Тәуелсіздік таңы

«Тәуелсіздік таңы»

(Тәуелсіздіктің 25 жылдығына арналады.)

Сол бір жылы болды қысым ызғарлы,

Қазақ елім азаттықты жырлады.

Ел басына қазағымды қоя алмай,

Болды жастар ашу- кекті ызалы.

Ашу- ыза кернеп тұрған бойларың,

Бір тоқтамға тоқтата алмай ойларың.

Шықты жастар шеру жасап алаңға,

Қазағымның көтермек боп байрағын.

Кетсін басқа, тұрсын деді қазағым,

Артта қалсын, қазақ тарқан азабын.

Тәуелсіздік ел боламыз, азаттық керек азаттық,

Деп айқайлай қиды талай, өз өмірін жастарым.

Мұздай суға шомылып, аязға тұрды қасқайып,

Ала таяқ тисе де қалмады олар жасқанып.

Сол жылдары талай қыршын аянбай,

Кете барды қара жерді жастанып.

Сол жылдары аға- апамыз арқасы,

Бүгін міне «Тәуелсіздік» таңы атты,

Төсімізде «Елтаңба», ән- ұраным шықалып,

Көк байрағым желбіреп, таққа отырды Елбасы.

Атты солай «Тәуелсіздік» таңымыз,

Еркіндікті аңсап едік бәріміз.

Азаттықты алу үшін жан қиды,

Ләззат пенен Сәбирадай апамыз,

Батыр туған Қайрат пенен Ербол сынды ағамыз.