«Тәуелсіз елім-туған жерім»

Уразбаева С.Ю, тәрбиеші

№37 «Мәншүк» балабақшасы МКҚК

Маңғыстау облысы, Ақтау қаласы

Тақырыбы: «Тәуелсіз елім-туған жерім»

Мақсаты: балалардың қазақ тілінде Тәуелсіз ел, Отан Қазақстан туралы түсініктерін кеңейту. Сөздік қорларын молайту. Туған елге деген сүйіспеншілікке тәрбиелеу.

Көрнекілік құралдары: Қазақстан Республикасының картасы, Қазақстан Республикасының рәміздері, (презентация арқылы)

Қажетті құрал-жабдықтар: үлестірмелі материалдар

Әдіс-тәсілдері: түсіндірме, сұрақ-жауап ойыны.

Оқу қызметінің барысы:

Тәрбиеші: Сәлеметсіздер ме, балалар!

Шаттық шеңбері: Қайырлы таң, көк аспан

Қайырлы таң, жер-ана.

Қайырлы таң, достарым

Сәлем, сәлем, сәлем!

Тәрбиеші: Балалар, бүгінгі біздің оқу іс-әрекетіміз ерекше болады. Ендеше Сіздер мына суретке қараңыздар. Не көріп тұрсыздар? ҚР картасын көрсте отырып, түсінік беру.

Тәрбиеші: -Біз қай елде тұрамыз?

Балалар: -Қазақстан Республикасында

Тәрбиеші: -Қазақстан елінде қандай ұлт өкілдері бар?

Балалар: -Орыс,өзбек,қырғыз,ұйғыр,әзірбайжан,тәжіктер.

Тәрбиеші: -Біз қай қалада тұрамыз?

Балалар: -Ақтау қаласында тұрамыз.

Тәрбиеші: Балалар сіздер Ақтау қалалық музейіне саяхатқа барлыларыңыз келе ме?

Балалар: - Иә, шығымыз

Тәрбиеші: -Ендеше аялдамаға барып, автобусты күтейік. Автобуспен жеткенше қаланың көрікті жерлеріне көз жүгіртейік.

Тәрбиеші: -Балалар, терезеден қараңдаршы, бұл – Ынтымақ алаңы.

Тәрбиеші: Балалар, біз музейге келдік. Балалар қараймыз, бұл жерде ата-бабамыздың көнеден мұра болып келе жатқан тарихи жәдігерлері жинақталған. Бұл қыста қыстауға, жазда жайлауға көшіп қонып жүргенде ыңғайлы әрі жылы Киіз үйіміз болған. Киіз үйдің бастапқы құрал-жабдықтарымен таныстырып өтейін: Шаңырақ, уық, кереге, есіктен құралады және оларға арналған киіз жабдықтары бар. Ертеде Киіз үй маңында балалар әр түрлі ойындарды ойнаған. Сол ойынның бір түрін ойнап көрейік.

-Өте тамаша балалар қане бәріміз «Асық ату» ойынын ойнайық.

Ойын: «Асық ату»

Ойынның шарты: Шеңберге асықтарды қатар-қатарымен құрамыз, егер асықты кім шеңберден шығарса, сол бала ұтады.

Тәрбиеші: Қанекей балалар, ойын ойнап болдық. Енді келесі залға өтейік. Бұл жерде біздің ақын-жазушыларымыздың көне кітаптары бар. Бұл Абай атамыздың «Қара сөздер» жинағы , ал мынау «Абай жолы» романы. Ал мынау атамыздың суреттері, оның ішінде Әжесі-Зере, Әкесі-Құнанбай, Анасы-Ұлжан.

Тәрбиеші: балалар осымен музейге арналған саяхатымыз аяқталды.

Саяхатымыз ұнаған болса балалар музей алаңында сергіту сәтін жасайық.

Сергіту сәті:

Кел балалар тұрайық

Үлкен шеңбер құрайық

Шаңырақты көтеріп

Керегені құрайық

Уық болып йіліп

Бір отбасы болайық.

Балабақшаға оралайық.

Қорытынды:

Тәрбиеші:

-Балалар біз қайда бардық?

Балалар:-музейге бардық.

Тәрбиеші: -Музейде нені көрдік?

Балалар: Абай атамыздың көне кітаптарын,шығармаларын көрдік.

Тәрбиеші: -Абай атамыздың қандай шығармашылығымен таныстық?

Балалар: Күз туралы,қыс туралы шығармалары мен таныстық.

Тәрбиеші: -Күз туралы өлеңін кім есте сақтады және кім айтады?

Балалар: Адина

Сұр бұлт түсі суық қаптайды аспан,

Күз болып,дымқыл тұман жерді басқан.

Білмимін тойғаныма,тоңғаныма,

Жылқы ойнап,бие қашқан,тай жарысқан.

Жарайсыңдар, балалар. Осымен оқу қызметіміз аяқталды. Назарларыңызға рахмет! Сау болыңыздар!