Материалдар / Тәрбиелік іс-шара «Басты байлық - Ел бірлігі»

Тәрбиелік іс-шара «Басты байлық - Ел бірлігі»

Материал туралы қысқаша түсінік

Іс-шараның білімділік мақсаты: Жас ұрпақты тарихи-мәдени және рухани құндылықтарды бағалауға үйрету. Оқушыларға Қазақстан Республикасы әлемде ең алғашқы мемлекеттердің бірі болып сырттан келген басқа ұлт өкілдеріне алтын бесік болғандығын ұғындыру;Видео «Керей хан» көрсетіледі.Көрініс. «Сұлтандар кеңесі»

Калиева Толкын Райхановна

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

18 Желтоқсан 2017

716

0 рет жүктелген

Қазақ әдебиеті Тәрбие сағаты 11 сынып

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

« Шығыс Қазақстан облысы Семей қаласының білім бөлімі » ММ « № 19 жалпы орта білім беретін мектеп » КММ

Тәрбиелік іс-шара«Басты байлық - Ел бірлігі»

Өткізген : Т.Р.Калиева

Басты байлық-Ел бірлігіІс-шараның білімділік мақсаты: Жас ұрпақты тарихи-мәдени және рухани құндылықтарды бағалауға үйрету. Оқушыларға Қазақстан Республикасы әлемде ең алғашқы мемлекеттердің бірі болып сырттан келген басқа ұлт өкілдеріне алтын бесік болғандығын ұғындыру; дамытушылығы: Басқа ұлт өкілдерінің мәдениетін, әдет-ғұрпын сыйлау, сөйлеу қабілеттерін, шығармашылықтарын дамыту; тәрбиелігі: Қазақстандық патриотизмге, елін, жерін сүюге және халқын құрметтеуге тәрбиелеу. Оқушылардың бойына ұлттық рухты, патриоттық сезімдерді ұялату, ынтымақтыққа, достыққа, өз Отанын сүюге, қорғауға тәрбиелеу.

Сахнада киіз үй құрылып,іші жабдықталған. Құрманғазы күйі қосылып тұрады.Шетте әжесі мен немересі орындыққа келіп отырады.

Немересі:

Әже, бізге мұғалім Елбасының 2015 жылды — ұлттық тарихымыздың ұлықталатын жылы деп айтқанын жеткізді. Маған соның мәнісін түсіндіріп беріңізші.

Әжесі:

Мәселен,біз 2015 жылы Қазақ хандығының 550 жылдығын, Қазақстан халқы Ассамблеясы мен Конституциямыздың 20 жылдығын, Ұлы Жеңістің 70 жылдығын атап өтеміз.Осының бәріне тәуелсіздіктің арқасында қол жеткіздік қой...

Немересі:

Тәуелсіздік? Біз оны қалай алдық?

Әжесі:

Е,е,балам « Тәуелсіздік» дегенде ұлан-байтақ жерімізді анталаған жауларынан қызғыш құстай қорғап, ат үстінде арыстандай арпалысып өткен асыл бабаларымыз ойға оралады. Ұшқан құстың қанаты талатын қазақтың байтақ даласын ақ білектің күшімен, ақ найзаның ұшымен ата жауларынан қорғап қалған ардақты бабаларымыз-ай! Бұдан бес жарым ғасыр бұрын даңқты Керей мен Жәнібек бабаларымыз іргетасын құрып берген Қазақ хандығы талай тар жол, тайғақ кешулерді бастан кешті.

Видео «Керей хан» көрсетіледі.

Көрініс. «Сұлтандар кеңесі»/Керей сұлтан мен Жәнібек сұлтан сұхбат құруда, үйге бір топ ақсүйектер кіреді/- Ассалаумағалейкум, ағалар.(Ерасыл,Самат,Әлібек)Керей(Бекзат)- Уағалейкумсалам, төрлетіңіздер.Ақсүйектер басшысы (Самат):- Біз бір маңызды мәселемен келіп тұрмыз. Елді бей – берекетсіздік басып алды. Хан - екем соғыстарды үдетіп, салықты көбейтті. Әскери дайындықсыз, батырларды қудалау негізінде ойраттардан жеңілгені өздеріңізге мәлім. Бөлінетін кез келмеді ме екен?(отырған дабырласып «иә,дұрыс айтады»; «енді не істейміз?»)Жәнібек(Нұрзат):- Ия, сөздеріңіз рас, ханның қаһарына жергілікті сұлтандар мен қарапайым халық та ілігіп отыр. Өз алдымызға ел болатын күн келді.Керей (Бекзат): - Бар қазақты біріктіретін уақыт келгенін халық та түсінді, соңымыздан ереді деп сенемін.Жәнібек (Нұрзат):- Қазақ осы алты атасын арқалап жүрген,жеті атасын жетектеп жүрген ел.Біз қазақ еліміз бастан не көрмеген,Намысын қолынан ешкімге бермеген.Тұс-тұстан анталап көз сүзген жауларданКең байтақ даласын қас қақпай қорғаған.

