Тарихы терең оқу ордасы

Биік белестерді бағындырушы әл-Фараби атындағы Қазақ Ұлттық Университеті сонау 1934 жылдан бері тарих қойнауынан орын алып келеді. Қазіргі кезде сан емес, сапа құндылығы жоғарғы бағаланатын заманда университеттің жеткен жетістері орасан зор. КазҰУ қай сала болмасын биік белес, тағылымды тарихтың болғанын дәлелдейді. ҚазҰУ-нің осыған дейінгі алған мәртебесі, атқарылған жұмысы, ғылыми жетістіктері жетерлік.

Тарихының, оқытушылар мен ғалымдардың кәсіби деңгейінің жоғарылығының арқасында университет жаһандық бәсекеге қабілеттілікке ие болып отыр. Посткеңестік мемлекеттер арасында әлемнің үздік 200 университетінің қатарына екі ғана университет кіреді, соның бірі осы әл-Фараби атындағы Қазақ Ұлттық униерситеті (175-орын). Университет «QS Stars Rating System» халықаралық рейтингі бойынша үздік «Бес жұлдыз» алған Орталық Азия аймағындағы бірінші және жалғыз жоғары оқу орны болып табылады.

Джон Голсворси: "Психология — адамдарда білдіре алмайтын нәрсені сөзбен жеткізу", — деп жазды.

ҚазҰУ-дың философия және саясаттану факультетінің жалпы және қолданбалы психология кафедрасында әдетте оқу және ғылыми қызметпен айналысатын жоғары білікті оқытушылар жұмыс істейді. Кафедрада Қазақстан бойынша мықты оқытушы профессорлар, PhD докторлары мен кандидаттары, оқытушылар психология саласындағы ғылыми зерттеулермен белсенді айналысады. Сонымен қатар әр оқытушының өз зерттеу бағыттары да бар десек те болады, мысалы: когнитивті психология, тұлға психологиясы, даму психологиясы және әлеуметтік психология, коучинг психологиясы, өнер психологиясы т.б. әртүрлі салаларға маманданған.

Оқытушы профессорлар құрамы жыл сайын ғылыми журналдарда мақалалар жариялайды, конференцияларға қатысады және ғылыми кеңес береді. Әрі заман талабына сай көптеген оқытушылар білімдерін көтеріп практикалық психологиямен де айналысады, бұл оларға теориялық білімді практикада қолдануға мүмкіндік береді.

Осыған орай,мен дипломдық жұмысыма “Төтенше жағдайлар департаменті қызметкерлерінің эмоциялық күйіп жануы” деген тақырыпқа алдым. Бұл тақырыпты таңдаудағы себебім,өрт сөндірушілердің қоғамдағы өзектілігі және елімізде осы жайлы зерттеулердің аз болуы. Болашақта осы тақырыпқа теориялардың толықтырылуы және осы мамандардық құндылықтарын толықтыруды қалар едім.

Біздің өмірімізде пайда болған әрбір адам мұғалім деп санаймын. Оқу процесінде мұғалімнің рөлі маңызды рөл атқарады. Университет табалдырыған алғаш аттағанда бізді білім нәрімен сусындатқан ұстаздарымызға мың алғыс!

Әл-Фарабидың есімі мәңгі өшпес ғылым жолында екені белгілі. Олай болса алдағы жылды қорытындылай отырып, қоғамның бар кезеңінде аты өшпес ұлы ғалым есімін алып жүрген ҚазҰУ-нің аты мәңгі өшпесін. Алдағы жылдарда биік белестерді бағындырып, Қазақстанның жетістігіне үлес қоса беруін тілейміз.

«Психология» мамандығының 4 курс студенті- Рахатқызы Ш.

Оқытушы- Болтаева А.М

әл-Фараби атындағы Қазақ ұлттық университеті