайысының 1-орын жүлдегері, 2-г сыныбының үздік оқушысы Дастанұлы Мағжанның өнерін тамашалаңыздар. «Тілдің жайы жөргектен»

1- жүргізуші:Мирас

Сарқылмайтын қуатым,

Тірегімсің сен, Отан.

Мәңгі соғып тұратын

Жүрегімсің сен, Отан! деп ән салып жүрген, лицейіміздің патриот Ұлдар тобы: «Мен қазақтың баласымын» 3а сыныбы

2 – жүргізуші:Айым

Бұлбұлдай сал, күй шертсең, аңыратып

Орман,тоғай, өзенді жамыратып,

Аңыратып, ағызып ән нөсерін

Толқынымен жүректі жадыратып

Күй: Скрипка Турсынбек Асыл 4 а сыныбы

2- жүргізуші: Мирас

Аспанда мәңгі күн тұрсын

Шуағы сендердей құлпырсын.

Балапандай қыздар- ай,

Өнерлеріңе нұр жаусын,-дей отырып ортаға өзі биші,өзі әнші қыз «Қыздар тобы» шақырамыз. Би қарсы алыңыздар!

1- жүргізуші: Айым

Көкірегімнің үміті мен тілегі
Күй боп түлеп, күн боп шығып күледі.
Күн астында көк төбелер түледі —
Менің елім, менің елім — гүл елі!,

Ән: «Қазақстаным-Отаным» Ұлдар вокалы 2 б сыныбы

2- жүргізуші:Айханым

Достарым бар қуанып,

Тамашалар кештерде.

Талшыбықтай бұралып

Биші болам өскенде,

«Бальный танец» 2 В сыныбы

2- жүргізуші:Айым А

Тамсандырып ән салам

Естіген жан тамсанған

Жүректерге жетсінші деп

Айту үшін жан салам

Ән: Кенжебекова Еркежан 4б сыныбы

1- жүргізуші: Айханым

Бұл әнді айту керек жайлап қана

Өзінің нақышымен сайрап қана

Дариядан шалқып жатқан болмаса да

Бұлақтай көзі ашылған қайнап қана

Ән: Айдосұлы Әбілмансұр 4 г сыныбы

2- жүргізуші: Айым А

Таңданайық өнерге тамсанайық

Бәріміз де қосылып ән салайық

Шабыттансын көңіл көтерсін

Өнерліні мадақтап жар салайық

Ән: Абдуллаев Ибрагим «Мен бақытты баламын» 3а сыныбы

2- жүргізуші: Айханым

Қазақта жоқ бір ауыз ән салмаған

Қай қазақ та әншісін қарсы алмаған

Адема сынды әншіміз ән шырқаса,

Жан бар ма екен қызығып, тамсанбаған

ӘН: «Әсем ән» Түменбаева Адема 3 б сыныбы

1- жүргізуші: Айым А

Ыстық – ау кім-кімге де әке деген,
Суыққа шалындырмай мәпелеген,
Өмірдің соқпағынан өрге тартып,
Алдымен адам бол деп жетелеген.

ӘН: «Әке мен бала» Қайырман Әмина 2б сыныбы

Ән: «Балдәурен» Жұмадилова Аяулым 4а сыныбы

2- жүргізуші: Айханым

Демеңіздер біз өнерді аяп қалды

Мезгіл де біраз жерге таяп қалды

Сау болып тұрыңыздар кездескенше

Осымен ән кешіміз аяқталды

1- жүргізуші: Айым А

Өнерлі өрге жүзер талаптанып

Қыран биік самғайды қанат қағып

Адам үшін парыз ғой өнер іздеу

Жүрген соң адам деген атақты алып-дей келе бүгінгі кешімізді аяқтаймыз!

Сау болыңыздар!