Тәуелсіздік – ел
тұғыры
Тәуелсіздік…… Өте жылы естіледі, солай ғой? Менің
түсінігім бойынша тәуелсіздік сөзі бейбітшілік, азаттық, бостандық
деген мағынаны білдіреді. Біздің еліміз Қазақстан тәуелсіз
мемлекет. Тәуелсіздігімізді алғанымызға биыл 30 жыл толайын деп
отыр. Бейбітшілікке қол жеткізу оңайға түспеді.
Неліктен?
Бәріміз білетіндей біз тәуелсіздігімізді 1991
жылы 16 желтоқсанда алдық. Бабаларымыз аңсаған тәуелсіздікке жету
сөзсіз ерлік пен үлкен қиындықтарға толы болды. Мысалға алатын
болсақ,1986 жылы болған Желтоқсан оқиғасы Оқиғаның болу себебі де
осы азаттық пен бостандық үшін. Ешкімнен қорықпай,жасқанбай шыққан
жастардың бұл ерлігі мәңгі ел жадында. Олардың негізгі қалауы
елінің бостандығы, жастардың қазақша білім алуы, салт-дәстүр мен
әдет-ғұрыптың сақталуы болатын. Алайда ол кезде бұл жай ғана арман
болып қалып еді . Бірақ қазақ елі тоқтап қалмады,өз дегеніне жетті.
Арман мен мақсат орындалды, қазақ елінің рухы көтерілді. Содан бері
қанша уақыт өтсе де әлі қайсар халықпыз және осы жыл аралығында
Қазақстан көптеген жетістіктерге жетті. Тәуелсіздік ала салып,өз
заңымыз қабылданды. Тұңғыш президентіміз Нұрсұлтан Әбішұлы
Назарбаев сайланды. Одан бөлек мемлекеттік рәміздеріміз белгіленіп,
ескірген қалаларымыз бой көтере бастады. Ең басты қуанышымыз
демография көтерілді. Экономика дамып, шетел елдермен достық
қарым-қатынас нығая түсті. Тарихи, мәдени ескерткіштер жыл санап
көбейе бастады. Осының бәрі тәуелсіздік пен батыр бабаларымыздың
ерлігінің арқасында .
Ойымды жинақтай отырып, өзімнің Қазақстан деген
керемет елде дүниеге келгеніме өте қуаныштымын. Мен өз
еліммен,батыл бабаларыммен мақтанамын. Елімнің дамуына өз үлесімді
қосамын. Тәуелсіздігіміз мәңгі болғай. Әрқашан да қазақ деген
атымыз сақталып,еліміз татулықта болсын. Алға,
Қазақстан!