Тақырыбы: «Тарих пәнін оқытудағы заманауи әдістер мен мұғалімнің рөлі»
Сманова Гаухар Абдыллаевна

Қазіргі таңда білім беру жүйесі қарқынды өзгерістерге ұшырап отыр. Әсіресе, оқушыны сыни ойлауға, тарихи сананы қалыптастыруға бағытталған оқыту әдістері тарих пәнінің өзектілігін арттыра түсті. Бұл тұрғыда тарих пәні мұғалімінің рөлі ерекше: ол тек білім беруші ғана емес, сонымен қатар шәкірт бойына отансүйгіштік пен ұлттық құндылықтарды сіңіруші тұлға.

Тарих – тек өткенді тану құралы ғана емес, сонымен қатар қазіргі өмірді саралауға, болашақты болжауға мүмкіндік беретін ғылым. Мектептегі тарих пәнінің басты мақсаты – оқушыларда тарихи ойлау қабілетін, мәдени-тарихи білімді, азаматтық жауапкершілікті қалыптастыру.

Сабақ беру барысында мынадай әдіс-тәсілдерді қолдану тиімді нәтижелер беруде:

• Сыни тұрғыдан ойлау технологиясы;

• «Ой қозғау», «INSERT», «Венн диаграммасы» секілді интерактивті әдістер;

• Тарихи құжаттармен жұмыс, дереккөздерді салыстыру;

• Жобалық және зерттеу жұмыстары;

• АКТ (ақпараттық-коммуникациялық технологиялар) қолдану, әсіресе презентациялар, видеоматериалдар арқылы тарихи оқиғаларды визуализациялау.

Сабақтарға тарихи мәселелерді талқылау, пікірталас өткізу, тарихи реконструкция жасау элементтерін қосу арқылы оқушылардың пәнге деген қызығушылығы артады. Менің жетекшілігіммен оқушылар жыл сайын мектепішілік және аудандық олимпиадаларға, ғылыми жобалар байқауларына қатысып, жүлделі орындарға ие болып келеді.

Тарих пәні арқылы оқушылар бойына елге, жерге деген сүйіспеншілік сезімін қалыптастыруға тырысамын. Мерекелік іс-шаралар, тарихи күндерге арналған сынып сағаттары, мұражайларға экскурсия ұйымдастыру – осы бағыттағы жұмыстың бір бөлігі.

Қорытынды

Тарих – ұрпақ пен ұлттың жадын сақтаушы пән. Бұл пәнді оқыту – үлкен жауапкершілік пен кәсіби шеберлікті талап етеді. Мұғалім өз тәжірибесін үнемі жетілдіріп, жаңа әдістерді меңгеріп отырғанда ғана оқушыларға сапалы білім мен терең тәрбие бере алады.