Тәуелсіздік тұмарым

«Алматы облысының  білім басқармасының
Текелі қаласы бойынша білім бөлімі»
ММ «№4 балалабқшасы» МКҚК тәрбиешісі
Байшағарова Назым Мұратқызы
Эл.пошта: baishagarovanazym@mail.ru

Телефон: 8708 365 95 15

Тәуелсіздік тұмарым
«Биыл егемен ел болғанымызға 30 жыл толып отыр. Тәуелсіздік – біздің ең қастерлі құндылығымыз.

Біз үшін ең маңыздысы – әр азаматтың Тәуелсіздік игілігін сезіне алуы. Оның басты көрінісі – елдегі бейбіт өмір, қоғамдағы тұрақтылық пен тыныштық. Сондай-ақ, халықтың тұрмыс сапасының жақсаруы және жастардың болашаққа нық сеніммен қарауы» деп президентіміз Қасымжомарт Кемелұлы Тоқаев халыққа жолдауында сөзін тұғыры биік тәуелсіздігіміздің 30 жыл отлуымен байланыстырған еді.

Мен Байшағарова Назым Мұратқызы -  тәуелсіздіктің құрдасымын. Осыдан 30 жыл бұрын Алматы облысы, Райымбек ауданы, Тоғызбұлақ елдімекенінде дүние есігін ашқанмын. Мені отбасым тәуелсіздікті алып келген бағымыз деп үнемі патриоттық сезіміммен тәрбиелеп, санаммен бойыма дарытқан ата – анама алғысым шексіз! Тәуелсіздік еліміздің басына қонған асыл бағы болса, мен үшін аса жоғары тәңірдің берген сыйы деп білемін.

Қазақстан мемлекетін құру, қазақстандық болу – бізге тағдыр сыйлаған ұлы бақыт. Ата – бабаларымыз сан ғасырлар аңсап  келген және бізге  жарқын болашақ сыйлап кеткен тәуелсіздің ақ таңының  абыройына, дақ түсірмей сақтай отырып, ұрпақтан -  ұрпаққа табыстау баршамыздың Отан алдындағы борышымыз деп білемін. Отан отбасынан басталады демекші жолдасым екеуміз балаларымызды имандылыққа, адалдыққа, мейірімділікке, қарапайымдылыққа, отансүйгіштікке өзімізді үлгі етіп көрсете отырып, тәрбиелеп отырмыз. Абай атындағы қазақ ұлттық педагогикалық университетін «Мектепке дейінгі оқыту және тәрбиелеу» мамандығы бойынша тәмәмдадым. Білімнің кілті – балабақшада дегендей өзіміз тұрып жатқан Текелі қаласының №4 балабақшасында тәрбиеші болып қызмет атқарамын. Еліміз Тәуелсіздік жылнамасының төртінші онжылдығына қадам басқалы тұрған шағында өз білімімді болашақ ұрпаққа сапалы білім беру үрдісіне арнап, келешек жастарымыз саналы түрде елін, жерін сүйген патриот етіп тәрбиелеу үшін азда болса өз үлесімді қосудамын.
Тәуелсіздігіміздің тұмарына айналған өзге құрдастарымды келіп жеткен төл мерейтойымызбен шын жүректен құттықтаймын! Еліміздің еңсесі әрқашан биіктен көрініп, абыройы асқақтай бергей!