«Тәуелсіздік-көптен күткен бақытым»

Егеменді еліміздің тәуелсіздік алғанына 26 жыл толды. «Елу жылда ел жаңа» демекші, өмір осы жылдары біраз өзгеріске ұшырады. Нарықтық заман орнады. Тәуелсіз еліміздің жастары үшін заман талабына сай өнерлі де білімді болып өсу талабы қойылды. Тәуелсіз еліміз болашаққа айқын бағдар түзеп, өркениетті елдер қатарына жетуге аяқ басты. Болашақтың тірегі - мына бүгінгі бүлдіршіндер. 
Үшарал қаласындағы №1 «Арай» балабақшасында балаларды елжандылыққа тәрбиелеу, туған елі мен жерін сүюге баулу жұмыстарына аса көп көңіл бөлінеді. Қазақстанның Тәуелсіздік күніне арналған «Тәуелсіздік-көптен күткен бақытым» атты ертеңгілік тәуелсіздікке қол жеткен егеменді еліміздің жетістіктерін паш еткендей болды. Ертеңгілігімізге аудандық білім бөлімінің бас маманы Н.Ж.Молдабекова мен Қ.С.Қабдуллаева қатысып, ертеңгілікке құттықтау сөздерін айтып, ризашылықтарын білдірді. Ертеңгілікке бүлдіршіндер Қазақстан Республикасының туына түстес пилотка мен галстуктарын тағып, қолдарына жалаушаларын ұстап, мерекелік көңіл- күймен кірді.

Ата – бабаларымыздың ұрпағын, елім, жерім, Отаным деп кеткен арманына қол жеткізудегі батырлар мен хандардың рөлі туралы да айтылып, көріністер көрсетілді. Тәуелсіздіктің қазақ халқына оңайлықпен келмегенін айта келе, оны бүлдіршіндердің санасына ендіру мақсатында орта тобы дайындаған Қайрат Рысқұлбеков туралы көріністі көрсетті. Кіп-кішкентай балаларымызбен дене шынықтыру нұсқаушысы Ж.Енсенов Қайраттың бейнесін сомдап, батырлығын көрсетіп, ата-аналар мен педагогтарды, балаларды өз өнерлеріне тәнті қылды. Ертеңгіліктің негізгі лейтмотиві – балаларды өз елін, өзінің туған жерін, өз Отанын сүю, қадірлеу, мақтан тұту, елінің салт – дәстүрін, әдет – ғұрпын сақтау болды. Ал, кішкентайлар мен ортаңғы топ балалары арасында өткізілген ертеңгіліктің мақсаты – балалардың Отан туралы ұғымын кеңейту, бірлігі жарасқан байтақ елдің бейбітшілігін паш ету, Елбасымыз Нұрсұлтан Назарбаевтың кемерлі және ұшқырлы ойларын балалардың жүрегіне ұялату болды. Қазақстан картасымен таныстырып, жаңадан бой көтерген жаңа қала Астана туралы да мағлұмат берілді.

Осы ұжымда өткізіліп жатқан барлық игі істер педагогтардың талмас еңбегі, аянбай ізденіс жасап, құзіреттіліктерін дамыту үшін сан түрлі әдістемелік жұмыстармен шұғылданғандығының арқасы екендігі белгілі. Осы үлкен мерейлі мерекені ұйымдастырып өткізген балабақша меңгерушісі А.М.Жақыпбекова және балабақша әдіскері А.Т.Кожахметова және ертеңгілікті жүргізген тіл маманы Л.Аймишеваны айтуға болады. Сонымен қатар, осы ертеңгіліктің өтуіне үлкен үлестерін қосқан тәрбиешілер Турсунова Б, Жауатарова Г, музыка жетекшісі А.Омархановаларға да айтар алғысымыз шексіз.

Ұрпағының өнері мен біліміне тәнті болған ата-аналар қауымының алғысында шек болмады.

Қазақстан Республикасының Президенті Н.Назарбаев халқына Жолдауында: «Өткен тарихымызға тағзым да, бүгінгі бақытымызға мақтаныш та, гүлденген келешекке сенім де «Мәңгілік Ел» деген құдіретті ұғымға сыйып тұр. Отанды сүю – бабалардан мирас болған ұлы мұраны қадірлеу, оны көздің қарашығындай сақтау, өз үлесіңді қосып, дамыту және кейінгі ұрпаққа аманат етіп, табыстау деген сөз.