Тәуелсіздік төрімде

Жетісу ауданы

№ 176 бөбекжай-балабақшасы

«Тәуелсіздік төрімде»

(мектепалды даярлық тобы)

Тәрбиеші: Ахметжанова Ш.Т

Алматы - 2018ж

«Тәуелсіздік төрімде»

Қазақстан Республикасының Тәуелсіздіккүніне арналған мерекелік іс-шараның сценарийі.

Мақсаты: Балаларға Қазақстан Республикасының Тәуелсіздігі туралы терең мағлұмат беру;

Елжандылыққа, отансүйгіштікке, азаматтыққа баулу;

Туған жерге, Отанға деген  сүйіспеншілігін арттыру;
Көрнекілігі:«Менің Тәуелсіз Қазақстаным» атты слайд көрсетіледі,балалардың суретінен көрме ұйымдастыру,еліміздің рәміздері т.б.

Зал іші тақырыпқа сәйкес суреттермен, көрнекіліктермен безендіріледі.

«Қазақ елі» әні (А.Жүнісбеков) орындалып, балалар кіріп, белгіленген орындарға тұрады.

Ағахан: Елдің елдігі,

Ердің ерлігі-

Әнұран!

Әннің асылы,

Ұранның басымы-

Жүргізуші: Қазақстан Республикасының Гимні шырқалсын!

КР Гимні орындалады.

Құрметті қонақтар, бүгінгі үлкен мерекемі зҚазақстан Республикасының Тәуелсіздік күніне арналады!16-шы желтоқсан күні барша халқымыз Қазақстан Республикасының Тәуелсіздік күнін ерекше атап өтеді.

Ағахан: Сен дегенде Қазақстан

Жүректен от лаулап ұшқан

Гүлдей жайнап, құлпыра бер

Егемен ел Қазақстан!

Бала:Дақ түсірме ата – баба рухына.
Үлгі бізге аталардың ерлігі,
Ұлағаты, өнегесі, еңбегі.
Тәуелсіздік туын ұстап жоғары,
Бүгінгі ұрпақ – болар елдің ертеңі Райан

Бала:Қазақстан –туған өлкем,

Жер көппе, сендей көркем,

Көрсін деп күллі әлемге,

Көк туыңды желбіретем! Асхат

Бала:Қазақ елі, байтақ ел,

Қайтпайтын ел, қайсар ел!

Туған елім, туған жерім,

Сүйемін мен қазақ елін! Юсуф

Ән «Егеменді Қазақстан»(Балалар отырады)

Слайд «Менің Тәуелсіз Қазақстаным»көрсетіледі. Тәрбиеші әңгімелеп, түсінік береді.

Жүргізуші: Біздің Қазақстанымыз кең байтақ жері, әдемі биік таулары, өзен-көлдері бар үлкен тәуелсіз мемлекет. Біздің еліміз өз рәміздері бар егеменді ел. Қандай рәміздерімізді білесіңдер, айтып жіберіңдерші. (ту, елтаңба, әнұранға сипаттама беру;)

Бала:Желбірейді шалықтап,

Қазақстан жалауы.

Көкте қыран қалықтап,

Қанат қағып барады. Ақбота

Бала:Айнымайды аспаннан,

Біздің тудың бояуы.

Оны халық қашанда,

Биікке іліп қояды. Әсем

Бала:Елтаңбасы елімнің,

Ортасында шаңырақ.

Көмкерген оны қос пырақ,

Төбесінде жұлдызы, Адина

Тұр ғой әне, жарқырап!

Бала: Әнұраны елімнің

Шақырады бірлікке.

Егеменді халқымның,

Болашағы бірлікте! Аспандияр

Тәрбиеші: Дұрыс айтасыңдар, балалар, біздің еліміз әнұранымызбен айбатты, елтаңбамызбен еңселі, желбіреген көк туымызбен қайратты. Біз әрқашан рәмәздерімізді қастерлеп биікке іліп қоямыз.

