ҚЫЗЫЛОРДА ОБЛЫСЫНЫҢ БІЛІМ БАСҚАРМАСЫНЫҢ

ҚАРМАҚШЫ АУДАНЫ БОЙЫНША БІЛІМ БӨЛІМІНІҢ «273 ОРТА МЕКТЕБІ»

КОММУНАЛДЫҚ МЕМЛЕКЕТТІК МЕКЕМЕСІ

Салтанатты жиын: «Тәуелсіздік-тұғырым»

4«Б»сыныбы Сынып жетекшісі:Калданова Амина

Байқоңыр, 2024ж

1-жүргізуші:Каусар

Құрметті ұстаздар, оқушылар!

16 желтоқсан Тәуелсіздік күніне арналған«Тәуелсіздік-тұғырым» атты салтанатты іс-шарамызға қош келдіңіздер!

2-жүргізуші:Айару

Алаулаған алабынан нұр тамып,

Қазақ елін бүкіл дүние жүр танып.

Көк байрағың желбірейді төріңде,

Әнұран тұр аспаныңда шырқалып

, — дей отырып Қазақстан Республикасының мемлекеттік әнұраны орындалсын.

Әнұран орындалады

1-жүргізуші:Каусар

Желтоқсанда шындық жырын шырқаймын деп шарқ ұрдың,

Желтоқсанда егеменді ел болсақ деп талпындың.

Кеудеңде әлі сызы жатыр сол кездегі салқынның

Айналайын,айналайын,жас өркені халқымның.
Қазір бұл күн Қазақ халқы үшін ұлы күн, әрі қайғылы, әрі
бақытты күн. 1986 жылғы желтоқсан оқиғасы Қазақ
халқында бұрын болмаған ең ауыр да, әділетсіз көтерілістің
бірі болды.

2-жүргізуші:Айару

Енді міне, осы Желтоқсан көтерілісіне қатысқан
ағаларымыз бен апаларымыз үш ғасырға жуық уақыт
бойы армандаған тәуелсіздікке қол жеткізді.

1-жүргізуші:Каусар

Орны ағалардың бізбен толсын,
Сәбилер батырлардың жолын қусын.
1минут үнсіздікпен еске алайық,
Ағалардың аруағы ырза болсын.

Бір минут үнсіздік

2-жүргізуші:Айару

Жусупова Каусар, Дауиржанова Айзере

«Қазақ деген елім бар»әнін қабыл алыңыздар

1-оқушы Асем

Ел болдық егеменді,теңдік алып,
Бар әлем қазақ елін болды танып.
Қойнауы кенге толы Қазақ елі,
Жыл сайын келеді өсіп қанат жайып.

2-оқушы Имран

Бостандық құтты болсын ерікті ел,
Айдын көл,көк майсалы,көрікті жер.
Бостандықты аңсаған батырлардың,
Әруағына бас ұрып,тәу еткен жер.

3-оқушы Нұрдана

Тәуелсіздік – менің байтақ Отаным
Бір өзіңсің Мұхтар, Абай, Шоқаным
Тәуелсіздік – сәбилердің шаттығы
Тәуелсіздік, тәуелсіздік – жыр әнім

4-оқушы Мадияр

Он алтыншы желтоқсан

Тәуелсіздік алған күн

Мерекеге ел тосқан

Шырқатып ән салған күн

Хор :Біз Отанның бөбегі

5-оқушы Алия

Атыңнан айналайын егемен ел,
Тәуелсіз күнің туды,кенеле бер.
Мерейің құтты болсын Қазақстан,
Ғасырлар тойы болшы келе берер!

6-оқушы Динмухаммед

Құтты болсын тәуелсіздік мерекесі,
Мықты болсын елімнің керегесі.
Тату болып халқымыз әрқашанда,
Кетпесін туған жердің берекесі.

7-оқушы Раяна

Менің елім-Қазақстан,Отаным,
Жырлар жазып,өзіңді әнге қосамын.
Мәңгілікке қымбаттысың туған ел,
Арта берсің абыройың,атағың.

2-жүргізуші:Айару

Қазақ болып тумағанда не етер ем.

Орындайтын Боранбаев Нуркелды

1-жүргізуші:Каусар

Мен қазақпын,ұланымын қазақтың,
Тәуелсізбін,егеменмін,озатпын.
Көк байрағым желбіресін көгімде,
Алатаудай көкке өрлеген азатпын.

Хор:Көк тудың желбірегені

2-жүргізуші:Айару

Тәуелсіздік күні - Қазақ елінің тарихындағы ең атаулы күн, қазақ халқының сан ғасырлық арманының орындалған күні. Егемендік алғаннан бері Қазақстан өзін әлемге  бейбітшілікте өмір сүретін мемлекет ретінде танытты. Осы Тәуелсіздікті тұғырында нық ұстау үшін сапалы білім мен тәрбие керек.  Қазақстанның Тәуелсіздігі баянды болсын! 

Хормен:

Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын. Келесі кездескенше сау- саламатта болыңыздар!

1-жүргізуші:Каусар

Келесі сөз кезегін мектебіміздің тәрбие ісі жөніндегі орынбасары Айманай Темирбаевнаға береміз.

Келесі сөз кезегін мектебіміздің оқу ісі жөніндегі орынбасары Ажар Ыхласовнаға береміз.