Тәрбие сағаты сценарий

«Семей қаласының №11 жалпы білім беретін орта мектебі» КММ

Адалдық-адамдықтың белгісі

Тәрбие сағаты

Машықкерлер:Төлеуғажина П.

Секенов С.

Семей 2023

Тақырыбы: Адалдық - адамдықтың белгісі

Тәрбие сағатының мақсаты:

Оқушыларға адалдық, парасаттылық, шындық туралы түсініктерін кеңейту.

Міндеттері:

1. Оқушыларды адалдыққа, шыншылдыққа тәрбиелеу, жат әдеттерден аулақ жүруге үйрету.

2. Оқушылардың адамгершілік қасиетін, бір-біріне деген достық сезімдерін нғайту.

3. Оқушылардың бойына рухани адамгершілік қасиеттерді ұялату үшін мейірбан, ақылды, шыншыл, қайырымды т. б адамдық асыл қасиеттерді игеруге ықпал ету.

Тәрбие сағатының түрі: дамытушылық.

Тәрбие сағатының әдіс-тәсілі: әңгімелеу, сұрақ-жауап,ойын.

Ресурстар: нақыл ұлағатты сөздері, презентация

Кіріспе Бүгін біз әдептілік, адалдық, адамгершіліктің асыл қасиет екені туралы пікірлесіп, өз ойларымызды ортаға саламыз. Олай болса АДАМ! Адам баласының бойында жақсы да, жаман да қасиеттер болады екен. Бізге ақылдылықты, адалдықты, қарапайым - кішіпейілділікті, инабаттылықты, шыншылдықты үлкендер үйретеді. Ол - біздің ата - анамыз, ақсүтін бере отырып, ана тілімен үйретеді. Біз оны түсініп, ата - баба салт, әдеттерін үйренеміз. Адам болатын адамгершілігі бар бала - барлық жақсы қасиеттерді үйреніп, жаман мінез әдеттерден, ұнамсыз қылықтардан аулақ болуға тырысуы керек. Адамның адамгершілік, адалдық, саналылық дәрежесі – оның тәртібі мен іс - әрекетін анықтайтыны әлдеқашан дәлелденген.

- Сәлеметсіздер ме құрметті оқушылар мен ұстаздар! Бүгінгі тәрбие сағатымызды ашық деп жариялаймын.

Адамның бойынан адамгершілік қасиеттер табылса, әрине сымбатты, парасатты көрінеді.

Адамгершілік – адамның асыл қасиеті. Жүсіп Баласағұн адамгершілік пен инабаттылықтың төрт қасиетін 6600 тармақтан 72 тараудан тұратын “Құтты білік” дастанында көрсетіп берді.

Адалдық – адам бойындағы асыл қасиеттердің бірі.

"Адалдық” деген сөз шыншылдық, айнымастық, шын берілгендік сияқты игі қасиеттерді еске салады. Қазақ пайымында адам бойында адалдық - пәктік, ар - ұждан, жан тазалығы. Адал дос дегеніміз - өтірік айтпайтын, шындықты жақтайтын, досын ешқашанда ұятқа қалдырмайтын, барлық уақытта қандай жағдай болмасын қол ұшын беріп көқмектесетін, қашан да қасынан табылатын, барын бөлісетін нағыз жолдас.

Адамгершілікке байланысты сұрақтарға жауап берейік, яғни колесо фортуны ойынын ойнайық.

Қорытынды Адамгершілік қасиет - жеке адамның басындағы емес, жалпы қоғамның қордалы байлығы.

Адамдық борыш ар үшін,

Барша адамзат қамы үшін.

Серт берген еңбек етем деп,

Алдағы атар таң үшін.