Тәрбие сағаты Денсаулық-зор байлық

№7 «Еркетай» бөбекжай – балабақшасы

«Денсаулық-зор байлық»

(Ортаңғы «Балауса» тобының тәрбие сағаты)

Тәрбиешілер: Дүйсенбина.Б

2017-2018 оқу жылы

«Денсаулық-зор байлық»

Шараның мақсаты: Денсаулық адам баласының азбас қазынасы, асқан байлығы, өмірінің тірегі екенін түсіндіру; Балаларды салауатты өмір сүруге және жас ұрпақты зиянды заттардан аулақ болуға үйрету; Жеке бас тазалығын сақтау ережесін қалыптастыру (қол жуу, тіс күту, көзді сақтау, дене бітімін сақтау), күн ережесін (тамақтану, ойнау, сабақ оқу, дем алу, ұйқы, серуен) дұрыс сақтау дағдысын қалыптастыру.

Барысы:

Тәрбиеші: Бүгінгі тәрбиелік іс – шарамыздың тақырыбына байланысты әңгімеміз тек деңсаулық жөнінде болмақ. Денсаулық деген сөз – деңіңнің саулығы деген мағынаны білдіреді. Деңіміз сау болу үшін әрдайым тазалық сақтау, спортпен айналысу қажет, жаман әдеттерден аулақ болу қажет. Деңіңнің ауру – сырқаудан аман, қайратты, жігерлі, көңілдің көтеріңкі болуының өзі – деңсаулықтың белгісі. Дені сау адам әрдайым көңілді, жүзінен шаттық нұры төгіліп жүреді.Сондықтан да өз деңсаулықтарына жауапты қарап, оны сақтауымыз керек.

Деніміз сау болу үшін мына қағидаларды есте сақтау керек:

• Ең әуелі денеміздің тазалығына мән беруіміз керек;

• Тырнақтарымызды жиі – жиі қысқартып, таза ұстауымыз керек;

• Тамақтан алдын және кейін қолымызды жууымызқажет;

• Тамақ ішіп болған соң және ұйықтар алдыңда тісімізді тіс пастасымен жуу керек;

• Жүйелі түрде спортпен шұғылдану, мүмкіндігінше табиғи тағамдармен және үйлесімді қоректену керек; Жаман әдеттерден аулақ болу керек;

• Ерте жатып, ерте тұру керек;

• Жеміс жидектерді жақсылап жуып жеу керек.

Тәрбиеші: - Балалар, деңсаулыққа байланысты қандай мақал – мәтел білесіңдер?

• Дені саудың – жаны сау.

• Тазалық – деңсаулық кепілі.

• Тазалық – саулыық негізі, Саулық – байлыық негізі.

Көрініс: «Тіс ауруы мен кәмпит»

Бір қолтырауын болыпты. Ол тәттіге сондай құмар екен. Күнде өте көп кәмпит жеген соң, бір күні оның тісі қатты ауырып, қатты қиналыпты.

Қолтырауын: Ой, тісім қаатты ауырып, қақсап барады. Жанымды қоярға жер жоқ.

Қолтырауын қатты дауыстап жылайды. Оның дауысын естіп тотықұс ұшып келеді.

Тотықұс: - Балалар, қараңыздар, мына бір сұмдықты. Қолтырауынға не болған?! Кім оны ренжіткен. Қолтырауын саған не болды?

Қолтырауын одан сайын жылайды.Оған енді маймыл келеді.

Маймыл: Не болды, жасыма, айтшы өзің, әлде сен біреумен күресіп жеңіліп жылап тұрсың ба??

Қолтырауын: Жоқ,мен ешкіммен күрескен жоқпын, тісім қатты ауырып, жылап орырмын.Енді не істеймін?! Тісімнің ауырғаны қоймай тұр.

Маймыл мен Тотықұс қосылып:

• Айболит атаны шақырайық.

Айболит: Кәмпит жесең көбірек,

Тісің жүрер мазалап.

Не жесең де күніне

Екі рет жу тазалап.

Дәрігер Айболит Қолтырауынның тісін емдейді.

Жұмбақтар:

• Дымқылдап күнде сен,

Қолына сүйкесең.

Кетіп кір ласың,

Тап таза боласың. (Сабын)

• Шомылған баланы

Аймалап алады.

Сүртеді қолын да,

Сүртеді жонын да.

• Аузы жоқ, көзі жоқ

Тілі жоқ, өзі жоқ.

Бірақта тісі бар,

Басыңмен ісі бар.(Тарақ)

Таза бала мен Кірқожалақ бала келеді.

Тәрбиеші: Біздің деңсаулығымызға ең қажетті нәрсе - бұл жемістер. Олардың құрамында көптеген көптеген дәремендер көп. Біздің бойымыздың өсуіне, ағзамыздың дұрыс дамуына көп пайдасы бар. Олай болса қазір ойын ойнайық.

Ойын: «Иісіне қарай ажырат»

Шарты: Бұл ойында 3 бала алға шығады. Олардың көздерін байлап, алма, апельсин, пияздың иісін иіскетеміз. Олар соны тауып, атын атау керек.

Қорытынды:

-Балалар біз бүгін қандай тақырыпта сөз қозғадық?(Деңсаулық)

-Нені ойға тоқып, жадымызда сақтауға тиіспіз?

-Тісіміз сау болу үшін не істеу кере?

Осымен біздің тәрбие сағатымыз аяқталды.