«Тәуелсіздік біздің баға жетпес игілігіміз.

Тәуелсіздік алғаннан бері жас елдің

тарихындағы мүлде жаңа дәуір басталады.

Серпінді және сенімді дамудың дәуірі».

Н.Назарбаев

Тәуелсіздік - ең басты байлығымыз

Қазіргі кезде өркениетте өзінің лайықты орнын алуға ұмтылған, әрі орнын алған Қазақстанның серпінді және сенімді дамуы, қазақстандық мемлекеттіліктің басында тұрған, әлем таныған бірінші Президентіміз, ЕлбасымызН.Ә.Назарбаевтың есімімен байланысты.

Қазақстан тәуелсіздік бесігінде тербелгеніне 30 жыл толды. Осы уақыт ішінде Қазақстан өзінің дербес ел екенін дәлелдеп, өзінің шекарасын белгіледі. Ата Заңымызды, Мемлекеттік рәміздерімізді бекітіп, ұлттық құндылықтарымызды, дінімізбен тілімізді, мәдениетімізді, салт-дәстүрімізді сақтай алған зайырлы мемлекет болдық. Тәуелсіздік бізге оңайлықпен келген жоқ. Бұл күн мен үшін -азаттық жолында жан берген ата-бабаларымызды, батырларымызды еске алу күні, бәріміз үшін - ата-бабаларымыздың армандары орындалған күн.Ия, ата-бабамыздың аңсаған арманын орындай алған текті халықтың ұрпағымыз.

Ия, қазір әлем Қазақстанды Тәуелсіз ел ретінде тани бастады. Дамыған елдермен тереземіз теңесе бастады. Елімізде әлеуметтік тұрақтылық орнады. Ең басты біздің жетістігіміздің бірі – бейбітшілік пен келісім. Бұл екі ұғым меніңше, бір - бірінен ажырамас ұғымдар. Себебі көршілес елдермен тату байланыста бола білу де үлкен жетістік деп ойлаймын. Біздің елімізде көп ұлт өкілдері тату тәтті өмір сүруде.Елімізде тұратын әр ұлт өкілі Қазақстанды өз Отаным деп санайды. Бұл біздің Елбасымыздың салмақты да салиқалы, нық саясатының жемісі.

Мен үшін Тәуелсіздік - ертеңгі күнге деген сенім, келешек ұрпақ алдындағы жауапкершілік.Қазақстан десе жүрек сыздап қоятын отаншыл азаматтардың бірі ретінде қолымыздағы ең басты құндылығымызды, байлығымызды, тәуелсіз елдің Туын, кең байтақ жерін келер ұрпаққа қолына ұстату.

Дауренбекова Қ.Р. «Фрунзе жалпы білім

беретін мектебі» КММ қазақ тілі

мен әдебиеті мұғалімі