Тәрбие сағаты:Адамды тұрар адам қып,Парасаттылық пен адалдық.

Сабақтың кезеңдері

Жоспарланған іс-әрекет

Ресурстар

Кіріспе бөлім

Психологиялық ахуал:

Оқушылар орындарында отырады.

1. Көздерін бір нүктеге қадайды.Іштей 1ден 10 ға дейін асықпай санайды.Терең демалады.

2. Көздерін жұмып іштей 10нан 1ге дейін кері санайды.Терең тыныс алады.

Топқа бөліну: «Жыл мезгілдері»

Суреттерді таңдап алу арқылы 4 топқа бөлініп отырады.

баяу музыка

жыл мезгілдерінің суреттері.

Негізгі бөлім

Ұжыммен жұмыс: «Аяқталмаған сөйлем»

Әр топтан 1 оқушы тақта алдына шығады.Қорапшадағы аяқталмаған сөйлемді алып,ойды аяқтайды.Әр топ кезектесіп өз ойларын айтады.

1.Жақсы қасиет деп.....................................

2.Жаман қасиет деп......................................

3.Адамдардың бойындағы қасиеттер....................

4.Жақсылық жасауды.............................................

Түйін. Оқушылар өз ойын айтуға дағдыланады, ой-пікірі қалыптасады. Тез ойлап, шешім шығара білуге, шын көңілден жауап беруге үйренеді.

Парасатты адам

Парасатты адам деп қандай қасиеттерге лайық адамды айтады? Күн сәулесінің шуағына жазып шығу.(ауызша айтуға да болады) (мейірімді,адал,сыпайы,ақылды,саналы,еңбекқор,досшыл,білімді ақкөңіл,т.б.)

Түйін. Жақсы адам Күндей- айналасына жылу береді.

Ұжымдық ойын: «Мен және айна»

Әл-Фараби бабамыздың «Ақыл дегеніміз- адамның екі жақсы нәрсенің жақсырағын таңдап алу қасиеті» демекші, ақылдың атқаратын жұмысы- ол салыстыру. Осыған байланысты қасиеттерді салыстыру тапсырылады.

Мұғалім айтқан адам бойындағы жағымсыз қасиеттерге қарсы мағыналы жағымды қасиеттер айту.

Жалқау - еңбекқор

Ұялшақ - батыл

өтірікші - шыншыл

сараң - кеңпейілді

дөрекі -сыпайы

қатыгез - мейірімді

мақтаншақ - қарапайым

өзімшіл – ақкөңіл

арам – адал

жау - дос

Түйін. Адам бойында жақсы қасиеттермен бірге жаман қасиеттер де болатынымен танысады,жаманнан жиренуді, жақсыдан үйренуді үйренеді.

Топтық жұмыс: «Құпия сурет»

Әр топ қорапшадан бір сурет алады.Сол суреттегі адамның бойындағы қасиетті келесі топтарға керісінше айтады,олар қандай қасиеті бейнеленген сурет екенін табу керек.

Түйін. Адам бойында жақсы және жаман қасиеттерді салыстыра білуді үйренеді.

қорапша,

тапсырмалар

Күн суреті

айна

қорапша,

суреттер

Қорытынды

Слайдпен жұмыс: Адам бойындағы 4 негізгі құндылық: адалдық,парасаттылық,әділдік,сенім.Осы қасиеттерге әр адам ие болса,өміріміз жарқын болмақ.Өтірік айту,жемқорлық,пара алу сияқты жаман әдеттерден жиренейік.

Психологиялық жаттығу: «Сілкіну»

Біздің бойымызда бүгінге дейін кішкентай болса да жаман қасиеттер болған шығар.Бүгінгі сабақтан кейін бойымыздағы жаман қылықтарымызды сілкіп тастайық.Алдымен екі иығымызды,кеудемізді,аяқтарымызды сілкиік.Қолымызды жоғары көтеріп,шапалақтайық!