Тәрбиеші болу – бақыт

«Бала естігенін айтады, көргенін істейді» - деп қазақ халқы бекер айтпаған. Мектеп жасына дейінгі балаларды адамгершілікке тәрбиелеудің маңызы зор. Балабақша – білім мен тәрбиенің бастауы десек, ал тәрбиешісол ортадағы бүлдіршіндердің бағбаны, білім мен тәрбиені ұштастырып, жол сілтер бағдаршысы. Бұл мамандықтың қыры да, сыры да осы, күн сайын көз алдарында өсіп келе жатқан жас ұрпақпен жұмыс жасау.

Кішкентай сәбилеріміз ата - анасының, тәрбиешісінің, достарының мінезінен, жүріс - тұрысынан, сөйлеген сөзінен, істеген ісінен үлгі алуға тырысады. Балабақша – баланың жүйелі түрде білім – тәрбие алатын ең алғашқы қоғамдық ошағы. Балабақшаның балаға беретін тәлім – тәрбиесінің қаншалықты мықты болуы, сол балабақшада қызмет ететін педагогикалық ұжымға, нақтырақ айтар болсақ, ұстазға байланысты.

Ұстаз – киелі мамандық. Ол ертеңгі болашақты, болашақ иесін – ұлтын тәрбиелейді. Баланы тәрбиелеу, оған ғылым негіздерінен мағлұмат беру, баланы өмір сүруге икемдеу, адами құндылықтарды бойына дарыту – әрине ол оңай емес. Содықтан да өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да сондай құрметтеуге міндеттіміз.

Бала бойына ата – анадан кейінгі ақыл - ой, адамгершілік, әдептілік, ар-ұят, ұлттық сана – сезімді сіңіруші адам – педагог тәрбиешілер.

Тәрбиеші – бала жанын бағамдар психолог, суретші, әртіс, әдебиетші, ақылшы, дос. Бұл балабақшада балаларды тәрбиелеу мен дамыту үшін барлық жағдай жасалынған. Балабақшаға кіргенде, бүлдіршіндердің сыңғырлаған күлкілері жанымызды сергітіп, жаңаша бір сезім сыйлайды. Бүлдіршіндерді қуанышқа бөлеген, балалықтың мекеніне айналған балабақшаның болашағы да зор.

Ендеше өз ісіне берілген, жаңалықты жатсынбай қабылдайтын, шәкіртінің жанына нұрқұйып, өмірге өзі де бақытты болып, өзгелерді де бақытқа жеткізсем деп жүретін ұстаздарды тәрбиешілерді 8- Наурыз халықаралық әйелдер мерекесімен «Алпамыс» бөбекжай – балабақшасының ұжымын ару қыздарын шын жүректен құттықтаймын!!!

«Алпамыс» бөбекжай-балабақшасының

тәрбиешісі Иманбаева Арай Бағжанқызы