Тәрбиеші:  Елім менің, тәуелсіз жерім менің,
                    Күннен алған шуақты өмір дәмін.
                    Рухы ұлттың өсіпті өлместей боп,
                   Көк байрағын төбеме көтерген күн!
Құрметті балалар, қадірлі қонақтар! Сіздерді еліміздің Тәуелсіздік күнімен құттықтаймыз.
Сіздерге зор денсаулық, ашық аспан, Отанымызға тыныштық тілейміз.

Хор: Ән ұран
Назым: Мерекеге шығады,
             Бүкіл халық, біліп қой.
            Отандастар ұғады,
            Тәуелсіздік - ұлы той.
Аяжан: 16-шы желтоқсан -
              Тәуелсіздік алған күн
             Мерекені ел тосқан,
              Шырқатып ән саламыз.
Ән “Қазақстаным”
Тәрбиеші: 1986 жылғы желтоқсан көтерілісі-мәңгі тақырып. Қазағымыздың өлмейтін, өшпейтін тарихы ол! Балалар, айтыңдаршы, Мемлекетіміз қалай аталады?
Тәрбиеші: Дұрыс, Қазақстан. Ендеше Отан жайлы қандай тақпақтар білесіңдер?
Данабек: Бақытты боп жүргенім -
            Сенің арқаң, Қазақстан!
            Елім - менің тірегім,
            Құшағында гүл атам.

Бақдәулет: Сарқылмайтын қуатым,
              Тірегімсің, Қазақстан.
              Мәңгі соғып тұратын,
              Жүрегімсің Қазақстан.
Би “Қазақ биі”

Тәрбиеші: Балалар, мемлекет рәміздері туралы кім ән айтады?
Ән: «Елтаңбасы елімнің» орын Айзере, Данабек, Айжұлдыз
Тәрбиеші: Балалар, Қазақстан Республикасының Ел басшысы кім?
-Нұрсұлтан Назарбаев
Тәрбиеші: Отан дейміз от жаққан жерімізді.
            Отан дейміз өсірген елімізді.
            Отан дейміз туған жер, атамекен,
            Биік тау, орман, тоғай, көлімізді.
Туған жерімізге деген құрметімізді, ілтипатымызды әнмен жеткіземіз бе балалар?
Ән “Туған жер”
Ән “Сәлем Қазақстан”  
Тәрбиеші: Осымен бүгінгі ертеңгілігіміз өз мәресіне жетті, бүгінгі Тәуелсіздік мерекесімен барлықтарыңызды шын жүректен құтықтаймыз. Сіздерге отбасыларыңызға амандық, дендеріңізге саулық, осы балапандарымыз Қазақстанымыздың туын желбірететін, биік шыңынан көрінетін азамат пен азаматша болуға тілектеспіз.

«Боранқұл» бөбекжайы МКҚК

«Тәуелсіз елім»

(ертеңгілік)

«Балдәурен» тобы

Тәрбиешілер: Мереева Ж

2018 жыл