Латын әліпбиіне қатысты жалпыхалықтық диктант жазу

14.11.2018 Бүгін Қазақстан тарихында елеулі оқиғалардың бірі орын алды. Атап айтсақ, латын әліпбиімен диктант жаздық.

Елбасы Н.Ә.Назарбаевтың  бастамасымен қолға алынған қазақ тілі әліпбиін латын графикасына көшіру жұмыстары аясында республика көлемінде алғаш рет латын графикасымен жалпыхалықтық диктант жазылды. Айтулы шараға Семей қаласындағы «№49 Жалпы орта білім беретін мектеп»КММ ұстаздар қауымы мен оқушылары да шет қалмай, бір кісідей қатысты.

Шараның негізгі мақсаты – жаңа қазақ әліпбиін насихаттау болғандықтан бұл жұмысқа атсалысуда ұстаздар қауымы алдыңғы лекте тұруы керек деп ойлаймын.

Латын әліпбиіне көшу- бүгінгі өркениетті дәуіріміздің басты талабы. Сондықтан қоғамда орын алып жатқан өзгерістерден қалыс қалмай, алға қадам баса беруіміз керек. Бүгінгі жалпыхалықтық диктант жазуға әріптестеріміз бен оқушыларымыздың қызығушылығы жоғары болғанын айта кеткенім жөн. Әрине, жазуда қиындық тудырғаны рас, дегенмен уақыт өте келе жаттығып дағдыланып кетеміз, -дейді мектеп ұстаздары. Жарты сағат ішінде «Рухани жаңғыру» тақырыбында жазылған алғашқы диктант латын әліпбиімен жақынырақ танысудың алғашқы қадамы болды.

Әдістемелік бірлестік мүшелері