тәрбие сағаты Дос болайық бәріміз

Мектеп: Талдықорған қаласындағы ФМБ НЗМ

ТӘЖ: Нурбекова Ж.Ж.

Тәрбие сағатының тақырыбы

Дос болайық бәріміз

Мақсаты:

Қазақ халқының бойында бар достық, адамгершілік, әдептілік, инабаттылық сияқты қасиеттердің мағынасын ашып түсіндіріп, түрлі әдіс-тәсілдерді қолдану арқылы адами қасиеттер туралы білімдерін тереңдету;

Міндеттері

оқушылардың зейін қойып тыңдау, ойлау, дұрыс пікір алмасу қабілеттерін дамыту;

Мектептің миссиясы мен көзқарасын көрсететін құндылықтарды дарыту:

Өмір бойы білім алу, жауапкершілік, ынтымақтастық, функционалды сауаттылық

Жүргізілу формасы

Ойын сұрақ-жауап

Күтілетін нәтиже

Оқушылардың жатақханадағы қарым-қатынасының дұрыстығын қадағалай отырып, өзара адамгершілікпен, өнегелікпен, сыйласымдылықпен, бір-біріне ізгі ниетте болуға тәрбиелеу.

Тәрбие сағаттың барысы

Тәрбие сағаттың жоспарланған кезеңдері (уақытты көрсете отырып)

Тәрбие сағатта жоспарланған іс-шаралар

Ресурстар, материалдар мен жабдықтар

Сабақтың басы

Барлық топ оқушылары дөңгелене тұрып ,бір-біріне жақсы тілектер тілейді.

Жаңа материалмен жұмыс

Досың жоқ болса – ізде, тапсаң – сақта.

– Сәлеметсіздер ме, оқушылар! «Досыңа достық – қарыз іс, дұшпаныңа әділ бол» деп Абай атамыз айтқандай, достық, адамгершілік деген қасиеттердің мән-мағынасын ашу. Бұл сөздерді біз күніне бірнеше мәрте қолданамыз. Ал осы ұғымның мағынасын қалай түсінеміз? (оқушылар өз ойларын айтады)

Презентация

Өрмекші торы ойны

Сабақтың

ортасы

Ситуациялық сұрақ

-Балалар, сіздермен бірге ойын ойнайық! Әркім қолдарыңдағы жіпті бір-біріңе тек өзіңді басқа жағыңнан таныстыратындай етіп сөз айтып, ұсынуларыңызға болады.

Оқушыларды жіп тарқату арқылы бір-бірімен байланыстырып, «өрмекші торы» ойны арқылы бір бүтін топ екенін түсіндіру.

Сіздер қазіргі таңда жаңа ұжымға икемделіп, өз орындарыңызды осы жатақхананың ішінде ойып алып, әркім өз беделіне, біліміне қызмет етіп жатырсыздар. Әрқашан өз әрекеттеріңізді дұрыс бағалау үшін сіздерге мынадай ақыл-кеңес:

1. Әрдайым өз-өзіңді тек жасаған ісіңе қарап бағала.

2. Үнемі өзіңді өзіңнен де жоғары тұрған азаматтармен салыстыр.

3. Есіңде сақта, сені сынайтын адам – ол сенің досың.

   • Бір адам сынаса, ойлан.

   • Екі адам сынаса, өз әрекетіңді қадағала.

   • Үш адам сынаса, өзгеруге тырыс.

4. Өзіңе қатал қарап, өзгемен жұмсақ болуға тырыс.

Ситуациялық жағдайларға байланысты «Нағыз дос қалай істер еді?» атты пікір алмасу бөлімі

Сұрақ:

– Сенің досың үнемі нашар баға алады, сондықтан ата-анаң онымен дос болуыңды қаламайды. Осы жағдайда не істейсің?

Шараның аяқталуы

Жатақханадағы бір топ – бір бүтін жанұя іспеттес. Сол «жанұяның» ауыз бірлігі күшті болса, беделінің де артары анық. «Төртеу түгел болса – төбедегі келеді, алтау ала болса – ауыздағы кетеді» демек, топ парасаттылығын әрқашан сақтауға, адамгершіліктен азбауға үнемі тырысу қажет.

Тәрбие сағатының рефлексиясы, тәрбие сағаттың өзіндік талдауы

Топтағы ахуал өте жақсы болды. Оқушылар «Өрмекші торы » ойны арқылы бір - бірлерін басқа қырларынан таныстыра білді, сабақ өте жақсы көңіл – күйде бастады. Топтағы оқушылар ынтымақтаса ,белсенді әрекет көрсете білді.

Оқушылардың қызығушылығы артып, қолданылған әдіс-тәсілдер оқу және сабақ мақсатына сәйкес болды.

Уақыты тиімді пайдаланылды.