Сұлтан (Самат):

Біз қазақ деген мал баққан елміз, бірақ ешкімге соқтықпай жай жатқан елміз. Елімізден құт-береке қашпасын деп, жеріміздің шетін жау баспасын деп,найзаға үкі таққан елміз,ешбір дұшпанға басындырмаған елміз,басымыздан сөз асырмаған елміз.Досымызды сақтай білген елміз, дәмі -тұзын ақтай білген елміз.

Сұлтан(Ерасыл):

Елдігімізді сақтау үшін туған жерден жырақтауымызға тура келеді. Моғол ханы Есен Бұға туысымыз дулаттардың көмегімен хан тағына отырды. Бірақ бауыры Жүніс Темір әулетімен одақтасып ағасына қарсы шығуда. Есен Бұға інісіне қарсы одақтас іздеуде. Сонда жол тартсақ қайтеді?Керей:(Бекзат) Ия, көшсек көшейік. Сол жаққа көшіп барып, Ұлы жүзбен бірігейік.

Сұлтан(Әлібек): Иә,Әділ төре ел бастар,Батыр жігіт жау бастар.Аға жігіт қол бастар,Шешен адам сөз бастар. Бір жақсымен дос болсаң,Азбас – тозбас мүлк етер.Бір жаманмен дос болсаң,Бүкіл алаңға күлкі етер,- демекшіӨзімізге сенімді дос тапқанымыз жөн болар.Сұлтандар: - Біз дайынбыз бастаңыздар көшті. Біз сіздермен біргеміз. Сұлтан (Әлібек): Кереке, ұзақ жолға шыққалы тұрмыз. Өзінің бір бата беріңіз.Керей(Бекзат):Жолыңды Алла қолдасын,Жаманшылық болмасын.Кетілмесін тұлпарыңның тұяғы,Қайырылмасын сұңқарыңның қияғы.Барған жерде құшақ жая қарсы алсынЖақсы адамдар, жайсаң жандар зиялы.Жалпақ емес, жақсы жермен танысқынАлла жебеп ұшқан құспен жарысқын,Көңілің шат, ат - көлігің арымай,Отбасыңмен аман - есен табысқын.Әумин.

Әжесі:

Көрдің бе,балам,ғасырлар бойы азаттық аңсаған ата - бабалардың жолы азапты, тағдыры ауыр болғаны анық. Қазақ халқы талай зорлық, зобалаңды бастан кешірді. Ата-бабаларымыздың «Азаттық ақ таңы атса екен, Тәуелсіздік келсе екен» деген армандары ХХ ғасырдың соңында келіп жетті. Осылай ежелгі қазақ жерінде тәуелсіз Қазақстан мемлекеті бостандықтың көк туын желбіреті.

Немересі:

Әже, біз бір мектепте тіліміз бен дініміз бөлек болса да қаншама ұлт өкілі бірге оқимыз.Онда қазақ та,өзбек те,орыста тағы басқа ұлттар бар.Мұғалім бізге үнемі достық,бірлік туралы айтады.Осындай көп ұлт тәуелсіз Қазақстанға қалай жиналған?

Әжесі: - Еліміз бауыры бүтін, мызғымас мемлекетке айналып, жүз жылға татитын жиырма үш жылда ортақ жауапкершілік жолын жүріп өтіп, биік белестер мен алынбас асуларды бағындыра білді. 23 жыл ішінде Қазақстанды 120 - дан астам ел танып, 130 - дан астам ұлт пен ұлыстың өкілдері бір шаңырақтың астында еркін де ерікті, тату - тәтті өмір сүруде!Сенің мектебіңде де жүзі басқа болғанымен жүрегі бір, тілі басқа болғанымен тілегі бір, мақсат-мүддесі ортақ, бірлігі мықты, достығы берік түрлі ұлт өкілдері бір жағадан бас, бір жеңнен қол шығарып өзара ауыз бірлікте екенінің жарқын көрінісі болып отыр.Ықылас пен достық дәстүрін жалғастыратын, сан түрлі ұлт өкілдері қазақ халқымен бір қолдың саласындай, бір үйдің баласындай тату-тәтті өмір сүруде.

