Тақырыбы:Мың бір мақал,жүз бір жұмбақ.

Мақсаты: Мақал-мәтел,жұмбақтар айту арқылы оқушыларды көркем,ұтымды сөйлеуге,қиыннан қиыстыра білуге үйрету.Ата-бабаларымыздың өсиетін қадір тұтуға,мақал-мәтел,жұмбақ,шешендік өнер арқылы өз елінің тарихи шежіресін білуге,әдет-ғұрып,салт-дәстүрін сыйлауға баулу.

Құрметті ұстаздар,оқушылар!Сіздер «1001 мақал,101 жұмбақ» атты танымдық ойынға жиналып отырсыздар.Мақал-мәтел,жұмбақ,шешендік өнер ата-бабамыздан қалған өшпес мұра.Көлемі жағынан шағын болғанымен,мазмұны терең,құны артып,қымбат қазынаға айналып келеді.Мақал-мәтел,шешендік сөздердің тәрбиелік мәні зор,рухани байлық.

Бүгінгі сайысқа қатысушылар 4 сынып оқушылары.

Әділқазы алқаларын сайлау.

Сайыс алты айналымнан тұрады:

1 айналым. «Таныстыру»

2 айналым. «Мақал-мәтелді жалғастыр»

3 айналым. «Жұмбақ шешу»

4 айналым. «Кім жаңылыспайды?»

5 айналым. «Топ басшылары» сайысы

6 айналым. «Тіл өнері»

Ендеше, сайысымызды бастаймыз. 1-ші айналым таныстыру.Әр топ өз тобының атын,ұранын таныстырады.

2-ші айналым.Бұл айналымда мақалдың жалғасын табу керек.

1. Шебердің қолы ортақ, ( шешеннің сөзі ортақ)

2. Атаңның баласы болма, ( адамның баласы бол.)

3. Жері байдың , (елі бай)

4. Бас кеспек болса да, (тіл кеспек жоқ)

5. Болат қайнауда шынығады, (батыр майданда шынығады)

6. Әдептілік белгісі, ( иіліп сәлем бергені)

7. Туған елдей ел болмас, ( туған жердей жер болмас)

8. Қыз өссе, елдің көркі, ( гүл өссе,жердің көркі)

3-ші айналым. «Жұмбақ шешу»

Әр топ үйден дайындап келген жұмбақтарын жасырады.Әр топта бес жұмбақтан.

4-ші айналым. «кім жаңылмайды?» Екі топқа жаңылтпаштар беріледі.Жаңылтпашты жатқа айту керек.Қатысушылар жаңылтпашты жаттағанша Көрермендермен жұмбақ шешеміз.

1. Қалың киімді ұнатады,

Шешіндірсең жылатады. ( пияз )

2. Су болып сайға ағады. ( қар )

3. Тіріден өлі туады,

Өліден тірі туады. ( жұмыртқа )

4. Тал басында түндіксіз отау. ( ұя )

5. Отыз екі батыр,

Екіге бөлініп жатыр. ( тіс )

6. Іші жұмсақ,сырты қатты,

Еті қызыл,сүті тәтті. ( қарбыз)

7. Айдалада ақ отау,

Аузы,мұрны жоқ отау. ( жұмыртқа )

5-ші айналым.Топ басшылары шығып,мақал-мәтел айтып жарысады.Тақырып:

1. Отан, туған жер туралы.2 Оқу,білім туралы.

6-шы айналым. «Тіл өнері» Бұл айналымда екі топқа мақал-мәтелдер беріледі.Мақалдың мағынасын толық түсіндіріп айту керек.

1. Білекті бірді жығады,білімді мыңды жығады.

2. Еңбек етсең ерінбей,тояды қарның тіленбей.

3. Жақсыдан үйрен,жаманнан жирен.

4. Бірлік болмай,тірлік болмас.

5. Кітап – алтын қазына.

6. Өнерлі өрге жүзеді,Өнерсіз шөлге жүзеді.

Қорытынды. Әділқазы алқаларына сөз.

«Мың бір мақал,жүз бір жұмбақ»