Жүргізуші: «Мерекелік шашу» биі

Бала:Бар әлемге шын танылдық міне, біз,
Елін сүйген Елбасы деп білеміз.
Тең аталып Қазақстан - Нұрсұлтан
Нұрсұлтан мен Қазақстан тұр егіз Сағинұр

Бала:Байтақ жерді басқаратын қамқоршы,
Қазақ үшін аянбайтын көшбасшы.
Елін сүйген, елі сүйген Президент,
Шуақ шашар елімізге күн болшы. Бегарыс

Бала:Тәуелсіздік алып берген біздерге,
Нұр ағадай Президент бар біздерде.
Бейбітшілік ынтымақты сақтаған,
Мақтан тұтып, жар саламын сіздерге! Әділ

Жүргізуші:Дұрыс айтасыңдар, балалар, біздің президентіміз Нұрсұлтан Әбішұлы Назарбаевтың өз елі, туған жері үшін жасап жатқан еңбегі өте зор.

Әуен ойналып апа кіреді.

№ 1 тапсырма -Қазақтың ұлттық киімдерін атаңыз. (камзол, бүрмелі көйлек, сәукеле, шапан, бөрік т.б.)

№ 2тапсырма- Қыздарға арналған қандай әшекей бұйымдарды білесіз? (сақина, білезік, шашбау, жүзік, моншақ, алқа т.б.)Балалар, Қазақстанда қандай қалалар бар? Біздің елордамыз қандай қала?

№3тапсырма- Астана қаласы қандай өзеннің жағасында орналасқан екен?

№ 4 тапсырма -Қазақстанда қандай ұлт өкілдері тұрады?

№ 3тапсырма- Қазақтың қандай ұлттық ойындарын білесіз? («Көкпар», «Бәйге», «Қыз қуу», «Ақсүйек», «Теңге алу», «Аударыспақ» т.б.)

Ойындар: «Ою –өрнек», «Арқан тартыс»

Ән: «О, туған елім» қыздар айтады

Бала: Тәуелсіздік бұл бақыт

Сарқылмайтын шаттық қой

Көздің жасын құрғатып

Келген бізге бақыт қой! Еламан

Бала: Ылғи өрге өрлеген

Бақыты бұл халықтың

Мейірімен тербеген

Тәуелсіздік жарық күн Аружан

Бала: Тәуелсіздік таңын сүйем

Таңмен бірге келеді ме өлең

Көк туыңа басымды ием

Көгімізде желбіреген Дастан

Бала: Аласармас аспанымда

Күнмен гүлдеп ел өседі

Қазақстан аспанында

Бостандықтын елі еседі. Мағжан

Бала: Желтоқсанның ызғары ай

Кірпікке қатқан мұздар ай

«Елім ай» деп егілген

ҚаҺарман ұлдар, қыздар-ай. Адия

Бала: Өзіңдікі - елің де,

Өзіңдікі – жерің де!

Өзіңді-өзің еткен бақ,

Тәуелсіздік төрінде! Хамзина Айзере

Жүргізуші: Әрине, балалардың бүгінгі мерекеге арнаған өнерлері көп.

Жабырқауды білмейміз

Жалқау болып жүрмейміз.

Ән де шырқап бәріміз

Көңілді би билейміз.

« Жастар биі »

Ағахан: Отан- деген атамекен,

Отан - деген туған жер.

Отан - ана, Отан - өлкем,

Бәрі:Қазақстан - туған ел!

Ағахан: Толтырған гүлге даланы,

Жайнатқан ауыл, қаланы.

Ардақты атамекенім-

Бәрі: Отаным-Қазақстаным

Ән: «Қазақстан»

Жүргізуші: Қазақстан Республикасының Тәуелсіздік күніне арналған «Тәуелсіздік төрінде»атты мерекеміз аяқталды. Елімізде тыныштық, бейбітшілік болсын. Қазақстанымыз жайнап, гүлдене берсін!Қош сау болыныздар!