Тәуелсіз елдің тұғыры биік!

Бүгінгі біздің тәуелсіздігіміздің қайнар көзі қазақ халқының сан ғасырлар бойы күресінде, азаттыққа ұмтылған қайсарлығында жатыр. 
                                                                                             (Н.Назарбаев)
Міне, көзді ашып жұмғанша, осы жылы Қазақ халқы тәуелсіздіктің 26 жылдығын тойлайды. Тәуелсіздікке жету – оңай жолмен келген жоқ, ол бәрімізге мәлім. Бұл қазақ халқының ғасырлар бойы көздеген арман-мұраттарының орындалуы. Тәуелсіздікті алу әрине, оңай болмады. Тәуелсіз мемлекетке айналу, бізге үлкен серпіліс, күш берді. Біздің өз еркімізбен алға ұмтылуға, мемлекет болып өркендеуге жол ашылды. Осыған байланысты О.А.Жаутыков атындағы №1 қазақ орта мектебінде тарих апталығы өткен болатын. Тарих пәнінің мұғалімі Омарбеков Қайрат Мақсымұлының бастауымен 10 – сынып оқушылары Тәуелсіздік қарсаңына «Тәуелсіз елдің, тұғыры биік!» атты тақырыбында өз көріністерін қойды. Бұл көріністе оқушылар көрермендеріне Тәуелсіздіктің оңай келмегендігін және Тәуелсіздіктің құрбаны болған Қайрат,Ләззат, Сабира, Ербол сынды азаматтарды 1минут үнсіздікпен еске алды. Осындай мұңға толы көрініс оқушылылардың көңілдерінен шығып, зор қошеметке ие болды.

Тәуелсіздік бізге оңай келген жоқ. Осыны түсінетін, қадірін білетін жастарымыз саны молая берсін! Ана тілімізді, халқымызды, дінімізді, бірлігімізді, тәуелсіздігімізді қадыр тұтайық, қазағымыздың ұл-қыздары биіктерден көрініп, алға өрлей берсін!

О.А.Жаутыков атындағы жалпы білім беретін
№1 қазақ орта мектебінің 10 «А»

сынып оқушысы Оспанова Фатима