Тәрбие сағаты: "Туған жер"

Тақырыбы: Туған жер.

Мақсаты:         

Білімділік: Балалардың туған өлкесінің тарихы, мәдени мұралары жайлы әңгімелеу.

Дамытушылық: Шығармашылық қабілеттерін дамыту.

Тәрбиелік: Балаларды өз бетінше ойлауға, дүниеге рухани және эстетикалық көзқарасын қалыптастыруға, өз бетімен ізденіп, білімін көтеруге тәрбиелеу.

Түзетушілік: Дыбыстарды қадағалап, түзетіп отыру.

Көрнекілігі: қима қағаздар, суреттер.

Меңгерілетін сөздер:Туған өлке, туған жер, туған мекенім.

Барысы:

1.Ұйымдастыру кезеңi.

Кіріспе:

Тәрбиеші:

• Балалар, «Туған жер» тақырыбында, туған өлке асыл қазыналары, тарихи-әлеуметтік маңызы бар ескерткіш мұралары жайлы әңгімелейміз.

Тәрбиеші:

• Оқушылар енді туған жер туралы мақал-мәтел білеміз бе?

(Мақал-мәтелдерді талқылау)

1. Әркімнің өз жері Мысыр шаҺары.

2. Ел іші алтын бесік.

3. Жері байдың, елі бай.

4. Елің – панаң, жерің – анаң.

5. Ел жаусыз болмас, жер таусыз болмас.

6. Өз елің - алтын бесігің.

7. Бақа көлінде патша.

Балық сынада патша.

Жігіт елінде патша.

8. Туған жердің түтіні де тәтті.

9. Ит тойған жеріне, ер туған жеріне.

10. Туған елдей ел болмас,
    Туған жердей жер болмас.

Бірге:

Көгінде күн нұрын төккен,

Жерінде гүл жұпар сепкен.

Неткен сұлу, неткен көркем,

Осы менің туған өлкем.

Алтын дәнді даласы бар,

Ақ күмістей қаласы бар.

Неткен сұлу, неткен көркем,

Осы менің туған өлкем.

Ер еңбегі шалқып, тасқан,

Ел еркіндей бақыт тапқан.

Неткен сұлу, неткен көркем,

Осы менің туған өлкем.

Қорытынды

Тәрбиеші: - Осымен «Туған жер» атты тәрбие сағатымыз аяқталды.