Музыка ойнайды ,сахнаға жүргізушілер шығады.1- жүргізуші: Жиналыппыз сәтті күні баршамыз,Үлкен – кіші, жасымыз бар бәріміз.Қош келдіңдер, қадірменді қонағымГүл – гүл жайнап жарқырады төріміз.

2- жүргізуші: Жаңарғанын сананың Ұмытады мұны кім?Ата жолын бабамныңҚайта жаңғыртты осы күн.

1-жүргізуші:Той деп бүгін көңіл шіркін тасиды,Той деп бүгін халқым шашу шашады.Арамызда, бүгін болар шараның Мың бұралған биші бетін ашады.

Шашу шашылады. Музыкалық номер «Қазақ биі»

1-жүргізуші: Еркіндігім Қасиеттім Қастерлім Өзің барда өзегімде жоқ шер мұң! Кеше сенің келбетіңді арман ғып, Боданына бұғауландық басқа елдің. Бабалардың басын тігіп бәйгеге, Аналардың жанарына жас бердің!

2-оқушы:- Уа, Еркіндік, қош келдің! Өзегімді өртке ораған қоғамда, Өз үйіме өзім өгей болам ба?! Алшаң басып жүре алмаса алты алаш Азаттығым! Қадіріңде жоқ онда! ... Саған жету қиын болса қаншалық Сақтап тұру қиынырақ одан да! Алла берген азаттықтың әр сәті- Аманат қой Маған, Саған, Оған да!

1 – жүргізуші: Қазақ жері достықтың гүлстаныДархан өлкем мерейлі ырыс бағыКүрестерде, еңбекте, мерекедеМұнда сан ұлт қолдасып ту ұстады.

2 - жүргізуші: Бұл күні қырқаларға гүл тұнады,Бар әлем бір-ақ сәтте құлпырады.Әлемге дос құшағын жая келген,Армысың, бар халқымның ынтымағы!Бармысың, қазағымның ынтымағы! (Шаңырақ әкелу.Сахнаның екі жағынан ұлт өкілдері шығып,шаңырақты ұстап,айналады)

1 - жүргізуші: Қазақстанды достықтың киелі шаңырағына теңесек, түрлі этностар оның алтын арайлы уықтары іспеттес.

2- жүргізуші: Елді бүгін қарасам,Айналам бақыт кең жатыр.Бірімен – бірі туысқан.Қол ұстасқан ел жатыр Музыкалық номер «Өзбек биі»

1-оқушы:Тілі бөлек болғанменен тілек бір,Ұлы достық мәпелеген жүрек гүл.Қазақстан бар ұлысқа шаңырақ,Шайқалмастан шаттығымыз тіреп тұр.2-оқушы:Қырғыз, қазақ, ӨзбектерАрмян, түрік, грузин.Орыс пенен УкраинТерезесі тең жатыр,

3-оқушы:Мы дружной семьею живём в Казахстане,Татары, уйгуры и русские с нами.Так пусть же крепнет во веки вековДружба народов всех возрастов

4-оқушы:Алатау Кавказ ұласыпБаурайы бұйрат кең жатыр.Бақыттың әні асқақтапҚұлаққа даусы кеп жатыр

5-оқушы: Тілі басқа тілегі бір біргеміз,Өздеріңмен жүздесеміз күнде біз.Мақсат ортақ, бейбітшілік ұран бопТатулықтан бұзылмасын іргеміз.

6-оқушы

Көк аспандай көкпеңбекҚазақстан жалауы,Көк емес ол тектен-тек, Елдің ашық қабағы.

7-оқушы:Сан ұлттың басын қосып ҚазақстанБекемдеп саясатын іш пен тыстанЕлбасы, алдын ала болжай біліп,Сүрінбей аман өттік дағдарыстан

8-оқушы:Жыл сайын табыс қоссын табысыңаӘр қазақ берік болсын намысынаНұрсұлтан Назарбаев бастай берсін,Нұрлы жол, Нұрлы заман бағытына!

9-оқушы:Нұрлы жолмен алысқа біз барамызДаму үшін бірліктен қуат табамыз.Тоныкөк абыз кеткендей айтып өсиетҚазақ елі-Мәңгілік ел боп қаламыз.

10-оқушы:Ұлыстармыз тамыр болған ежелден,Кімдер қашсын қазақтайын ер елденДостығымыз ғасырларға жарасқанТуған елім,шарықтай бер,кемелден.

Бәрі: Жаса, жаса тыныштықДостық бізге тым ыстық,Бірлік – байлық, ырыс – құт. «Қазағым» әні орындалады.

Сертификатты жүктеу

Материалды сайттан тегін жүктеу

Жүктеу

Материал ұнаса парақшаңызға сақтап қойыңыз!

Өз пікіріңізді қалдыру үшін тіркелу қажет.

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!